انا خايفة احمل :"(

اولا لا تفكري في كلام الاخرين لانه كل ولادة تختلف عن الثانية
ثانيا شوفي عمتي كانت اكتر وحده تخاف وماشاء الله جابت خمسه وكلهم طبيعي الله يحميهم
عارفه لانه الام تنسى كل التعب بمحرد ماتشوف طفلها
والواحد يدعي ربه انه يرزقه الذرية الصالحة ويعطيه ساعة طيبة اللي هي ساعة الولادة وان شاء الله ربنا بيعطيه

مرحبا اختي اسيرة قطر .....

بالنسبة لموضوعج الأول ... الحمل بتوأم ... صح حلو الواحد يكون عنده توأم .. بس كله هذا بيد

رب العالمين ... ومادام بعد عندكم حالة توأم في عائلتج يمكن ان شاء الله تحملين بتوأم في

المستقبل الحاضر ...


أما عن الموضوع الثاني ... فتوكلي على الله ... واليهال جنة الدنيا .... صح إنه الحمل فيه تعب ..

بس والله تنسين كل شئ يوم تربين وتشوف البيبي حاطينه على صدرج .. من آلام والحمل ..

واتمني انج ماتحطين شئ من كلام الناس في بالج ... وإن شاء الله تعالي يكون حملج وولادتج

ميسره ....

اولا اختي
كل حمل يختلف عن الثاني
يعني في ناس واجد يحملون لكن ماشاء الله عليهم مايتعبون ولاجنهم حمل
وفي ناس صح يتعبون لكن صدقني تعب الحمل جدا جميل
اني يوم كنت حامل بعبادي كنت اقول متى اولد ولا بحمل الا الين صار فترة طويلة
لكن الحين يوم ولدت اذا اشوف اي حامل او ادخل اهني قسم الحوامل خاطري احمل
لكن لو ماالتعب في التربية جان من زمان حملت
ويوقلون هذه ضريبة الامومة
لاطولين في المانع
لان يمكن بركة لاسمح الله يسبب لج مناعة مدة طويلة
الحمد الله رب العالمين
والله يرزق كل محروم ان شاء الله

الحمل والولادة والتعب والسهر

هذا الشي الله كتبه علينا

وما تدرين اذا الله بيرزقج والا لا ترا انتي تقولين هالكلمة عبالج بسيطة

لكن ما تدرين يمكن الله يقبلها منج ويحققها لج

انا صديقتي اول ما تزوجت كانت تقول نفس كلامج

انا ما ابي احمل علشان ما امتن واخرب جسمي

انا مب قد مسؤولية ياهل الحين توني صغيرة

انا ابي استانس في بداية حياتي مع زوجي بدون عيال

انا ما ابي احمل اخاف من الولادة والتشققات والجراحه

مابي علشان .........
مابي بسبب ..........
مابي لاني ..........

اعذار واعذار طلعتها

بس تدرين ايش صار

والله العظيم صار لها الحين اكثر من 4 سنين

تحاول انها تحمل والله ما رزقها

لا خلت علاج ولا دكتور ولا دوا

لكن الله ما رزقها

قسما بالله اني اشوف في عينها حزن الدنيا لين شافت عيالي او عيال صديقاتنا

تتشفق على اليهال تقول والله لو يسون اللي يسونه فيني بس ابي عيال

حبيبتي لا تخلين كلام الناس يأثر فيج

في ناس يتمنون الحمل والولادة بكل ما فيها من تعب

يتمنون يسمعون كلمة يمه

يتمنون يسمعون ضحكة طفل تملا عليهم البيت


يالغالية تأكدي أن الله ما بيحملج فوق طاقتج

وحطي في بالج ان ما بيصير لج الا اللي الله كاتبه

واذا توكتي على الله كل شي بيتسهل

وكل شي له حل بإذن الله

زيادة الوزن ==== حلها الرياضة والرجيم

التشققات === من أول ما تعرفين انج حامل تدهني بالزيوت على جسمج كله

ألم الولادة === الله كتبه علينا ونسأل الله أن يطهرنا من ذنوبنا

الجراحة ==== مثل أي جرح بتاخذ وقتها وبتشفى

التربية === شي لا بد منه اذا جو العيال والله يعطينا طولة البال والصبر ويقدرنا ان نربيهم تربية حسنة

الله يسهل امرج ويكتب لج الذرية الصالحة

وان شاء الله عقب ما تيبين العيال وتشوفينهم جدامج

كل يوم يكبرون ويتغيرون

واول مره بتسمعين فيها كلمة يمه شلون قلبج بيطير من الفرحه

بتتذكرين خوفج وبتضحكين على نفسج


بالنسبة حق اي افضل في الولادة .... بدون ما تسألين حد الطبيعية أحسن بمليون مرة عن القيصرية

على الاقل الطبيعي كلها اسبوع وتقدرين تسوين اللي تبينه

اما القيصري والله شهرين ويالله يالله تقدرين تتحركين

ولا تخافين من الولادة انا كنت مثلج بولدي الاول كله خايفة من الولادة

وعقب ما ولدت طلع كل الكلام اللي ينقال مباااااالغ فيه صج فيه الم لكن تقدرين تتحملينه

ولين طلع الياهل وشفتيه وسمعتي صوته والله العظيم تحسين ان كل هالالم رااااااااح

وحق الحمل بتوأم نصيحة لا تاخذين علاج وخليها على الله ما تدرين هالادوية يمكن تسبب لكم تشوهات في الاجنة

او لا قدر الله توائم متلاصقين .... دام انتوا عندكم توائم في العايله خليها على الله

وحطي في بالج حمل وولادة وتربية التوائم صععععععععععععععبببببببببببببببببببببببه

انتي واحد وتخافين من السهر والتعب عليه شلون ثنين

كل شوي واحد يقوم لج والا لين مرض واحد طاح الثاني وراه مريض



الله يرزقني ويرزق كل المحرومات والمتأخرات في الحمل بالذرية الصالحة عاجلاً غير آجل

اول شي على سؤالج الحمل بتوأم تقدرين بإذن الله بالكلوميد،، بس الاول مانصحج اثنين وانتي توج وانتي قايله ماقدر استحمل ومادري شنو..

ثاني شي هاي طبيعه المراه الله خلقنا لهاذي المهمه،، شوفي انا سويت نفسج لا مابي لا ماستحمل بتعب ومادري شنو والحمدلله حملت وتصوري ولله الحمد على الدلع استحملت الالم ولا صراخ ولا صحت ولا شي وجبت بنوته فديت قلبها،، وشوفي بعد قلت تعب ولا ماقدر كاني حملت من عقب بنوتي ب5شهور لاني ابي الحمدلله..

وبعدين شدعوا يشقونج لي ريلج فيلم عربي كلها الا خياطه 3غرز اوربع وممكن تحسين فيها وممكن لا،، بس بتحاسبين اسبوع وعقب خلاص بترتاحين،، وانا بعد بالولاده خرعوني واول مادخلت صحت على طول حتى قبل لا احس بالالم تذكرت كلام الكل من شفت هلي عندي والالم اقدر استحمله والنيرسات اوكي ماستهميت لاي شي،، وبعدين نعمه من الله ابره الظهر اخذيها اذا ماعندج مشاكل بظهرج وماراح تحسين بفيلم رعب اللي يقصون عليج..

والمتن انا جسمي بسرعه يمتن من عقب ماربيت بس بقى 6كيلو زياده من وزني ما نزلتهم خخخخخخخخخخ طنشت،، والتشققات من ثاني شهر حطي كريمات وكل ماحسيتي بطنج نشف حطي وعقب الولاده ب3شهور تقريبا تخف وتروح،، لكن والله تجك وحده ماتهتم بنفسها عقب تقول ما ضعفت وماراحت الخطوط بعد ماصارت يبون كل شي سحري..

وطبعا الطبيعي احسن،، لانه كلها الا كم غرزه بس القيصري عمليه كامله فتعب زياده..

الله يوفقج ومافي اغلى من الضنى لا تقعدين تقولين اخاف وفيني وفلانه وقالت لي انتي توكلي على الله وانوي والله بيكتب لج كل خير وبتسهل لج ان شاء الله..:)..

انا ابي مساعدتكم انا عندي مشكلة وانا ماعندي حد اشكيله

السالفه انا توني متزوجة من شهرين وانا وزوجي متفقين مانبي يهال ( اطفال) في اول زواجنا بس الفترة الاخيره زوجي بدا يحن ويشتكي يبي يهال
هو يبي توام لانه انا عايلتي فيها حاله توام وايد وهو عجبته السالفه بس انا متاكده 100 % اني ماراح اجيب توام يقولي خلينا نروح المستشفى والمشكلة انا ماعندي خبرة بهاي الموضوع

الرزق من رب العالمين اختي جي قوليله وهذا الشي هب بيدج ولابيده
ومش اي شي يصير في العايله يقول يبا مثله
انشالله وحده من العايه كل سنه يابة لها ياهل ؟؟؟ انتي بعد مطلوب منج تسوين مثلها
اختي انتي شو تبين ؟؟؟؟ اذا تبغين توام تره ممكن منشطات وابر تفجيريه يصير حمل توامي
بس مش على كل حال يعني انتي ورزقج بس ليش تاخذين منشطات وبلاوي وانتي
ممكن مش محتايه الها !!!
انا اقول سوي لي انتي مقتنعه منه !!!

وبخصوص مخاوفج من الولاده هذا شي طبيعي وكل بكر تفكر بكل لي قلتيه
بس انتي بعد لازم تكونين اجابيه في تفكيرج وتبتعدين عن مخاوفج
لانه كل مافكرتي في هالسوالف كل ماكبرت الافكار في راسج
وعموما تره الكلام لي وصلج فيه مبالغه اكثيره والله
يعني الموضوع مب لهدرجه ,,,

يعني مثلا زياده الوزن طبيعيه في الحمل بس برياضه والتغذيه الصحيه بينزل

تشققات الحمل لابد منها واهيه ضريبه الامومه بس لو اهتميتي فجسمج من بدايه الحمل وحافظتي ع ترطيبه بتحد من المشكله نوعاً ما

بخصوص خياطه الولاده اختي قولي الحمد لله انه فيه خياطه عن تصير توسعات وبلاوي

ولاده قيصريه الحمد لله بعد وسيله لانقاذ حياه الام واحينه الطب اطور في كبس البطن مش خياطه
يعني شكله عادي
جي اباج تفكرين بي ايجابيه مش اي شي تسمعينه تصدقينه حبيبتي

وبخصوص انج تتعبين ومابتتحملين الحمل ,,,,وايدات قالن جي بس الله ماسن الحمل للمراه الا لانها عندها الامكانيات لي تأهلها تشل طفل لمد 9 اشهر

اتوكلي على الله اختي واستانسي وفرفشي بحياتج انتي توج عروس لاتغثين عمرج بي هالسواف لي لاتودي ولاتييب لاحقه ع الحمل وسوالفه

ماشاء الله البنات ماقصروو تفاعلو معك بشكل مرضي جدا !

لكن بقولك .. انا لما حملت عمري 19 زدت 20 كيلو في الحمل و صار لي تشقق قليل ، لكن لما ولدت كل شي راااح الحمدلله وزني رد و هذا يحصل مع الكل ،،

جسمي رجع حلو و احلى بواجد من قبل ، تعرفين انه الحرمة لما تحمل خلايا جسمها كلها تتجدد .. البشرة تحلى و الجسم كمان ! ..

و لما تشوفين طفلك راح تنسين نفسك و هالكلام اللي تسمعيه ..

ياقلبي حطي ف بالج شي واحد

اذا الولاده متعبه لهالدرجه اللي انتي تخافين منها <<< جان اللي حملت مافكرت مره ثانيه تييب عيال

بالعكس انا احس موضوع الحمل وايد حلوووو بالرغم من تعبه

واذا عالولاده ربج يسهلها

انتي وشطارتج اذا كنتي تتغذين عدل وتمارسين رياضة الحمل اكيد في فرق عن لو كنتي كله راقده ومنسدحه ترى الرياضه تساعد عالولاده السهله

*~JeWeL~*;5026490:
الحمل والولادة والتعب والسهر

هذا الشي الله كتبه علينا

وما تدرين اذا الله بيرزقج والا لا ترا انتي تقولين هالكلمة عبالج بسيطة

لكن ما تدرين يمكن الله يقبلها منج ويحققها لج

انا صديقتي اول ما تزوجت كانت تقول نفس كلامج

انا ما ابي احمل علشان ما امتن واخرب جسمي

انا مب قد مسؤولية ياهل الحين توني صغيرة

انا ابي استانس في بداية حياتي مع زوجي بدون عيال

انا ما ابي احمل اخاف من الولادة والتشققات والجراحه

مابي علشان .........
مابي بسبب ..........
مابي لاني ..........

اعذار واعذار طلعتها

بس تدرين ايش صار

والله العظيم صار لها الحين اكثر من 4 سنين

تحاول انها تحمل والله ما رزقها

لا خلت علاج ولا دكتور ولا دوا

لكن الله ما رزقها

قسما بالله اني اشوف في عينها حزن الدنيا لين شافت عيالي او عيال صديقاتنا

تتشفق على اليهال تقول والله لو يسون اللي يسونه فيني بس ابي عيال

حبيبتي لا تخلين كلام الناس يأثر فيج

في ناس يتمنون الحمل والولادة بكل ما فيها من تعب

يتمنون يسمعون كلمة يمه

يتمنون يسمعون ضحكة طفل تملا عليهم البيت


يالغالية تأكدي أن الله ما بيحملج فوق طاقتج

وحطي في بالج ان ما بيصير لج الا اللي الله كاتبه

واذا توكتي على الله كل شي بيتسهل

وكل شي له حل بإذن الله

زيادة الوزن ==== حلها الرياضة والرجيم

التشققات === من أول ما تعرفين انج حامل تدهني بالزيوت على جسمج كله

ألم الولادة === الله كتبه علينا ونسأل الله أن يطهرنا من ذنوبنا

الجراحة ==== مثل أي جرح بتاخذ وقتها وبتشفى

التربية === شي لا بد منه اذا جو العيال والله يعطينا طولة البال والصبر ويقدرنا ان نربيهم تربية حسنة

الله يسهل امرج ويكتب لج الذرية الصالحة

وان شاء الله عقب ما تيبين العيال وتشوفينهم جدامج

كل يوم يكبرون ويتغيرون

واول مره بتسمعين فيها كلمة يمه شلون قلبج بيطير من الفرحه

بتتذكرين خوفج وبتضحكين على نفسج


بالنسبة حق اي افضل في الولادة .... بدون ما تسألين حد الطبيعية أحسن بمليون مرة عن القيصرية

على الاقل الطبيعي كلها اسبوع وتقدرين تسوين اللي تبينه

اما القيصري والله شهرين ويالله يالله تقدرين تتحركين

ولا تخافين من الولادة انا كنت مثلج بولدي الاول كله خايفة من الولادة

وعقب ما ولدت طلع كل الكلام اللي ينقال مباااااالغ فيه صج فيه الم لكن تقدرين تتحملينه

ولين طلع الياهل وشفتيه وسمعتي صوته والله العظيم تحسين ان كل هالالم رااااااااح

وحق الحمل بتوأم نصيحة لا تاخذين علاج وخليها على الله ما تدرين هالادوية يمكن تسبب لكم تشوهات في الاجنة

او لا قدر الله توائم متلاصقين .... دام انتوا عندكم توائم في العايله خليها على الله

وحطي في بالج حمل وولادة وتربية التوائم صععععععععععععععبببببببببببببببببببببببه

انتي واحد وتخافين من السهر والتعب عليه شلون ثنين

كل شوي واحد يقوم لج والا لين مرض واحد طاح الثاني وراه مريض



الله يرزقني ويرزق كل المحرومات والمتأخرات في الحمل بالذرية الصالحة عاجلاً غير آجل

اواااااااااااااااااااافق اختي في كل كلمه قالتها

وصدقيني لو هم يخرعونج بالحمال والولادة عيل ليش ماجابوا واحد ووقفوا اكيد جابوا 2و3و4و5

لو الوحده ماتستحمل وجع ليش تحمل كل سنه وتجيب ياهل

اختي هذي غريزة فطريه من الله سبحانه وتعالي

ومافي احلى من لما تشوفين ضناج يناديج يمه ويلمج وينام جنبج وتاكلينه شعوووووووووووووور لايووووووووووووووووووووووووووصف

واذا ابتسمتي يبتسملج

والله يرزق كل محروم ومحرومه بالذريه الصالحه

بس انصحج جيبي الاول واحد وشوفي قدراتج اذا عادي عندج تستحملين جيبي تؤام


لانه صعب من اول حمل تؤام وتتكفلين ب2 مرة وحده وانتي توج ببدايه مشوار

همم كلام الخوات حلو،، حبيت اقولج شئ الحمل على تعبه الا انه رحله ممتعه مع هالكائن اللي ينمو في احشائج،، تدرين بتمين في حاله فضول وبتقولين يا ربي هالشهر شو اللي بيتكون في الجنين وبعدين لما يبدا يتحرك وتقوا حركاته في بطنج بتستمعين بصحبته وايد ^_^،، وبتلقين نفسج تلقائيا تبدين تقرين عن الحمل وتبدين تجهزين للبيبي ولبعد الولاده وجي يعني،،

واذا عن الولاده المها كالم الدورة بس بشكل مستمر لين ما يطلع البيبي وفي مسكنات ووايد حلول لتسهيل الولاده فليش الخوف؟ الولاده تبالها شجاعه مب خوف وتردد وصياح وصريخ لانه هذا كله ياخذ من طاقتج ووقت الولاده تتعبين دبل. ومثل ما قالوا الخوات لو الحمل والولاده بهالصورة المريعه جان محد حمل وربى ^_^