]الصراحه طبق روووعه وسهل انا سويته اليوم وكلمن شهد بنجاحه
انا ضفت له شوي
المقادير
قرنبيط
فلفل بارد
باذنجان
وخذيت كفته لحم من ساديا جاهزه
والصراحه نسيت الذره
فلفل حار
مقادير صلصه البشاميل
حليب طازج لتر
وطحين
وزيت
وفلفل اسود
وجبن كيري
قشطه
مكعب ماجي
ملح
زبده
للوجه
وجبن كرافت مبشور
الطريقه
قليت القرنبيط والفلفل والباذنجان مع كور اللحم وحطيتهم في البايركس وحطيت عليه شرائح فلفل حار
سويت البشمل
حطيت لتر حليب طازج المراعي
مع الجنن كيري حطيت خمسه
وحطيت قشطه علبتين من نستله
وحطيتهم في الخلاط
وحطيت جدر وحطيت زيت وشوي زبده وحطيت ملعقه كبيره طحين لين اختلط مع الزيت حطيت الخله الي خلطتها في الخلاط وقعدت احركه لين ما غلظ وحطيت معاه مكعب ماجي وقليل من الملح وفلفل اسود وخليتها تغلظ
بعدين خليه علي الخلطه الي في البايركس ورشيت عليه الجبن المبشور ....ودخلته الفرن لين احمر الوجه ..
والله بيتنه فرحو كل من قال يبي الطريقه كلنا مع العيش وناس كلته مع الخبز
تسلمين يا الغاليه وانا سعيده بان الطبق نجح معاي ..جزاج الله الف خير وربي يسعدج يا ملاذ وين ما رحتي
ملاحظه :انا يوم خلصنا اكل تذكرت اني ابي اصوره وانا خذيت الصور من الموضوع الاصلي[/COLOR][/B]
