هذا أول موضوع لي بس لأني مجربه خلطة من خلطاتكم حبيت أحط تجربتي
طبعا وحده من الخوات حطت خلطة القرمز بالزبادي
وأنا وحده من سنين وأنا ابغا يطلع اللون الباذنجاني البرغندي بشعري
ماخليت صبغه إلا واستخدمتها ولانففففففع شي
أخيراً وصلت لمبتغاي
لون باذنجاني رهيييييييييييييييييييييب بلمعة فووووووشي جنااااااااان
وربي يابنات إني صبغت أمس وكل ماشافتني وحده بالكلية تقول وش سويتي بشعرك
وناس أخذوا الطريقة
طبعاً أنا طحنت ملعقة أكل قرمز وخلطته مع مايعادل علبة زبادي بس مافيها زبادي حطيت بلسم
يعني
الطريقة : م قرمز مطحون - علبة زبادي بلسم << اللي تحبينه ويناسبك
قلنا أيش قرمز وبلسم
حسيته أفضل من الزبادي لأن الزبادي يسيح ويبقع بالملابس البلسم حلو ولاينزل على الرقبة
معلومة:
ترا القرمز مادة تصبغ بشكل فظيييييع يعني خذي احتياطاتك وانتي تحطين
مجرد بقعه تنزل عالبلاط أو الفرش أو حتى على يديك يبقع وبقوه ويمممممسك
أنا شلت آثاره اللي جات بأصابعي بمزيل المكياج حق جونسون الجديد << (وداعاً لعيون الباندا خخخخ)
حطيته بشعري 4 ساعات بالتمام
ايه على فكره إذا شعرك اسود مابيباااااااان
أنا شعري كان بني شوي فاتح مو مره يعني كنه حناء من آثار الصبغات اللي هلكتني
ومسك اللون على باذنجاني بلمعة فوشي أو موف تقريباً
خليه على شعرك الوقت اللي تبغين واغسليه وخليك حريصه وانتي تغسلين
يعني بسرعه حطي المويه ونظفي زين لأن لو كنتي بطيئة بيمسك بالبانيو ويبقى لون وردي
وهذا القرمز صورته للي ماتعرفه هو من عند العطار
(ترا لونه تفاحي ويوم تطحنينه يطلع موف باااهت ويوم بس تخلطينه يقلب على فوشي غامق<<سحرخخخ)
القرمز
^
^
وسلامتكم
