استفسار خاص لبنات قطر

حبوبة بالنسبة لورق الجدران

عندج محلات بطريق سلوى كثيرة مفروشات من محلات المفروشات اللي عندها ستاير تحصلين كتالوجات بالألوان اللي حابتها وسابقاً كانت موضة ورق الجدران بعدها رجعت موضة الصبغ

وأحين بعد رجعت موضة ورق الجدران من جديد وفعلاً شكلها يعطي منظر جمالي أحلى وأروع من الصبغ

وألحين الموضة كل جدراين يكونون بتشكيلة معينة تختارينها

وعندج محلات جربت شغلها بشارع الأصمخ وعلى مستوى في ورق الجدران والستاير

محل رغدان والمحل اللي إحذاه مفروشات غدير وفيه مجموعة كبيرة من المحلات مري عليها وشوفي الكاتلوجات ونقي اللي يعجبج

وبالنسبة للستاير درجت موضة المخمل وشكلها جداً راقي خصوصاً لو أخترتي لونين ونقيتي لها ديزاين تطلع تحفة

بس حبوبة ماقلتي لنا تبينها لغرفة نوم ولاصالة

لو كان بني محروق

حلو أتحطين ورق بدرجات البيج المايل للذهبي



أو ألمع من ذيه دورت صور توضيحية مالقيت !!!

أو على غرار ذيه

وطبعاً توزيع الأشكال بحسب التصميم اللي ببالج



أوة الأخضر الهادي مثل ذيه مع ستارة بيج
مخمل



أو إذا كان لغرفة نوم تختارين مورد مثل ذيه بس نقي لون يتماشى مع البني المحروق




أو بنفسجي غامق وذهبي وايد دارج أحين ولاحظي نقشة لغرفة الملابس بنوع معين ونقشة لجدار غرفة النوم




وهاي اللون مع البني المحروق البيج المصفر على الذهبي يطلع تحفة



_______________________
وهاي كم نموذج لتشكيلات الزهور وتصلح لغرف النوم



أو فراشات


والله يوفقج يابنت بلادي

وإن شاء الله أكون افدتج أي استفسار أنا حاضرة ^_^

مشكورة أختي *همس الفجر* على الرد .. أنا ابي اغير غرفة نومي .. صارت قديمه .. انزين وين احصل اثاث غرف نوم حلوه ؟وماعندج فكره عن الأرضيات الخشب ؟ :)

حبيبتي غرف النوم عندج ماشاء الله طريق سلوى محلاته كثيرة ,,

وأتوقع بتحصلين غايتج

وهوم سنتر بعد

وفيه محل إحذى جرير اسمه المفروشات الأمريكية

ماقدر أقول لج روحي محل معين لأن التشكيلات تتغير بحسب المواسم آخرها مفروشات القمة اللي بطريق سلوى كان منزل كولكشن كامل كله بني محروق

حبوبة غرف النوم مره بعد مره تتغير تصاميهم يعني روحي أكثر من محل بطريق سلوى سيد كامل كله محلات أثاث


وبالنسبة للأرضيات شوفي أنا خبرتي بهالسوالف قليلة بس من وجهة نظري أن الأرضيات الخشب أحسها ماتناسب بيئتنا أحنا جونا رطب

ولو حابه أرضية تعطيج شكل الخشب بكل ألوانه وأشكاله

تقدرين أتحطين سيراميك والسراميك قوب ومناسب لجونا وظروفنا تلقين بمحل البشري أشكال وألوان

ولو حابه أرضية بورسلان وهو أقوى من السيراميك بعد تلقين بمحلات الأرضيات

يعني أنصحج بالسيراميك والبورسلان أفضل

يتم ومايخترب ومايتأثر لابماي ولابرطوبة

والسيراميك فيه منه كل الألوان والأشكال

مشكورة أختي .. :)

همس الفجر .. بصراحة مجهود تشكرين عليه .. مع اني مش ناوية اغير اي ديكور بس حبيت اشكرج بعد ماشفت هذا التعاون الحلو .. الله يعطيج العافية

اي والله ما قصرت .. بس محد يعرف منكم مزايا وعيوب الارضيات الخشب (باركيه) ؟ واشرايكم بمحل قطر للديكور ؟ والاثاث اللي عنده؟

مشكورين بنات واللة يوفقكم

همس الفجر افكار كثير حلوووة اختي

لالا ما انصحج بالارضيه الخشب

بتتحسفين مثل ماقالت همس جونا كلش مايصلح له

لو تتمين تنظفين كل يوووم تحسينه مغبر

انا انصحج بالسيراميك او الرخام....

تسلمون حبيباتي ولو ماأستحق الشكر

إحنا كلنا أهنيه خوات أنعين ونعاون ونستفيد من خبرات بعض

كلنا أنكمل بعض

يالله أدعوا لي أتوفق بتأثيث بيتي أحين

وربي يوفقكم ويسعدكم