وش تستخدمين أدوية في النفاس؟؟أرجوكم ساعدوني..بعدفشل نظام فيافي

والله احترنا مع هالأنظمة لكن الأعشاب اللي تستخدم في النفاس ومن خبرة الوالدة الله يحفظها

دائما تقول أهم شي الحلبة والحبة السودا والماش و اليانسون والشمر والفلفل الأسود وطبعا المر

والرشاد يقولون زين لكن لاتبالغين في استخدامه والمشروبات الساخنة مثل القرفة والزنجبيل

ويمدحون قشر القهوة مع الشعير والقهوة العادية تسوينها زي القهوة عادي وتبهرينها بشوي هيل وزعفران

ونانخة وزنجبيل ومسمار وقرفة

وقشر الرمان لكن بعد مايوقف الدم ولا تكثرين يوم ورا يوم

لكن أهم شي تجهزين الأعشاب بنفسك لاتاخذين المطحون والخلطات الجاهزة من العطار

أتمنى إني أفدتك وإن شاء الله البنات يفيدونا بتجاربهم أكثر

ختية نحن عندنا في الإمارات الملح الصلف مال البحر يتسوا على شكل تحاميل تستخدم أول إسبوع وبعدين الحريروه وهي عباره عن حبة حمرا وحلبة وفلفل أسود وجرفة وشوي دهن بيت سمن بقر بلدي يعني وإذا تبين تضيفين له حليب يكون روعه هاي المقادير الجافه تغلينها مع ماي وسكر زين بعدين أخر شي تضيفين الحليب وتصبينه في دله وعلى طول تشربين منه على طول فترة الأربعين وهاذا لي أعرفة عن دوى النفاس إن شاء الله البنات يساعدونج والله يسهل عليج الغلا

>>>>>>>>>>>>>>>>>>>>>>>>>>

اختي من خلال تجربة الوالدة الله يحفظها اهم شي الرشاد مع الحبة السوداء وكمون لهوم تأكلينها مع الفطور الصبح ومع العشاء طول فترة نفاسك وتتنقعين بموية دافية وملح ومرة ومقدار الغطاء ديتول عشر دقايق وتشربين قرفة تطبخينها مثل الشاهي الاسبوعين الاولى... وتدفين زين حتى مايدخلك هواء اويستشم الجرح... وبالنسبة للحلبة مانستخدمها صحيح هي زينة وتشد الظهر بس صراحة مانتحمل ريحتها اذا حبيت كلي منها بس العشر الايام الاولى ولا تزيدين لانها بتجيب لك المويات ...والله يقومك بالسلامة

والله احنا لا نسوي دوا ولا شيء

والحمدلله كل حريمنا بخير لا فينا شيء ولا هم يحزنون

ومثل ما تشوفوا حريم الغرب ما عندهم هذي السوالف وهما اول ناس يرجع جسمهم طبيعي بعد الولادة ويشد بطنهم وظهرهم

كلي عدل وتغطي عدل عن البرد واكلي فواكة وخضار ولا تشربين غازات او اي شيء بارد وخلاص

توكلي على الله حبيبتي ولا تحاتي

انا استخدم المعمول والملح كلهم يجون في هيئة تحاميل

ونشرب الحسوو اللي هو الحبه الحمرا الرشاد

وبسسسسسس

والله يقومج بالسلامه

انا ماعندى خبرة بس حبيت ارفع موضوعج
.
.
.
.
.
.
.
. للرفع

>>>>>>>>>>>>>>>أألف شكر للأخوات على الردود

يا بنات ترى الاعشاب واستخدامها من تحت اتوقع فيه ضرر ، ويا اختي بدري عليك التفكير في العلاج
ان شاء الله تقومين بالسلامة ، وانا بالنسبة لي كنت استخدم المرة فقط للتطهير

>>>>>>>>>>>>>>>>>>>>>>