هذا الرجل يريد نصيحتكم له...

اختي ان كان صادق في كلامه فمن حقه يتزوج ويشوف حياته بس تبي الصدق راح يظلم الثانية اكثر

لانه في هالوقت الاول راح تفرز عضلاتها وراح يعود الاهتمام وهو ما راح يصدق خبر واللي بيضيع بالطوشة الثانية

انا الصراحة ما اقدر احكم...لانه ما اعرف الطرف التاني اللي هي زوجته ايش دفاعها..
ممكن هوا يقول مافيه سبب...لكن هي عندها..

ما ابا احكم عليها بأي شي لاني ما ادري هي ايش حالتها..
لكن اذا هوا شايف انها مقصرة من حقه يتزوج عليها..
ولا مالها داعي زوجه تعامل زوجها بالطريقة هدي
المفروض تبعده عن الحرام وتخاف عليه..

الله يهدي الجميع

انا من راي انه اخته تكلم زووجته

وتحاااول تلمح لها انه اخوووها يفكر بالزوااج

نظرا لمعاملتهاااا له

وبعدين الواحد لا يستعجل بالحكم يمكن هي مريضه نفسياا

او بها مس من الجن او سحر او بها مرض وما حبت تخبره

ترى هالاياام كل شي جاايز بس نصيحتي صديقتك تهدي اخووها

وتحاول تقنعه بعدم الاستعجال تقرب من زوجته تشوف وش فييهاا

سلام عليكم
بصراحه انا اشوف انه اخته تكلم زوجته وتشوف ايش فيها يمكن متضايقه من شي وما تبي تقول له......واذا ما عندها سبب مقنع خله اخوها لا يبين اي اهتمام فيها يطنشها شوي..وراح تشوفه انه تغير عليها وهي الا بدورها راح تساله ليش تغير عليها .ويجلسوا بعدين مع بعض ويتفاهموا.........بس اذا ما فادة هاي الطريقه بعدين يفكر في الثانيه بس لازم بالاول يفكر بالف طريقه عشان يردها مثل قبل واحسن .........الله يهديها ويسعدهم ان شاء الله...تحياتي

خلها يتفاهم معاها و يقول لها بتتعدلين ولا بأتزوج عليكي.....واذا طنشت خلها يوهمها انه تزوج و يشوف ردة فعلها اذا تغيرت خير و بركة واذا تمت على حلها الشرع حلل له اربع

السلام عليكم
لا بصراحة انا مش من رايي ان اخته هي اللي تكلمها لانها ممكن مش تتقبل منها الكلام وده الطبيعي وممكن يحصل مشاكل بينها وبين زوجها انه بيشتكي لاختها
ممكن اختها تكلم اقرب صديقة ليها وصديقتها تحكي لها عن بعض مواقف حتى لو قصص متالفة يعني مش حقيقة وتبدا تكلمها في الموضوع وان شاء الله تستجيب لها وترجع مع جوزها زي الاول واحسن وربنا يهديهم لبعض يارب

حبيبتي لو اخته متفاهمه مع زوجته ممكن تروح تفتح معاها الموضعو وتكلمها اما انه هي ماتربطها علاة قريبة منها وتروح وتشتكي وتولها انه اخوي تعبان من تصرفاته فما يصير انا احسن شي انه الرجل يكلم زوجته بس هذه المره بكلام رجولي وبشدة لو هي صح على كلاكم صديقتك ماتعطيه حقه خير شر
المهم يكلمها ويقولها يابنت الحلال لو انتي راح تظلي مو مهتمه بي انا بروح اتزوج عليك وايش رايك وانا لو احسن يتكلم معاها ويناقشها بهذا الموضوع ممكن عين او حسد وممكن انه الحرمه مهمومه او في شي شاغلها يعني يكلمها من كل الجوزانب واذا مانفع كل هذ هني يروح يتزوج عليها ومايظلم زوجته معاه
والله ييسر امورهم

اختى الكريمة

عادتا ما تكون هذه الاعذار .. هي إعلان واشهار الراية بزواج ثاني
قبل ان اقرأ كلماتك الاخيرة استشفيت المغزة

عموما
يعني ما في رجل يشتكي من زوجته بالوصوف الي ذكرتيها بكلامك إلا وفي باله بنت
متعرف عليها زين وناوي يتزوجها..
وطبعا هذا القرار لا شك انه نتيجة الفراغ الي سمحت فيه الزوجة الاولى


طيب وين المشكلة؟!!
الشرع حلل له اربع
لو هو صادق في شكواه
ومرته الاولى ما دايره بالها عليه على حد قوله
وكلمها بالتي هي احسن وما انصاعت لكلامه .. خلاص اتوقع عداه العيب!
ولا هو شنو شايف؟؟

يبي يتزوج زواج ثاني
وهو مقتدر
وبيعدل!
عنده مشايخ الدين .. يتوكل عالله


الله يوفق الجميع

والله انش يا (الشيخة) كفيتي ووفيتي ياسلام على الراي......

رايي من رايها

السلام عليكم ورحمة الله وبركاته

الغالية اعتقد اولا النصح والمشورة من قبل أم أو اخت البنت بيكون وايد زين .. يعني لو هو كلم امها او اختها وقال لهم عنها ..

ثانيا هوه يقدر يهددها .. او يعطيها نغزات بأنه راح يتزوج زواج ثاني .. في حال ما تعدلت وعنده اسبابه الحقيقية

يتوكل ويتزوج .. وهي الي جنت على نفسها



بس قبل كل هذا ما دور يمكن يكون فيه عيب ما ؟... يمكن عنده خلل جسدي .. رائحه ما ان كان مقصر في نظافته .. او امور ما تصدر منه في حالة الجماع تنفره منها ؟؟..

يمكن منه العيب اولا خل يراجع نفسه مرة ومرتين وثلاث وعشر قبل يظلم نفسه ويظلم بنت الناس معاه وخصوصا بينهم عيال مثل ما قلتي ؟؟..


الله يهدي النفوس والسراير


في امان الله

اذا تعب معاها ومافي فايده يقولها بتزوج واذا ما اعتدلت يتزوج والف مبروك

الأفضل أنه يتزوج يمكن تسنع

بصراحه اذا هي مو معطيته حقه يحق له ان يتزوج
الله يهدي الجميييييييييييييييييع

وعليكم السلام ..
اختي لازم تدخل أهل الزوجه بالموضوع ..لأنهم أعلم ببنتهم ..ويمكن هم حاسين أنها متغيره أو مسحوره سبحان الله ماحد يدري ..
وإذا الحرمه مافيها شي ..خلاص له حق يتزوج عليها وتعتبر ناشز..
والله يهديها ..

اختي حسيت المشكله مره مو واضحه اكيد في سبب كونها ما تهتم فيه وفي اطفالها وبس ماشي
لكن ما تنام معاه في غرفه وحده اكيد في سبب

يعطيكم الف عافيه على ردودكم
المشكله يابنات انه قد قال لها بتزوج عليك قالت عساك على القوه لانها عارفه ان زوجها ماديتهم شوي مو كويسه قالت بس قبل تفكر تتزوج علي اهم شي توفر لي ولعيالي مسكن خاص لهم والمشكله الثانيه ان البنت امها متوفيه الله يرحمها ويرحم اموات المسلمين اجمعين ....
الله يهديها وسخرها لزوجها يارب ...