ازيكم يا بنات اخباركم ايه
:D:wink: انا عايزه استشيركم في حاجه ضروريه
اولا انا عايزه اروح لدكتور اسنان ودكتور تغذيه عشان عندي انيميا وفرحي ان شاء الله هيكون علي شهر 7 ان شاء الله بس مش عارفه هو المفروض اروح من الوقتي ولا كده بدري قوي
تاني حاجه انا عايزه اي حد يعرف سعر الديب فريزر بكام ؟ وكمان عايزه اعرف ايه لبس البيت اللي المفروض اشتريه
وكمان عايزه اعرف اسم كوافير كويس في المنصوره عشان عايزه اكون حلوه في الفرح لأني هكون محجبه ووشي مش مدور فمش عايزه اعمل الطرحه اسبانش لانها مش بتليق عليا . عشان كده
عايزه كوافير يكون مبتكر ويعرف يخترعلي لفه حلوه للطرحه وتليق علي وشي .
تاني حاجه عايزاه برضو يكون مكياجه حلو جدا لان طبعا العروسه المحجبه بيكون كل الشغل اللي باين هو المكياج
وكمان عايزه اعرف افرد شعري ازاي وفين وكام سعره وكمان احسن شامبو وبلسم وزيت للشعر المجهد الجاف اللي سبق فرده كتير يكون ايه؟
معلش يا بنات انا طولت عليكم بس لاني حاسه اني تايهه ومش عارفه ابتدي منين
ونفسي لو اصاحب بنات هنا في الموقع وياريت يكونو من المنصوره عشان نتبادل الاراء ونقول :mad:لبعض علي المحلات الكويسه هنا في المنصوره
كمان لو تعرفو حل لموضوع زيادة الشعر يبقي يا ريت تقولولي عليه لأني كنت ناويه اشيله بالليزر بس في ناس قالولي لازم اروح لدكتور غدد وهرمونات الاول واعمل تحاليل عشان اشوف الغدد والهرمونات عندي مظبوطه ولا لأ؟ عشان لو مكانتش مظبوطه وانا شلت الشعر بالليزر هيطلع تاني فلازم اظبطها بالأدويه الاول وبعدين اشيله ولو حد يعرف دكتور في تخصص الغدد والهرمونات في المنصوره يقولي... وياريت دكتور للتغذيه والنحافه .ودكتور لليزر
يارب يارب تكونو عارفين حد :confused: :ss:
انا رايحه انام الوقتي وهشوف بكره ردودكم عليا يارب تردو عليا يا رب يا رب يا رب
بجد اللي هتدلني علي حاجه هدعيلها من قلبي يفرج كربها ويسعدها وينولها كل اللي في بالها عاجلا ولس اجلا يارب امين يا رب العالمين(y)
يا رب اللي ترد ربنا يكرمها ويسعدها يااااااااااااا رب
ع
18-01-2008 | 07:18 AM
د
18-01-2008 | 01:07 PM
أختى ممكن تشوفى موضوع فرحك خلاص قرب فى نفس الصفحة
وإن شاء الله تجدى مطلبك
ومبارك مقدما
وإن شاء الله تجدى مطلبك
ومبارك مقدما
أ
18-01-2008 | 01:28 PM
بصى يا ستى اولا فى تجمع مصريات هنا اسمه موضوع فرحك خلاص قرب لبنات مصر اوك وهتلاقيه فى نفس الصفحه
تانى حاجه بقى فى بنات من المنصوره وممكن تفيدك يعنى بكل شيئ
تالت حاجه لازم تروحى للدكتور من دلوتى مش بدرى ولا حاجه النحافه بتاخد وت وبسسسسسسسسسسسسسسسسس
ادعيلى بقى مش انا رديت :o
تانى حاجه بقى فى بنات من المنصوره وممكن تفيدك يعنى بكل شيئ
تالت حاجه لازم تروحى للدكتور من دلوتى مش بدرى ولا حاجه النحافه بتاخد وت وبسسسسسسسسسسسسسسسسس
ادعيلى بقى مش انا رديت :o
أ
18-01-2008 | 01:30 PM
أسيرة حنانه;4997616:
بصى يا ستى اولا فى تجمع مصريات هنا اسمه موضوع فرحك خلاص قرب لبنات مصر اوك وهتلاقيه فى نفس الصفحه
تانى حاجه بقى فى بنات من المنصوره وممكن تفيدك يعنى بكل شيئ
تالت حاجه لازم تروحى للدكتور من دلوتى مش بدرى ولا حاجه النحافه بتاخد وت وبسسسسسسسسسسسسسسسسس
ودا رابط الموضوع بتاع بنات مصر
http://www.3roos.com/forums/t303183.html
ادعيلى بقى مش انا رديت :o
$
18-01-2008 | 01:38 PM
الله يساااعدج :)
ع
19-01-2008 | 03:33 AM
اخواتي دعاء واسيرة حنانه ودانات ربنا يكرمك جميعا يارب وتنولو كل خير وتحققو كل اللي في بالكو يارب
وانا هدخل علي الرابط يا اسيره حنانه وربنا يستر والاقي اللي عايزاه يارب وعقبال كل البنات يتخبطو قصدي يتخطبو ويتلخبطو هههههههههههههههههههه
وانا هدخل علي الرابط يا اسيره حنانه وربنا يستر والاقي اللي عايزاه يارب وعقبال كل البنات يتخبطو قصدي يتخطبو ويتلخبطو هههههههههههههههههههه
ب
19-01-2008 | 11:05 PM
اختي انا كمان من المنصوره ومجوزه في شهر 7 وعملت في الفرح عند بيوتي وفي الحنه عند كوافير اسمه قمرين بس والله قمرين ده في شارع بور سعيد عند مركز هلا كل اللي شافني في احنه اتهبل عليا مع ان خد مني 150 جينه ومقتنش مقتنعه بيه بس والله ندمانه اني معملتش عنده الليلتين اما بيوتي ندمت اني رحتله شغله عادي ومكياجه خفيف بس هوه بيلف طرح جميله شغله هجيني في المحجبات وكان واخد مني 500 وبراي الجميع كله اجمع ان قمرين روعه واحلي من بيوتي ده ودي تجربتي ياقمر اما اللانجيري المحل اللي قودام العمده اسعاره حلوة وممر العائلات واللله عنده حاجات حلوة اوي وفيه في الحاجه بيجامات حلوة بخصوص النحافه اختك صرفت كنير عليها والحل هو الاكل وكمان فيه لبن اسمه سوستا جين تضيفيه علي اللبن وتشربي 3 مرات يوميا والله تخنت وكمان حبوب موسيجور بس لازم تنتطمي مش تاخدي مره وتسكتي جربي والله انا تخنت ممكن تدعيلي ان ربنا يجمعني بجوزي ويرزقني يالدريه الصالحه بالنسيه لاول يوم مش لازم ابيض انا لبست احمر عاااااااااااادي انا اسفه علي الاخطاء الاملائيه لان الكي بورد خربان
ع
20-01-2008 | 02:51 AM
اختي بنت مصر 11
الف شكر علي ردك يا قمر وربنا يجمعك مع زوجك علي الخير ويلم شملكم يا رب ويهدي سركم ويرزقك بالذريه الصالحه عاجلا وليس اجلا ان شاء الله
وشكرا علي المعلومات الجميله دي ..... بس انتي قصدك علي قمرين اللي فين بالظيط مفهمتش قوي من العنوان
انا عارفه مركز هلا اللي في شارع بورسعيد بعد كده امشي فين بقي ؟
طيب وكمان كنت عايزه اعرف انتي كنتي بتجيبي الدواء ده لوحد ك؟ ولا كنت ماشيه مع دكتور ؟ولو تعرفي دكتور للغدد والهرمونات و دكتور للنحافه غير الدكتور مجدي عيد الرازق لانه بيشتغل بالابر الصينيه وانا جربتها وبتاخد وقت وشغلانه كده
انا عايزه دكتور يديني ادويه ويقولي علي نظام غذائي
انتي عارف المشكله عندي في النحافه في الوجه يعني الجسم كويس بس الوجه نحيف بجد حاجه تجنن الحكايه دي
طولت عليكي يا جميل
بس بايني كده ماصدقت حد من المنصوره ارغي معاه شويه:o:o:D
الف شكر علي ردك يا قمر وربنا يجمعك مع زوجك علي الخير ويلم شملكم يا رب ويهدي سركم ويرزقك بالذريه الصالحه عاجلا وليس اجلا ان شاء الله
وشكرا علي المعلومات الجميله دي ..... بس انتي قصدك علي قمرين اللي فين بالظيط مفهمتش قوي من العنوان
انا عارفه مركز هلا اللي في شارع بورسعيد بعد كده امشي فين بقي ؟
طيب وكمان كنت عايزه اعرف انتي كنتي بتجيبي الدواء ده لوحد ك؟ ولا كنت ماشيه مع دكتور ؟ولو تعرفي دكتور للغدد والهرمونات و دكتور للنحافه غير الدكتور مجدي عيد الرازق لانه بيشتغل بالابر الصينيه وانا جربتها وبتاخد وقت وشغلانه كده
انا عايزه دكتور يديني ادويه ويقولي علي نظام غذائي
انتي عارف المشكله عندي في النحافه في الوجه يعني الجسم كويس بس الوجه نحيف بجد حاجه تجنن الحكايه دي
طولت عليكي يا جميل
بس بايني كده ماصدقت حد من المنصوره ارغي معاه شويه:o:o:D
ب
20-01-2008 | 10:50 PM
الف مبروك ليكى انا من المنصورة واى حاجة انتى عايزها ممكن افيدك فيها
اولا بلاش حكاية فرد الشعر دى هتوقع شعرك جامد لو عايزة يكون حلو حمامات الكريم والبلسم والشامبو تخلية حلو او ممكن تجيبى شيسوار وتتعلمى تعملية لنفسك
ثانيا من دلوقى تروحى لدكتور الاسنان والتغذية علشان يدوبك يلحق يظبط الى انت عايزها لان السنان بذات موالها طويل
ثالثا لازم تروحى لدكتور هرومان بالنسبة للشعر مع انى انصحك بلاش تلعبى فى حتة الهرومانات دلوقتى وكمان الشعر بيطلع خشن زى الرجالة صحابى جربة وطلع كدا فنصيحة منى عندك البراون وعندك السويت
الكوافير عندك هير الستايل وانا كنت عاملة عند واحد فى الترعة فى اخرها اسمة اركاديا كان مطلعنى زى العسل الصور بتاعتى مش انا واحدة تانية خالص وكل اتهبل بشكلى على الرغم من انى خمرية وكانوا خايفين من المكياج وطلع حلو قوى وهما كمان بيعرفوا يلفوا طرح حلو قوى وممكن تتفرجى على الالبوم الى عندة وكمان عندة عروسة انا موداية عندة هتعمل يوم الاربعاء والخميس الجاى لو حابو تروحى وتشوفيها
نجى بقى لللبس دلوقى فى اوكازيونات وياريت تقدرى تنزلى وتشوف اللبس عندك الملكة وكمان عندها لانجرى حلو خالص وعندك هدية دول اسعارهم حلوى قوى وكمان عندك محلات قدام مطعم العمدة وفى الممر العائلات دول لقمصان النوم وكدا وعندك للمفارس واللحفة قصر البيداء او العباسى فية حاجات نار جدا فى الشكل واسعارها حلوى وعندك فى مول فى السكة الجديدة اسمة جراند مول فية حاجات حلوى برضو ولو عايز حاجة غير الى قلتها انا اقدر افيك لان فرحى بعدك بشهر تقريبا ويارب اقدر افيدك
اولا بلاش حكاية فرد الشعر دى هتوقع شعرك جامد لو عايزة يكون حلو حمامات الكريم والبلسم والشامبو تخلية حلو او ممكن تجيبى شيسوار وتتعلمى تعملية لنفسك
ثانيا من دلوقى تروحى لدكتور الاسنان والتغذية علشان يدوبك يلحق يظبط الى انت عايزها لان السنان بذات موالها طويل
ثالثا لازم تروحى لدكتور هرومان بالنسبة للشعر مع انى انصحك بلاش تلعبى فى حتة الهرومانات دلوقتى وكمان الشعر بيطلع خشن زى الرجالة صحابى جربة وطلع كدا فنصيحة منى عندك البراون وعندك السويت
الكوافير عندك هير الستايل وانا كنت عاملة عند واحد فى الترعة فى اخرها اسمة اركاديا كان مطلعنى زى العسل الصور بتاعتى مش انا واحدة تانية خالص وكل اتهبل بشكلى على الرغم من انى خمرية وكانوا خايفين من المكياج وطلع حلو قوى وهما كمان بيعرفوا يلفوا طرح حلو قوى وممكن تتفرجى على الالبوم الى عندة وكمان عندة عروسة انا موداية عندة هتعمل يوم الاربعاء والخميس الجاى لو حابو تروحى وتشوفيها
نجى بقى لللبس دلوقى فى اوكازيونات وياريت تقدرى تنزلى وتشوف اللبس عندك الملكة وكمان عندها لانجرى حلو خالص وعندك هدية دول اسعارهم حلوى قوى وكمان عندك محلات قدام مطعم العمدة وفى الممر العائلات دول لقمصان النوم وكدا وعندك للمفارس واللحفة قصر البيداء او العباسى فية حاجات نار جدا فى الشكل واسعارها حلوى وعندك فى مول فى السكة الجديدة اسمة جراند مول فية حاجات حلوى برضو ولو عايز حاجة غير الى قلتها انا اقدر افيك لان فرحى بعدك بشهر تقريبا ويارب اقدر افيدك
ع
22-01-2008 | 02:06 AM
بطوطه 69 شكرا يا قمر علي اهتمامك يا جميل منحرمش منك ابدا
طيب ايه رأيك بقي في مشكلة تفتيح الاماكن الغامقه اللي في الجسم ومن ضمنها الاماكن الحساسه هتعملي فيها ايه
انا قرأت عن كريمم فيد اوت وبيقولو انه جاب نتايج هايله بس رجعت قرأت تاني في بعض المواقع انه بيحتوي علي مواد بتجيب سرطان اللهم احفظنا جميعا
ياريت لو تعرفي حل تقوليلي عليه
اما بالنسبه لموضوع الهرمونات دي ... فأنا اصلا بيطلع الشعر عندي تقيل وزي الرجاله اصلا ومكانش عندي كده الاول وكل فتره بحس انه بيزيد اكتر من الاول ... يعني كان الاول شعرتين بس اللي بيطلعو في الذقن بعد كده زادو اكتر لحد ما بقو واضحين جدا ومكانهم مسمر شويه والمشكله بالنسبه للنحافه اني مش عارفه اصلا دكاتره كويسين في التخصصات دي ... فلو تعرفي دكتور كويس للنحافه وواحد تاني للهرمونات او الاسنان يبقي كده خدمتيني قوي ...وانتي كمان يا قمر لو عزتي مني اي حاجه برضو قوليلي لازم نعمل الواجب مع بعض ...هههههههههههههههه... امال ولاد بلد واحده ازاي وربنا يتمملك علي خير يا رب
طيب ايه رأيك بقي في مشكلة تفتيح الاماكن الغامقه اللي في الجسم ومن ضمنها الاماكن الحساسه هتعملي فيها ايه
انا قرأت عن كريمم فيد اوت وبيقولو انه جاب نتايج هايله بس رجعت قرأت تاني في بعض المواقع انه بيحتوي علي مواد بتجيب سرطان اللهم احفظنا جميعا
ياريت لو تعرفي حل تقوليلي عليه
اما بالنسبه لموضوع الهرمونات دي ... فأنا اصلا بيطلع الشعر عندي تقيل وزي الرجاله اصلا ومكانش عندي كده الاول وكل فتره بحس انه بيزيد اكتر من الاول ... يعني كان الاول شعرتين بس اللي بيطلعو في الذقن بعد كده زادو اكتر لحد ما بقو واضحين جدا ومكانهم مسمر شويه والمشكله بالنسبه للنحافه اني مش عارفه اصلا دكاتره كويسين في التخصصات دي ... فلو تعرفي دكتور كويس للنحافه وواحد تاني للهرمونات او الاسنان يبقي كده خدمتيني قوي ...وانتي كمان يا قمر لو عزتي مني اي حاجه برضو قوليلي لازم نعمل الواجب مع بعض ...هههههههههههههههه... امال ولاد بلد واحده ازاي وربنا يتمملك علي خير يا رب
ا
10-02-2009 | 09:56 PM
اهلا بعروستنا وربنا يتمملك بخير انا كمان من المنصورة وفرحي في شهر 7 ومحتاره حيرتك
انا بنصحك في كوافير حلو اوي اسمه جنتنياز عند برج السوسن المدام اللي هناك زوق خالص وتعرفي تتعاملي معاها والميكب هناك حلو ومن ناحيه شعرك بلاااااااااااااش فرد شعرك دي خليكي احسن مع حمامات الزيت وحمام الكريم بتبقى خطيرة وصدقيني هتبقى عروسه زي القمر من كله ومش عوزاكي تقلقي وربنا يتمملنا بخير وعقبال كل البنات وانا مبسوطه ااني لقيت حد من المنصورة وانا تحت امرك
انا بنصحك في كوافير حلو اوي اسمه جنتنياز عند برج السوسن المدام اللي هناك زوق خالص وتعرفي تتعاملي معاها والميكب هناك حلو ومن ناحيه شعرك بلاااااااااااااش فرد شعرك دي خليكي احسن مع حمامات الزيت وحمام الكريم بتبقى خطيرة وصدقيني هتبقى عروسه زي القمر من كله ومش عوزاكي تقلقي وربنا يتمملنا بخير وعقبال كل البنات وانا مبسوطه ااني لقيت حد من المنصورة وانا تحت امرك
ع
17-02-2009 | 07:37 PM
نسمه الجنه;8772131:
اهلا بعروستنا وربنا يتمملك بخير انا كمان من المنصورة وفرحي في شهر 7 ومحتاره حيرتك
انا بنصحك في كوافير حلو اوي اسمه جنتنياز عند برج السوسن المدام اللي هناك زوق خالص وتعرفي تتعاملي معاها والميكب هناك حلو ومن ناحيه شعرك بلاااااااااااااش فرد شعرك دي خليكي احسن مع حمامات الزيت وحمام الكريم بتبقى خطيرة وصدقيني هتبقى عروسه زي القمر من كله ومش عوزاكي تقلقي وربنا يتمملنا بخير وعقبال كل البنات وانا مبسوطه ااني لقيت حد من المنصورة وانا تحت امرك
حبيبة قلبي اولا بشكرك اوي علي ردك علي موضوعي وشرفتيني والله
بس الموضوع ده كان قديم انا كان فرحي السنه اللي فاتت في 2008 وانا الان متزوجه يا قمر
انا بقي علي الدور اني انصحك اي حاجه تحتاجيها قوليلي وانا تحت امرك يا حبيبتي
والف مبروك مقدما