إلى متى التعقيم!

:)

اول شهرين او ثلاثه عقمي المراضع بعدين اتركي احسن اغسليهم بس عدل ونقعيهم بماي عن الريحه لاتعقميهم زياده عن اللزوم ترى بعدين البيبي يتحسس ويمرض على اقلشي

والماي انا ولدي من صار ست شهور بس اخلي يمي دلة ماي مفيوح ويكون حااار عشان اخلي فلمرضعه انصين حار والباقي ماي حلو عادي مو مفيوح ولاشي والحمدالله كلشي تمام

انا بنتي للحين اعقم مراضعها بالبخار واحس اني ساعات ابالغ في التعقيم راح استمر في التعقيم الى ان تكمل 8شهور :sm229: والماء لحد 3 شهور وبعدها اتكيسلت وصرت ما اعقم:2_22:

ههههههههههه اشوف امخرطينها البنات !! ابي وحده أسألت دكتور لأن اظن من عقب السنة

لازم تعودين لطفل على التعقيم خصوصا الحليب لان التسمم لاسمح الله سهل

وانا اغسلهم بالماي والصابون وبعدين انقعهم بالماي الحار

وحتى مصاصات الدوا الكتور قال لي خسليهم بالماي الحار وخصوصا البخاخ الانبوبه فيه ناس مايغسلونها والبكتيريا تكون فيها انتبهي النظافه صحه

انا اعقم مراضيع ولدي مع كل رضعه وماادري لي متى اعقم تعبت

صراحة انا بعد متعبتني سالفه هالتعقيم

المراضع بلووووووة

انشالله الي سألت احد خبرة تخبرنا عن هالموضوع

في ادوات تساعد على التعقيم انا استخدم هذا احط في كل اغراض بنتي واحط ماي واحطه في الميكروويف 4 دقايق بعدها اصفيها من الماي وحطها فالثلاجه باللي فيها

مراضع في الجهاز التعقيم اخليهم بس ما ادري الى متى

بس اعتقد الى ما نفطمهم

و عن غليان الماي في يقولون الى 6 شهور و في الى السنة

أكثر من دكتور قالولي أن تعقيم الرضاعات يفضل لـــ 6 شهور بس ، وهذا نفس المكتوب في أكثر من موسوعة عندي
المبالغة في التعقيم مضارها أكثر من نفعها لأن جسم الطفل ما يتعود على الجراثيم البسيطة ويصير يمرض من أقل شيء ...

ألحين اكتفي أغسل الرضاعات بالفرشاة وبماء حار وأفرك الحلمات بملح وبعدين أغسلهم بماء دافي عدل وخلص ... وطبعاً وقت اللي ما أحتاج الرضاعات أخليهم منقوعين عشان الريحة


الماء بصراحة أنا من بعد الأربعين ما قمت أغليه دائماً ... لأن قالولي أخواتي أن الماء المعبأ " بس ما يكون معدني " ما يحتاج لغلي لأنه معقم أصلا وسألت الدكتورة قالت انه مو لازم ... وكان همي ما يكون بارد يكون دافىء

بس من بدأ الجو يبرد قمت أغليه عشان يكون عندي ماء حار على طول فقط لا غير مو للتعقيم نفسه

ولدي الحين بيكمل سنه وشهرين

ومازلت اعقم مراضيعه وما أطلعهم من الحافظ الا وقت الرضعه

انا تعودت على هالطريقه بس ماجا في بالي اني اقطع هالشي

في بالي انا المرضاعه لازم تتعقم لين البيبي يترك المرضاعه

انا ولدي عمره 9 شهور وللحين اعقم له المرضاعه مرتين الى مره في الاسبوع

والماي انا عندي الكولر مال الماي فأخذ منه الحار

اني اسوي مثل ام احلى حمود
اول 3 او اربع شهور يعني اعقمهم
لكن الحين اعقمهم بس بين فترة وفترة
واهم شي اغسلهم بالماي والصابون وانظفهم عدل عن الحليب
وامي ساعات في بيت ابوي تنقعهم في ماي وصدق ولا تطلع الى المرضعة ريحة مالت الحليب

وساعات اني اذا كنت مستعجلة ولا عندي مرضعة نظيفة اغسلها ماي حاااااااااار عدل وتنظف يعني كجرد حق مرة او مرتين مو على طول

بولدي البكر عقمت مراضعه لين قطعهاااا

يعني 3 سنوات كامله كنت أعقمهم


لانه ماكان يقبل الشرب من الكوب


أم الماء المغلي أول سنه ومن بعدهااا ماله داعي لانه خلاص صار يشرب من الماء تبعنا


البنوته للحين أعقم مراضعها وأستخذم لها من الماي تبعنا من الكولر لانه معقم و نضيف

خصوصا انه ينزل الماء عن طريق فلتر نبدله كل 3 شهور تقريبا ومريحتني السالفه لانه فيه

ماي بارد وماي حار

اني استخدم جهاز تعقيم وكلش سهل استخدامه من ماركه شيكو بس اول مره ادري انه في سن معين حق التعقيم ،،، وحتى الماي بعد اني استخدم ماء معبأ وأغليه لحد السخونه بس عشان يكون ساخن حق بنتي ما يصير اعطيها بارد واليحن برد

بس عندي استفسار من بعض الردود وياريت تردون عليه
كيف ما نغلي الماء إله لين 6 شهور ليش الياهل ما يبي الحليبه ساخنه يعني ؟؟؟؟؟؟؟؟؟؟

ياريت تشوفون رأي دكتور احسن ،، راح اشوف وارد عليكم