اذا تبين اتثبتين الريحه في ثيابج او عباتج

السلام عليكم

اعرف ان اكثر الحريم ايحبون ان ريحة العطر او الدخون تثبت فيهم. والمتزيجه تقدر اتسوي هذي الطريقه على ثياب زوجها.

اول شي اتحضر العطور الي اتحبها الافضل ايكونن عطرين واذا اتحب تقدر تستخدم دهن العود وانحط دخون او عود ومدخنه الي انحط تحتها المدخن وفوقها الثياب واهم شي كيس نايلون مال الثياب (تلبيسه).

ملاحطه: اذا بتحطين دهن عود على ثياب زوجك نصيحه حطي الدهن عود في كف ايدك وافركي ايدك عدل وامسحي على لباس زوجك عشان ما يصبغ عليها.

والحين نبدأ بالطريقه:
عطري الثياب الي تبين الدخنينهم من الامام والخلف وحطي دهن عود وحطيهم فوق المدخنه وحطي المدخن تحت مع الدخون وخليه وبعدين شلي الثياب وعطريهم من الامام والخلف وغطيهم بالبلاستيك وحطيهم فالكبت ( الخزانه).