قصتي مع خوات زوجي وتسلطهم

مرحبا بنات
مو عارفه من وين ابتدي ولا شنو اكتب :(
انا متزوجه وعندي ولد عمره سنتين وشهرين وحامل في الشهر الثامن , ساكنه مع اهل زوجي اهم تحت وانا فوق في الطابق الثاني .
اخوات زوجي كلهم متزوجين وحتى اخوانه وهو اصغرهم مشكلتي بدأت من اول ما انخطبت في تسلطهم وتدخلهم في كل شي حتى لما كنا نطلع نجهز للخطوبه ما كانوا يسالوني شنو تبغين ولا وين تبغين تروحين كانوا ياخذون على رأيهم حتى ابسط شي العطور هم اختاروها وما شفتها الا لما رحت البيت وكنت اطوفها لان ساعتها كان عمري 17 سنه وغير هذا ما ابغي اضايق زوجي .
لما تزوجت صاروا يتدخلون فيني الا هذا نظيف وهذا وسخ في شقتي ووين رحت ووين رجعت وبعد كنت اطوفها عشان خاطر زوجي حتى في ملابسي لما كنت انقل اغراضي من بيت ابوي الى شقتي كانوا يشوفونها قطعه قطعه ويعلقون مع انه ما يخصهم كل واحد وذوقه ومو شرط اللي يعجبهم يعجبني .
لما حملت بولدي كنت كل مريضه لدرجه انهم منعوني من ركوب الدرج فصرت في بيت ابوي 3 شهور تقريبا ما فيهم وحده اتصلت سالت عني ولا قالت حتى شخبارش انا قلت على راحتهم بس المشكله انهم كل ما شافوا زوجي قاموا يقولون اني مو اجتماعيه وما اروح لهم مع انهم يدرون اني مريضه وبيتهم ما شاء الله فوضى وهمعائله كبيره وانا ما اعرف اروح مكان واشوف ناس تشتغل واقعد اطالعهم وفي نفس الوقت الحركه مو زينه لي لاني من اتحرك ينزل علي ماي بعد طوفتها ولا كاني سمعت شي لما ولدت بولدي صرت فتره الاربعين في بيت ابوي فقالت اخته انها تبغي نظف الشقه وعطاها المفتاح طبعا مو هي اللي نظفتها الخدم وهي معاهم تباشرهم وكانت تعلق على كل شي فيها حتى لما رجعت ام زوجي قالت لي ان حماتي تقول ان مطبخي وسخ طيب اذا اربعين يوم ما تنظف لازم بصير فيه غبار غير ان فتحه المكيف مو مسكره عدل فيدخل منها غبار انا تضايقت ساعتها بس ما حسستهم بشي ولان هم كل وحده بخدامتها وانا ما احب الخدم مع ان في بيت اهل زوجي خدامه وهو اللي يدفع راتبها بس انا احب اسوي كل شي بروحي كنت ما اقدر البس اي شي في شقتي الا لما اقفل الباب لاني ما اشوف الا اولادهم عندي في شقتي .
وانا طالبه جامعيه ويوميا اروح الجامعه وارجع ابغي اذاكر وانف شقتي واطبخ لاني اكل بروحي وكل هذا عنهدم مو شي يبغوني على طول متواجده معاهم وكل عندهم اذا ما انزل اني نايمه ويوم اللي ما يشوفوني يعني في بيت ابوي كل شي اخذه يبغون يشوفونه مع ان هم يوميا في بيت ابوهم .
السنه في محرم يجون بيت ابوهم 13 يوم كاملين من الصبح الى الليل وتجيهم اياهم ينامون بعد وقالوا الى زوجي اني ما اطبخ وانزل اكل معاهم قلت له اوكي مع اني تعبانه صادتني انفلونزا قويه قبل محرم حتى الجامعه مارحت لمده 10 ايام وولدي بعد من عيد الاضحى الى الحين يومين ويمرض وبكره عندي امتحانات منتصف فقلت الى زوجي انا ما اعرف اكل وانا ما سويت شي غير هذا اني ابغي اذاكر وراكبه ونازله صعب وانا ظهري يالمني والدكتوره قالت لي قللي من استخدام الدرج قد ما تقدرين فقال لي اروح بيت ابوي ارتاح منها ما فيه درج ومنها عشان اذاكر وقال لهم بعد الا امس اخته وقفته تقول له وين زوجتك الناس تسال عنها ما تبين ومو اجتماعيه ومو بس السنه قال لها مريضه وامتحانات وحتى ولدها مريض الا تقول له كل مريضه مريضه انا من سمعت هالكلام من زوجي ما قدرت الا اصيح لاني اعيش توتر امتحانات غير ظهري اللي مو عارفه له علاج وولدي اللي بكمل شهر وانا من مستشفى الى مستشفى ومن مرض الى مرض قلت له هي لما يكون عند اولادها امتحانات ما نشوفها وما تطلع وهي اطفال شلون طالبه جامعيه وحامل مريضه غير اني ما قدمت امتحانات المنتصف لاني مريضه فبيحسبون لي النهائي 75 من 100 وقلت له من قال كل سنه اول سنه تزوجت ظليت هناك على طول معاهم وثاني سنه كنت والده بولدي وفي الاربعين واللعام ظليت معاهم 8 ايام وجيت بيت اهلي يومين ورجعت اما الاعياد فانا على طول معاهم الا السنه لان في عيد الفطر انا مريضه وعيد الاضحى ولدي الا يقول لي قولي لهم هالكلام قلت له انت تدري ان مو من طبعي هذا ثاني شي ما هي في بيت ابوها ليش انا حرام اروح بيت ابوي وهي مالها دخل دامك راضي وقابل بعدين لا شره على الناس اذا تكلمت اذا خواتك يتكلمون وهم يدرون بوضعنا انت تدري انها اذا كلمتني انا بسكت وما بقول لها شي وهي نفسها عارفه طبعي اني هادئه ومالي دخل في احد وانا عارفه انهم يتكلمون من وراي واكثر من مره اسمعهم وانا طالعه من شقتي يتكلمون عني اذا بصدقون كلام خدامات على كلامي فما استغرب منهم هذي الاشياء
انا خايفه كثر ما يتكلمون الى زوجي يغيرونه علي من امس الى اليوم والله مو عارفه اذاكر ولا عارفه اسوي شي وبكره اامتحاناتي ويوميا الى الاحد واخااف انه زعل من كلامي عن خواته والله محتاره وموو عارفه شسوي معاهم ومع اخته لما تجي تكلمني انا الليله برجع شقتي قلت له تعال خذني حتى لو بموت يمكن يبين في عيونهم ومو عارفه شنو بصير لي معاهم الله يستر