شفتو اللى حصلى انا خلاص تعبت

[size="2"]انا كنت كتبت مشكلتى من قبل وهى ان اخوات زوجى الاربع بيكسلو يغسلو ويبعتولى غسيل العيله اغسله لانهم غسالتهم عاديه وانا اتوماتيك

باختصار شديد وكلهم كبار اصغرهم 20 سنه وانا غير مستقره بشقتى لان زوجى مسافر

وبنات ردوا عليا وقالو مفيهاش حاجه واجرى على الله وبنات قالو انتى غلطانه من الاول كان لازم اعمل حدود اللى حصل انى كنت ناوية اخد بالرأى الاول

بس امبارح وحده منهم طلعت الغسيل وانا في شقتى وقالتلى ماما بعتالك دول فقولتلها اوكى بس انا نازله دلوقتى لانى رايحه مشوار مهم واغسلهم بكره ونزلت

فحماتى قالتلى انا كل اسبوع هبعتلك غسيل تغسليه قولتلها عنيا بس ياريت ميكونش كتير كده والله البنت ماكانت قادره تشيله وقولتلها لان غسالتى حجمها صغير 5 كيلو وهما عيزنى اخلص الغسيل اول ما يطلع

ونزلت ولان منزل امى جنبهم وانا عيشه عندها لغاية ماجوزى يرجع بالسلامه لاقيت تليفون وحده منهم قالتلى ماما بتقولك اطلعى هاتى الغسيل احنا هنغسله قلتلها لا عيب الغسيل ينزل مش نضيف انا هغسله بكره

المهم خرجت ورجعت لاقيتهم اتصلو وعيزنى فاتصلت الاقي حماتى بترد تعالى دلوقتى حالا هاتى الغسيل فقلت لها ليه ياماما طب فهمينى في ايه قالتلى هوا كده مخى قفل المهم يمين شمال مفيش فايده ووحده منهم نزلت فقلت لها هوا فيه ايه قالتلى انتى ازاى تقولى لماما لو هطلعى غسيل يبقي شوية اقل من دول

وكانى ارتكبت جريمه وانتى لازم تعتذرى لانك محترمتهاش وكلام كتير وطبعا الانسه اللى طلعت الغسيل طبعا نزلت قالت دى قالت هتغسل بكره ومش فاضيه

والله من ساعتها وانا حسه انى هتجيلى سكته قلبيه والتالته اختهم تقولى النهارده ده لو حماتك طلبت منك طلب تعمليه غصب عنك لان احنا هنا بيت عيله بس احنا مش عايشين سوا ولو اخويا عرف هيكون في كلام تانى

المهم انا زعلت قوى من الكلام ده وكلمت زوجى وحكتله وقالى حقك عليا بس لازم تروحى لامى وتبوسي راسها وتفهميها وجهة نظرك دى في منزلة امك

وفعلا عملت كده لانى بموت فيه ومش عيزاه يزعل منى ابدا وقولتلها فين الغسيل ردت بسخرية السنه الجايه احنا خلاص غسلناه

فدلوقتى انا بجد تعبانه وقلت لازم افضفض لاصدقائى لانى برتاح اوى لما بتسمعونى وياريت تفيدونى اتعامل مع اهل زوجى ازاى لانى مش عرفه بجد اعمل اايه؟؟؟ واسفه عالاطاله