الرئيسية أركان الصحة والطب النساء و الحمل و الولادة من طول الغيبات جاب الغنايم(قصه ولادتي بغايه)

من طول الغيبات جاب الغنايم(قصه ولادتي بغايه)

DXB_lilly 19-01-2008 28 رد 1,435 مشاهدة
D
DXB_lilly
عروس متألقة
19-01-2008 | 11:17 PM
السلام عليكم و رحمه الله و بركااااااااااااااته


هيه والله من زماااااااااااان ما دخلت المنتدى وحشتوني كلكم..

انا احين كملت شهر و 9 ايام و يوم الاثنين بيكون طلوعي من ال40..

ولادتي كانت في تاريخ 12-12-2007 بصراحه كان يوووم تاريخي بالنسبه لي ولأهلي خخخ..

انا كانت ولادتي متأخره وايد المفروض اكون والده في 27-11 بس قلت لاني بكر اكيد لازم اطول..!! والمستشفى قالولي لازم طلق صناعي ... طبعا انا ما سويت لهم سالفه و قعدت مع والدتي ننتظر اليوم المووعووود اللي ما كان جاي ابدا خخخ .. في الفتره هذي كنت اتعالج في مستشفى خاص .. وقالتلي ان لازم اولد في اقرب وقت وولادتي ما بتكون طبيعيه لان الحوض ما اخذ كفايه من التوسع .. والمشيمه عندي فيها تكلس و لازم اولد بسرعه لان الاكسجين مو كافي للبيبي.. انا خفت و رحت عند دكتوره معروفه عندنا اسمها زينب.. وقالتلي نفس الكلام :( انا طبعا خفت وايد ..
دخلت المستشفى الساعه 8 الصبح وانا مستانسه و اسولف واضحك مع زوجي و امي واختي ولا على بالي العمليه ولا شي..

زوجي الله يطول بعمره حجزلي غرفه كبار الشخصيات و كان فيها غرفه استقبال و مطبخ تحضيري و غرفه النوم...

للحين كل شي تمام .. ممرضتي الخاصه جاتني تلبسني للعمليه و قعدت تسولف معاي و تربط شعري و جطولي الشبكه .. (y) لين الحين كل شي تمام.. اختي مسكينه قعدت ترتب في الثياب وتحطهم في الدولاب.. و زوجي متفيج يقري الجريده.. وانا انتظر متى ادخل على العمليه ..

جاتني الممرضه و معاها هذييييك الابره اللي يحطونها في الايد واااااي كيف تعور.. :confused: انا ماحبها ولا هي تحبني... معاناه لين ما يحصلون عرج و لين ما يدخلوها ولين ما يمشي فيها الدوا وماعرف شو السالفه...
جاتي دكتور التخدير و قالي اذا اريد تخدير كامل ولا نص..قلتله كامل احسن .. قالي اوك ماعليج انتي تامرين امر
سحبوني لغرفه العمليات و مارضوا يدخلوا اي حد معاي.. و قعد معاي في الغرفه دكتور التخدير و دكتور الاطفال و دكتورتي اللي بتسويلي العمليه ..

اول شي كنت اسولف مع دكتور التخدير واقوله "انت متأكد اني ما بقوم في نص العمليه" قالي" عيب والله اتقوليلي جيه, شلون انا دكتور و ماعرف اخدر يعني" :tongue:

و قعدت الدكتوره اتقول يالله بسم الله نبدأ العمليه وانا :ss: قالي الدكتور مال التخدير "ها عيني لا تخافي ما بيصير الا اللي كاتبه الله"
والدكتوره تمسحني بالمطهر.. و الدكتور قاعد عند راسي و يقولي اتنفسي من الاكسجين..
لحظتها حسيت اني قاعده اضحك والله كنت اضحك..والدكتور يشوفني مستغرب.. ومره وحده ++++

نادوني قالولي اتنفسي اتنفسي؟؟؟

فتحت عيني والا الدكتوره اتقولي مبروووك جبتي بنت حلوه مثل ابوها... :eek: قلت شووووووووووووو

خلصنااااااا :rolleyes: علطول قلتلها وينها قالتلي شلوها ينظفوها و انتي لاتتكلمي لان كنا حاطين في فمك انبوب اكسجين..

طلعت من الغرفه و ماما و زوجي واقفين عن الباب اول ما طلعت زوجي قام و باسني على جبيني و قالتله شفت البيبي قال هي ما شاء الله حلوه .. قلت الحمدلله ..

وصلت الغرفه و مادري شو كنت اقول لاني كنت تحت تأثير المخدر...... لاني كنت قاعده ساعتين في العمليه...

جابوا البنوته و شفتها و شالتها امي ..
طبعا انا ما قدر اشلها لاني تعبانه وايد..

بصراحه والله العمليه ما طلع وجعها الا بعد 3 ساعات و هني المصيبه والله واااااااااااااايد اتألمت و كنت اصيح طول الوقت ..

الحمدلله ان الوالده و اختي كانوا معاي ولا ماعرف شو كنت بسوي بدونهم..

وبنتي احين كملت شهر و 9 ايام..

وسامحوني على طول الغياب تراني ابدا ما كان عندي وقت ادخل حتى النت..

انتظر ردودكم الحلوه.. :D


اختكم ليلي دبي
ب
بحرينية أصل
عروس ماسية
19-01-2008 | 11:28 PM
هلا والله فيج وبرجوعج للمنتدى وحمدلله على سلامتج والف الف الف مبرووووووووووووووووووك والله يجعلها من مواليد السعاده ان شاء الله
م
مناهل78
مشرفة سابقة
19-01-2008 | 11:33 PM
الحمدلله على سلامتج وعلى البنوتة الحلوة وبعد رجعتك للمنتدى الغالي...
&
ღام علااويღ
مطرودة
19-01-2008 | 11:48 PM
الحمدلله على السلامة خيو
وتتربى بعزكم ان شاء الله
وتشوفينها عروس ان شاء الله
ف
فوانيس
مشرفة سابقة
19-01-2008 | 11:53 PM
ألف الحمدلله على سلامتج
و تتربى بعزكم البنوتة
ا
الجوهره 2000
عروس مبدعة
19-01-2008 | 11:57 PM
الحمد لله على السلامه ومبروك المولوده الله يخليها لك

وتتربا بعزكم ان شاء الله و يجعلها من مواليد السعاده ويقر بها عيونك وعيون ابوها

ويجعلها من عباده الصالحين

المهم ياعيوني انتبهي لها من هالبرد وادفيها مظبوط لان الطفل لحمه وعظمه طري

واقل برد يأثرعليه فانتبهي تطلعين فيها اذا كان الجو بارد وادفيها زين لانك بكريه وماتفهمين في هالامور


اسمحي لي على تطفلي والله ماقلته الامن حرص ولاني عارفه المتاعب اللي تذوقها الام في هالحالات

وعسى ربي يرزقك برها وتشوفي عيالها.
ر
رواظي بوظبي
عروس مبدعة
20-01-2008 | 12:03 AM
الحمد لله ع سلامتج
وتتربى في عزكم ان شاالله
.
.. طيف الأمل ..
مشرفة سابقة
20-01-2008 | 12:45 AM
ألف مبروك
ا
الحبُ الكبير
عروس ذهبية
20-01-2008 | 12:46 AM
الحمدلله ع سلامتج والف مبرووك قدووم غايه وتتربى بعزج انشاء الله
د
دهن عود معتق
عروس مبدعة
20-01-2008 | 06:09 AM
ذكرتيني بولادتي بنتي بكري كانت بعد عمليه الله يعين


الحمد لله على السلامه ومبروك المولوده الله يخليها لك

وتتربا بعزكم ان شاء الله و يجعلها من مواليد السعاده ويقر بها عيونك وعيون ابوها

ويجعلها من عباده الصالحين
*
*Hala*
عروس فضية
20-01-2008 | 07:19 AM
هلا فيج اختي .. مبروك ماياكم وتتربى في عزكم يارب :)

الله يخليها لكم ويحفظها من كل عين :)

سؤال.. متى حسيتي انج تقدرين تتحركين عدل من العمليه؟ ناس تقول يبالها شهر وناس تقول لا بعد اسبوع يخف المها!
ا
ام نيلا
مشرفة سابقة
20-01-2008 | 08:01 AM
مبرووووووووووووووووووووووووووووووووووك ماياج

وربي يجعلها من الصالحااااااااااااااات
*
*~JeWeL~*
مشرفة سابقة
20-01-2008 | 09:59 AM
هلا والله فيج وبرجوعج للمنتدى

والحمد لله على سلامتكم

والله يجعلها لكم من الذرية الصالحة
8
8-8
عروس جديدة
20-01-2008 | 11:14 AM
الف الف الف مبروك ع البنوته الحلوه والله يحفظها لكم انشاءالله
والف الحمد ع سلامتج
وتتربى بعزكم انشاءالله
ه
هدهوده
عروس متألقة
20-01-2008 | 11:19 AM
ألف حمدلله ع السلامة والف مبروك ع المولودة
س
سموو ذاتي
عروس رائعة
20-01-2008 | 11:25 AM
الحمد لله على سلامتك
*
*الجازي..
عروس نشيطة
20-01-2008 | 12:02 PM
الحمدلله على سلامتج وتتربى في عزكم انشاالله....
f
feedback
عروس ماسية
20-01-2008 | 12:45 PM
الحمدلله على سلامتج والف الف الف مبرووووووووووووووووووك والله يجعلها من مواليد السعاده ان شاء الله
*
*ام وسام*
مشرفة سابقة
20-01-2008 | 01:50 PM
الف مبرووووووووك حبيبتي ... وتتربي في عزك وتشوفينها عروس ...
D
DXB_lilly
عروس متألقة
20-01-2008 | 02:01 PM
تسلمون حبيباتي على ردودكم الطيبه والله يسلمكم من كل شر ,,,,, ويسعدكم ويهنيكم في حياتكم....

وصدقج عزيزتي الجوهره 2000 بنتي ابدا ما تستحمل البرد وانا دايما اغطيها بس اسمع من امي لازم ما اغطيها كامل يعني اذا غطيت رجولها وايدها لازم ما اغطي راسها ..
والحمدالله الوالده ابدا هب مقصره معاي واشكرج على حرصج حبيبتي (f)


وبالنسبه لسؤال اختي *Hala* انا من ثاني يوم جبروني في المستشفى اني اقوم من السرير واتحرك للحمام الله يعز القارئين ,,,, وكان شي الصراحه صعب ,, اول مره قعدت فيها جدتني دوخه و صرت لا اسمع ولا اشوف وقغدت امي تقرى علي والحمدالله بعدها صرت احسن... وظليت في المستشفى 5 ايام والمخففات الالام على طول معاي.

الالم اول اسبوعين وبعدين يروح وقت ما يسحبون خيوط العمليه.

وبعدين بالتدريج تحسين انج وايد اخف ومرتاحه اكثر.

وعندي كم من نصيحه:
لا تشيلين شي ثقيل ابدا.
لا تتحركين وايد الا للضروره.
خلج مستلقيه اكثر الوقت.
وقت ما تنام البيبي نامي.
وابدا لا تشيلين شي من الارض الا وانتي ثانيه ركبج.



ومشكوووووووووووووووووورين خواتي مره ثانيه

اختكم أم غايه DXB_lilly
X