مغتربات في الكويت

مصريه بالكويت;8499500:
هى رخصة السواقه صعبه عندكم للى معملش فى مصر الاول؟؟؟؟؟
بوصى يا ع طريق العرس رخصه مصر مش ساريه هنا لازم تعملى واحده هنا والرخصه هنا صعب جدا انها تطلع

ازيك يا وجدان ياترى رسالتى اللى بعتهالك ع الخاص وصلت ولا لا؟؟؟؟؟؟؟؟؟؟؟؟

رسالتك وصلت يا جميل وانا رديت عليها

عموما لما تحبى تتاكدى ان رسالتك وصلت شوفى صندوق الصادر فى الرسايل الخاصه

وجدان احمد جاد;8502083:
بصى ضى القناديل حبيبتى جليب الشيوخ مشكلتها كمان ان السكن فيها قديم ومش نضيف خااااااااااااااالص والكهربا بتقطع فى عز الصيف وطبعا الصيف هنا مينفعش من غير تكييف لدرجة ان فى واحده قابلتها فى المستشفى قالتلى ان ابنها اللى عنده شهور يعينى جسمه بقى عامل زى اللى عليه مية نار من الحر والسبب انقطاع الكهربه ده غير الصرف الصحى وحاجات كتيييييييييييييير
ربنا يرزقك بالطفل اللى يسعدك ان شاء الله يلا هو بس سايبك انتى وباباه تعيشولكو يومين قبل ما ييجى وياخد كل وقتكو ومجهودكو وميخليكيش تنامى زى الاستاذ ابنى كدا بيصحى كل نص ساعه يقلقنى ويتاكد انى قلقت وبعدين يناااام يا ستى الحقى اتهنى ونامى براحتك شويه وباذن الله ربنا هيرزقك باورطة عيال
انتى بس ادعى واكثرى من الاستغفار من غير ما تياسى ابدا ومتبقيش متوتره بسبب الموضوع ده لان واحده صاحبتى كانت كدا وكل ما تروح للكتور يكتبلها فى الروشته عليكى بعدم التوتر اهم حااااااااااااااااااااااااااجه لان ده بياثر على الحمل ولما ربنا يرزقك ببنوته حلوه كدا زيك سميها وجدان:o ولا مش عاجبك اسمى؟؟؟؟؟؟

يا خبر ابيض ازاى مش عاجبنى بالعكس انتى اسمك حلو ومميز وصدقينى انا مش مستعجله خالص احنا متجوزين بقالنا 7 شهور اهو ومن ضمنهم 3 شهور كان هو فى الكويت هنا وانا فى مصر والدكاترة بتقول لازم سنه كاملهه بعد كده نبدا ندور

وانا مؤمنه الحمد لله ان كل حاجه بتيجى بميعاد بس ياريت لو تقوليلى على اسماء دكاترة او عيادات او مستشفيات اقدر اروحلها اتابع معاها انا وزوجى بس اهم حاجه يكون سعرها حنين ؟؟؟؟

اهلا بيكى مصريه بصراحه مش مصدقه انه بقى فيه تفاعل فى الموضوع ده انا كنت بكتب وسبته حسيتنى بكلم نفسى بس الحمد لله لقيت اللى يرد وانا مبسوطه بيكى اوى على فكرة لان حالتك زيى بس انا للاسف لسه ربنا مرزقنيش بيببى ادعولى بقى ربنا يرزقنى انا وكل اللى عاوز

انا مبسوطه يا ضى القناديل انك دخلتى تتكلمى معانا انتى عارفه انا زيك كنت بفكر انى ارجع واسيب جوزى اول لما جيت لان الوحده والغربه خنقونى اووووووووووى بس لما فكرت فيها حسيت انى هبقى انانيه لو عملت كده ولازم ابقى جانبه ووحده وحده بتعود وربنا يهون غربتنا
بالنسبه لموضوع الدكاتره ده انا معرفش هنا غير المستوصف اللى بروحه وروحت مره مستشفى دار السلام كان الكشف 15 ويااااااااااااااااااااااااااارب عن قريب ربنا يكرمك باحلى بيبى

daye l anadeel, b l nesba lel doctors hena..f fi wa7da kont batabe3 3ndaha esmaha dr.shadia, heya 3la l da2ery l rabe3 w enty ray7a l salmya(odam l matafy bezzabt)akeed gozek hay3raf le2n l makan da mash-hour b l 3eyadat ,w lel asaf fe3lan f l kuwait l kashf 7aga w fat7 l malaf 7aga w l sonar 7aga tanya khales..3shan keda bykon se3rohom 3'aly
b l nesba lel rokhsa , f heya hena mosh sahla abdan ella lama yekon m3aki wasta kebera kman

maro_koko;8507647:
daye l anadeel, b l nesba lel doctors hena..f fi wa7da kont batabe3 3ndaha esmaha dr.shadia, heya 3la l da2ery l rabe3 w enty ray7a l salmya(odam l matafy bezzabt)akeed gozek hay3raf le2n l makan da mash-hour b l 3eyadat ,w lel asaf fe3lan f l kuwait l kashf 7aga w fat7 l malaf 7aga w l sonar 7aga tanya khales..3shan keda bykon se3rohom 3'aly
b l nesba lel rokhsa , f heya hena mosh sahla abdan ella lama yekon m3aki wasta kebera kman

شكرا لكى مارو بس الدكتورة دى عيادتها خاصه ولا فى مستشفى وياريت لو تقوليلى هيه الكشف عندها بكام قوليلى ع التفاصيل دى ,,, علشان اعمل حسابى

ya amar heya 3ndaha 3yada w kol l mante2a ely henak 3eyadat khassa,betkon f shakl clinic kamla f 3omara..w heya kashafaha b 15 w fat7 l malaf kan b 10 w l sonar b 10

انا نفسى افهم حاجه لانى بسمعها كتير هو يعنى ايه فتح ملف وايه الفرق بينه وبين الكشف علشان بس ابقى فى الفورمه ,,, معلهش هتعبك معايا

مصريه بالكويت;8507446:
انا مبسوطه يا ضى القناديل انك دخلتى تتكلمى معانا انتى عارفه انا زيك كنت بفكر انى ارجع واسيب جوزى اول لما جيت لان الوحده والغربه خنقونى اووووووووووى بس لما فكرت فيها حسيت انى هبقى انانيه لو عملت كده ولازم ابقى جانبه ووحده وحده بتعود وربنا يهون غربتنا
بالنسبه لموضوع الدكاتره ده انا معرفش هنا غير المستوصف اللى بروحه وروحت مره مستشفى دار السلام كان الكشف 15 ويااااااااااااااااااااااااااارب عن قريب ربنا يكرمك باحلى بيبى

وانا كمان مبسوطه بيكى اوى بس 15 دينار مش كتير ولا ايه ؟؟؟ وهل المستوصف الرعايه فيه كويسه ولا بيكشفوا ازاى فيه ؟؟؟ كشف وخلاص ولا بيدققوا

hena ya daye l 2anadeel l wad3 mokhta;lef 3n masr showaya..hena 3shan tetb3y m3 doctor w terou7y b estemrar lazem yekon leki malaf 3ndo..w fat7 l malaf d b felos
w law 3ozty tes2aly 3n ay 7aga ana ta7t amrek

بصى يا ضى القناديل الاسعار اللى مارو قالتلك عليها تعتبر اقل حاجه انا سمعت ان فى اكتر انا الدكتوره اللى كنت باروح لها كشفها 12 والسونار 10 بس مش فاكره فتح الملف كام بس انتى لو الحمد لله معندكيش مشكله معينه استنى شويه انتى لسه عروسه بلاش تبتدى سكة الدكاتره بدرى كدا وبعدين لازم تخلى بالك كويس من الدكتوره اللى هتروحيلها انها تكون شاطره علشان متديكيش ادويه تلخبط الدنيا عندك لانى اسمع ان الواحده لما بتتاخر شويه بيشتغلو فى المنشطات ده على حسب معلوماتى فى مصر
عموما انتى هاتى اى جيده هتلاقى صفحه كامله بارقام تليقونات العيادات واسماء الدكاتره اتصلى واسالى عن الاسعار وعن كل حاجه انا عملت كدا مره لما كنت حامل وربنا يرزقك ان شاء الله قريب

بصو بقى احنا عاوزين كل واحده عندها معلومه عن سوق حلو فى الكويت او منتج معين بتستخدمه تقول لنا عليه او اى حاجه تخص الناحيه الشرائيه واللى عندها استفسار برده تسال

انا هابتدى
انا شخصيا اكتر سوق بحبه هو سيتى سنتر اللى فى السالميه لانه شامل وفيه كل حاجه بس طبعا الاسعار فيه بتتفاوت يعنى فى حاجات تلاقيها معقوله وحاجات تلاقيها غاليه وكدا يعنى

بالنسبه للمنتجات انا بجيب الارز المصر العبوه الخمسه كيلو بحوالى 2دينار و300 فلس او 400 مش فاكره بالظبط
والارز الاسترالى حلو اللى هو صنوايت بس غالى شويه ومشكلته انه لازم يتنقع فتره علشان يستوى كويس وميبقاش ناشف زى الحصى كدا لما يتاكل بس هو نضييييييييييف خالص عمرى ما لقيت فيه قشه

واللحمه احنا بنجيبها من الجمعيه من الجزار المصرى هى ساعات تكون كويسه وساعات يحطلنا دهن فيها بس بتقعد 4 ساعات على ما تستوى يعنى يستحسن اسويها بالليل علشان الحق اطبخ ودى طبعا الكيلو ب2 دينار
المكرونه بانواعها والدقيق والحاجات اللى زى دى باجيب منتجات المخابز الكويتيه لانها حلوه وسعرها حلو
الفراخ باجيب فراخ طازه مش بحب المجمده خالص هى بحوالى 650 فلس الكيلو يعنى الفرخه ممكن تقطع دينار ونص
والبانيه باجيب صدور ساديا بلاعظم او جلد المجمده هاعمل ايه مفيش بانيه طازه ودى الطبق بيكون نص كيلو ب810 فلس من الجمعيه فى عبوه كيلو بضعف التمن بس مش بالاقيها كتير
انا كدا قولت شويه وبكره اقول اللى افتكره ان شاء الله ها كملو يلا ولا هاقعد اكلم نفسى كدا

انا اول وحده يا وجدان هترد عليكى فى موضوع الاكل ده لانى اول لما جيت كنت عاوزه اجيب كل حاجه زى ما متعوده عليها فى مصر بس لانى من النوع اللى مش بيحب التغير بس لقيت الموضوع صعب انا بجيب حاجتى من كارفور مش عارفه ليه برتاحله بالنسبه للرز بجيب رز صنوايت ع فكره مش بنقعه فى مايه ولا حاجه بعمله مع الشعريه وبيطلع تحفه

والمكرونه والدقيق بجيب منتجات المخابز الكويتيه فعلا حلو وسعره حلو

والفراخ كنت الاول بجيب الفريش بس دلوقتى بجيب ساديا حلو اوى سواء كامله او صدور الاسعار بقى انا مش من النوع اللى بفتكر انا بنسه بسرعه بس بعد كده هركز علشان ابقى اقولكم

بالنسبه للحمه دى بقى موضوعها معايا موضوع انا فى وحمى كرهت اللحمه جداااااااااا واصلا مالقتش حد هنا بيبع لحمه حلوه من زمااااان عايشه ع السمان والفراخ بجيب سمان برضه حلو هشوفلكوا اسمه ايه واقولكم مكسله اقوم افتح التلاجه ههههههههههههههه لو تعرفوا حد بيبع لحمه حلو ه ياااااااااااااااريت تقولولى عليه بس تكونوا واثقين فيه

وبجيب برجر امريكانا هو غالى بصراحه بس انضفهم تعرفى تاكليه يعنى والزيت بجيب مازولا بيبقى ساعاتت عليه عروض حلوه لو تعرفوا زيت حلو للقلى قولوا عليه

ده اللى انا فكراه دلوقتى يالا بقى كدههمتكم معانا وكل واحده تقول وياريت اللى يعرف اماكن رخيصه وياريت يامارو لو الكيبورد بتاعك بيكتب عربى اكتبلنا عربى

سلام عليكم , ازيكم يا بنات انا كمان مصريه فى الكويت :) عايشه فى السالميه مع أهلى و التفاعل فى الموضوع حلو و يارب يفضل نشط .. انا على بالى معلومه أقولها دلوقتى ولو تذكرت حاجه تانيه هقولها باذن الله بس بالنسبه لأسعار السلع التمونينه و منتجات الجمعيه عموما احنا فى البيت بنعرف جمعيه الدفاع اللى فى الرجعى قرب جمعيه الحرس الوطنى كدا , دى يا بنات اسعارها لما بتجيبى خزين البيت مره واحده بتفرق معاكى فعلا لانها الحاجات عليها دعم عن بره حتى الشامبوهات و الكريمات و كدا وباذن الله اتابع الموضوع معاكم وبالتوفيق :)

صحيح كلامك بنت مسلمه انا كمان سمعت عن جمعية وزارة الدفاع من ناس كتير بس لسه مروحتهاش حتى الميه هناك ارخص
وبمناسبة الميه انا اعرف ميه حياة حلوه والاحلى منها مسافى بس اغلى شويه انتو ايه رايكو؟
والخضار جارتى راحت الشبره النهارده اللى فى الشويخ جابت باكت بطاطس حوالى 2 كيلو بربع دينار وباكت تانى بنص دينار بس حجمها اكبر شويه لكن نفس الوزن وبتقولى اسعار الخضار هناك حلوه اوى

على فكره يا مصريه الجزار اللى فى الجمعيه لحمته حلوه هو مصرى واللحمه مصرى اللى عنده وفى جزارين كتير فى الفروانيه بس انا معرفش غير اللى فى الجمعيه
وبالنسبه للزيت انا باستخدم للاكل ليسيور حلو اوى بس غالى
وللقليه باستخدم انواع كتير بيترواح تمنها من دينار وميت فلس لدينار و300 اللى هى الحجم 1,8 لتر زى الماسه مثلا بس فى زيت كدا ب600 وحاجه فلس للقليه جارتى جابته بس قالتلى انه وحش اوى وبيتجمد زى السمنه كدا
بس ده اللى فاكراه
حد يعرف اسعار الملايات الحلوه بس تكون منقوشه وخامتها حلوه لو حد يعرف يقولى فين الاقيها
واللى عنده معلومه يقولها وحتى اللى عنده استفسار يقوله علشان نطرح جميع السلع لان ممكن نكون ناسيين حاجه والاستفسار يفكرنا
يلا الهمه يا بنات

وياوجدان الجمعيه اللى بتجيبى منها اللحمه المصرى دى اسمها ايه وفين انا برضه كنت جايبه من كارفور باكت كبير طماطم وبطاطس بس كل واحده بدينار بس حلوه والطماطم كله حلوه يعنى حتى اللى مش بيبان من العلبه

انا الخضار بجيبه مجمد مصرى بيبقى اسمه ريفى طيب واخبار السمك معاكم ايه انا ساعات بجيب البلطى المصرى واقليه بس ماجربتش نوع تانى من اسماك هنا اللى يعرف انواع حلوه يبقى يقول

الملايات بصراحه انا جبت كام وحده معايا وانا جايه لان هنا ماعرفش فين الاقى الحاجه انتى عارفه الجيران عندى مافيش اختلاط بينا وبين بعض واللى معايا فى الدور مش مصرين

جمعية الفروانيه السوق المركزى فى ركن كدا للجزار والكيس مكتوب عليه جزار هليوبولس

حلو موضوع الاسواق ده عجبنى فكرتك اوى يا وجدان

انا بقى هقولكم عن تجاربنا فى الموضوع ده اا وجوزى اول لما بينزل القبض بنروح نلف ع الاسواق سوق سوق وبنجيب من كل فيلم اغنيه يعنى من كل سوق فيه ميزة

اولا هقولكم على حاجه كارفور دلوقتى فيه عروض حلوة اوى اوى اوى ورخيص جدا نصيحتى ليكم روحوا الحقوا العروض اللى فيه انا جبت منه فراخ الفرخه 1200 جرام بنص دينار انا كنت خايفه منها بس لما طبختها لقيتها جميله جدا وريحتها حلوة ,,, والنقانق جبت ال5 عبوات ب دينار وجبت كيس بطاطس حوالى 5 كيلو ب دينار وفيه فاكهه اسعارها حلوة برده ,,,وجبت برده فيليه السمك مجمد حلوة جدا الكيلو ب نص دينار وجبت منها الطرشى والمخلل جميل جدا جدا
وبرده فيها لحمه حلوة اوى بس مجبتش لانى كنا جبناها بجد نصيحتى ليكوا تروحوها كلكم وفيها عروض تانيه على حاجات الاطفال بس دى طبعا متخصنيش

بالنسبه بقى للخضار والفاكهه فدى بنجيبها من الشبره بتاعه الشويخ دى فيها كل حاجه طبعا واسعارها حلوة جدا وبتعرفى تنقى بس نصيحتى ليكى طبعا انكم تلفوها الاول وبعد كده تشتروا واهم حاجه فاصلوا كويس اوى اوى اوى

بالنسبه بقى للسمك بنجيبه من السبره اللى فى سوق شرق وانواع السمك اللى بجيبها هيه سمك موسى هو سمك عريض كده وسمكه رفيع بس فى القى رهيييييب وطعمه جميل جدا جدا وفيه سمك الغطيان حلو برده وفيه سمك بقى اسمه الوحر دا فيليه بيتعمل زى الفراخ المقرمشه كده وفيه سمك بجيبه برده بعمل بيه الصياديه هو عامل زى البياض بس ارفع شويه مش عارفه اسمه والله بس هو بيبقى حلو فى السمك الصنيه او الصياديه

بالنسبه بقى للحاجات المعلبه فدى طبعا مركزها الاساسى سوق لندن دا فيه عبوات بيبقى على بعضها يعنى كيس كده وتلاقى فيه الفول او كيس على بعضه فيه الحمص والتونه والمكرونات كلها من هناك وكل كيس بدينار وبجيب منه الخضار المجمد برده على طول فيه عروض هناك والسوق ده من ارخص الاسواق الموجوده لانه سوق شعبى وفيه حاجات حلوة صدقونى

بالنسبه بقى للزيت بتاع القلى فانا اول ماجيت جبت من سوق لندن صفيحه على بعضها اسمه اوكى دا زيت حلو للقلى ومش تقيل انا كنت جايبه الصفيحه فى حدود 5 دينار ,, اما زيت التانى بقى ففيه عندنا فى جمعيه سلوى انا بجيب زيت اسمه جنان فيه على طول عليه عرض عندنا فى الجمعيه العبوتين ب 1 و990 فلس والعبوة الواحده 1.8 لتر ,,,,واوقات بستخدم الماسه او مازولا عادى يعنى اى نوع لانى على فكرة انا معنديش مبدا فى حاجه واحده ولا بستقر على حاجه

بالنسبه بقى للحمه فعن تجارب زوجى بقى احسن جزار هو جزار اسمه شباب البليانه فى حولى خلف جمعيه حولى دا بصراحه لحمته كانها من مصر

دا بالنسبه لمعظم الحاجات اللى بجيبها لو افتكرت حاجه تانيه هقولكم عليها

انا بقى ليه استفسار ,,, لو عاوزه حاجات قطن يعنى ملابس قطنبه سواء استرتشات او بديهات او حاجات من اللى بالكوا فيها بس تكون قطن اجيبها منين؟؟؟؟؟

معلومات حلوه اوى ضى القناديل اهو كدا التفاعل يا مصريين
بس عاوزه اسالك فين سوق لندن ده ؟
وافاصل ازاى فى الشبره؟
يعنى لما يقولى نص دينار اقوله ايه اقل من كدا؟؟؟؟
وبالنسبه لاستفسارك عن الحاجات القطن انا معنديش فكره اوى بس اوعدك اول ما انزل السوق بكره او بعده هاركز على الحاجات دى واجيبلك اسعارها والماركات والاماكن الحلوه

هو مفيش جزار عنده كبده جاموسى اصل الجزار بتاع الجمعيه قال لجوزى انه مش بيجبها اساسا من مصر تقريبا علشان مش بتستحمل وبتبوظ بسرعه اللى عندها فكره تقولى

صحيح كنت عاوزه اقولكو على ماركة فول مدمس حلو اوى طعمه علشان لما تشتاقو لمصر وفولها يعنى العلبه اسمها دانيه هى فى منها حمص وحاجات تانيه بس الفول بتاعها حلو اوى احسن من الفول بتاع حدائق كاليفورنيا
بس برده الفول الجاهز بتاع جاد لا يعلى عليه لكن بيبقى حراق وبيتعبلى القولون بس برده بحبه