~*~مشكلتي مع كواية البخار~*~

و عليكم السلام أختي...

أنا عندي نفس المشكلة، عندي كواية بخار كبيرة، و عندي المكواة العادية اللي فيها بخار ويصير فيهم نفس الشي...

هذا اللي يطلع عليها هو ترسبات كالسيوم من الماي...
أول شي أختي حاولي تستخدمين ماي صحة، يعني مو من الحنفية...
ثانياً، عشان تشيلين التكلسات، أضيفي خل أبيض مع الماي...تقريباً ثلث الخزان خل، و ثلثين ماي...شغلي الجهاز وخلي نص كمية الماي تتبخر...
أتركي الجهاز يبرد بعدين فرغي الخزان من الماي الباقي، و أمسحي فتحات الجهاز بفوطة مبلولة عشان تشيلين أي تكلسات باقية...
و كرري الخطوات حسب الحاجة لين تروح التكلسات...
وعند الإستخدام طبعاً استخدمي ماي نظيف وبارد...

جربي هالطريقة و إن شاء الله تفيدج :)

Daisy Ash
مشكوووورة عزيزتي على المرور والرد

انا يصير عندي في الكوايه الكبيره بس اما الصغيره الحمدلله ما يصير فيها

بجرب طريقتج وان شاء الله ارتاح من هالمشكله

جزاج الله كل خير (f)(f)

ومنكم نستفيد