منو صار معها مثلي

الله يرزقج ياللي في بالج انشالله
انا صار معاي مثل ماصار معاج
انا من بوظبي أول مرة سويت صورة في مستشفى الكورنيش قالوا لي ولد كنت في الرابع
وثاني مرة سرت مستشفى خاص وكنت في الخامس وقالت لي بنت
وثالث مرة سويتها في مستشفى الكورنيش وبعد ردوا قالوا ولد
والمرة اللي بعدها كنت في اول الثامن قالوا لي ولد قلت للسستر حيرتوني مرة اتقولون لي بنت مرة ولد والله احترت وياكم ابي اجهز للبيبي قالت لي اذا مو واضح عندي بقولج مو واضح بس هو واضح ويبان مابروح اجذب عليج المهم انا بالآخر جهزت حق الولد وولادتي قريبة انا في نص التاسع تقريبا الحين وانشالله بخبرج اول ما اولد بس انتي خذي لبس ابيض او الالوان اللي تليق للجنسين ولا تكثرين في البداية وانشالله عقب ماتربين بالسلامه خلي ريلج يروح ياخذ لبس للبيبي
وربي يسهل عليج ويرزقج بالذرية الصالحة يارب

هلا أختي .. أنا من أول سونار كنت في الشهر الخامس وقالوا ولد والحين توني والده وجبت ولد وسميته (أحمد) الله يخليه ليي ياااااااارب

اولا الله يسهل عليك ويقومك بالسلامه

وفعلا كلام الاخت ظبيانيه سليم انتي روحي اخذي حق وقت ولادتك بس

وخلي زوجك معك علشان تروينه الاشياء اللي تفضلينها وبعد الولاده يجي هو ويقضي لك

وانتي تاخذين الابيض والسكري والاخضر يناسب الجنسين وزي ماقلت لك لاتكثرين حق وقت الولاده

وبعده باسبوع بس في حين اذا ولدتي يجي هو للمحل هذا وياخذلك الاشياءللي انتي وصيتيه عليها

وكنتي تبغينها واذا الظروف مساعدتك مو مشكله قضي للاثنين لحد عمر شهر واذا ولدتي على خير

اللي مارح تستخدمينه اهديه على احد خواتك اوقريباتك اكيد بيكون معك احد بالعيله على وشك ولاده

او بعدك بفتره ولابد انك بتهدين لها هديه يعني في كلا الحالتين مارح تخس والابينتهي تاريخها

ودعواتي لك بالسهاله وربي يفرح قلبك باللي تمنين ..

شكرا لكم جميعا ع الردود و أختي ظبيانية أنا أستنى مولودك على خير و الله يقومك بالسلامة

اختي

انا اول شي قالولي بنت ...


ويوم ربيت يبت ولد ...

لان البيبي كان صغير مب واضح الهم فتحسبوة بنت

ما دري بس الولد بسرعه يبين يعني اذا الدكتوره شاطره عندكم

ان شاء الله ولد انا كلهم قالوا لي ولد وفعلا سبحان الله ..

بس الولد واااااضح يبين .. ربي يرزقج بالولد الصالح المعافى ياربي ..

انتي اخذي الابيض والسكري والاخضر يناسب الجنسين

انا في كذا مستشفى قالوا لي ولد وجهزت حق ولد انا الحين حامل في التاسع ادعي لي
والحمل الاول قالوا لي بنت وفعلا جبت بنت والحمدلله