لحقوووا اختكم طاحت في ورطه وانشالله الحل بايدكم...

السلااام عليكم خواتي ومشكورين على الطله الحلوه

بنات مااطول علييكم بس ابيكم تساعدوني سالفتي ومافيها من جم شهر

كتبت عن مشكلتي اني ابي ادرس وماعندي احد ايود اعيالي المهم بعد محاولات

وتعب نفسي رضى زوجي يمسك اعيالي طبعا شرطه اني ادرس فترة الصباح المهم رحت

معهد قالت لي عنه بنت عمي وهو المعهد في الرياض طبعا وسويت الامتحان لغه واتصلوا

فيني عقب اسبوعين وقالوا انتي مستواج مابعد المتوسط يعني الرابع المهم واستانست

وهذي اول شي استخرت بربي المهم رحت والا حطوني مع المبتدئين وانا مستواي محترف

وانا ابي اطور من نفسي مو أعيد ألي درسته وانا خريجة تجاري يعني اوكي في الانجليزي

رحت للمديره وقالت لي مانفتح فصل حق طالبه وحده قلتلها ليش مو من قبل هالكلام تخيلوا

ولا الفتره مسائيه يعني يوم يدخل زوجي البيت قبلها انا طالعه للمعهد وتهاوشنا انا وزوجي

عشان الفتره هو يقول صباحيه وانا اقول له مو في يدي المهم وطبعا اهل زوجي دروا بالسالفه

المهم كلمت المديره وقلتلها على الاقل حوليني حاسب اذا ماعندكم تدريس لغه وهذي في

اعلانهم يقولون لغه شامل المهم قالت لي عندج دورة حاسب الي للاعمال مكتبيه مدتها 3

شهور وسعرها 850 واقدر ادفعها اقساط قلت باكلم زوجي المهم بعد مسكين ماقال شي

رضى قال شكلهم يلعبون عليج المهم رحت عند المديره الا تقولي لا بتاخذين دورة حاسب

لادخال البيانات والنصوص لمدة 6 شهور ولا تدفعين 2200 ريال يعني 220دينار غير الملزمه

نشتريها على حسابنا بنات دخلت الحصه والافكار ماكلتني مو عارفه شاسوي وانا يالله يالله

اقنعت زوجي اني ادرس وبعض البنات في المعهد ماينصحون دراستهم وبعضهم يمدحونها

ويعني فشيله اذا كنسلت اشبيقولون اهل زوجي ومن ناحية زوجي امش بوزي يخليني

اقدم في معهد ثاني عقب السوالف الي صارت ...بنات شاسوي مو عارفه مع اني صليت

من اشوي الاستخاره عطوني رايكم هل استمر في الدوره وتستاهل التعب ودفعة فلوس

والا اوكل امري واطلع من المعهد لاني بصراحه مو عارفه شاسوي المعلمه تشرح وانا سرحانه

وانشالله ماعوركم راسكم مع مشكلتي ...اختكم ردوا عاد لا تطنشوني