شو اخباركم ياأحلى حوامل وياأحلى أمهات .....حبيت اكتب هذا الموضوع عن التمره العجيبه في هذا القسم حتى ارد على استفساراتكم بشأن التمره العجيبه والي تيجي لي من الحوامل والي قربت فترت ولادتها والي تكون نفاس لانه كثير يتصلن علي يسالن عن فؤادها وعن مفعولها غير الي يسالني على الخاص سواء هنا في المنتدى او المنتديات الثانيه فقلت ارد على جميع الاسئله هذه بموضوع متكامل حتى ينفعكم .....
من الاسئله الي توصل لي كم الفتره الي تستخدمها النفاس وهل هي في البدايه تستخدمها او في نهايه الاربعين ؟؟؟؟
من الافضل النفاس تستخدمها طول الاربعين يوم او على الاقل 25 او 30 يوم الاوليه من فتره النفاس عشان عضلات الرحم تشتد والي تكون مرتخيه من عمليه الولاده وعشان جميع الاوساخ تنزل من الرحم وينظف الرحم بسرعه والبطن تنظف من الامساك والغازات الي يجي للنفاس ...
هل التمره فيها مواد تسبب البدانه ؟؟؟؟
لا التمره مافيها مواد تسبب البدانه فيها اعشاب مطحونه واعشاب حبوب تفيد المرأه بشكل عام.
هل استمر عليها على طول حتى بعد الاربعين يوم؟؟؟؟
لا مشئ لازم تستمرين عليها على طول كل حرمه هي بتعرف نفسها اذا خلاص مشئ محتاجتها لانه فيه حريم اجسامهم بسرعه تستجيب للاعشاب وفيه حريم اجسامهم بطئيه للاستجابه للاعشاب يبالهم اشويت صبر وعلى الاقل النفاس تستخدمها بعد الاربعين يوم دروه وحده او دورتين عشان تتاكد ان الرحم نظف عندها زين.....
هل لاسمح الله تأثر علي مستقبلن ؟؟؟؟
لا يااختي اذا مانفعتك مابتضرك باذن الله ....
هل تنفع للحامل ان تأخذ منها وقت الحمل؟؟؟؟
لا ماتنفع لانه فيها مواد محفزه احتمال تنزل البيبي...
هل تزيد من عمليه الاباضه ؟؟؟؟
هذا الشئ علمه عند الله بس بكل امانه فيه حريم بعد ماجربن التمره زادت عندهن الاباضه والله وأعلم هل هو من التمره زادت عندهن الاباضه بعد تنظيف الرحم او من شئ ثاني.....
هل التمره طعمها مقبول ؟؟؟؟
التمره طعمها زين وأكيد مقبول لكل وحده تحب الاعشاب والتمر والي ماتحب الاعشاب والتمرتعتبرها دواء لفتره معينه..
هل التمره تغني عن جميع الاعشاب الي تاخذها النفاس مثل اللهوم وغيره ؟؟؟؟
ايه تغني عن اللهوم لان التمره تحتوي على اكثر من 10 اعشاب منها الحبوب ومنها المطحون اهم شئ النفاس تبتعد عن الاشياء البارده والمشئ على البلاط والسراميك وتدفئي جسمها بشكل جيد وتبتعد في أكلها عن الاشياء اللزجه مثل الباميه والملوخيه وغيرها وتاكل من الاشياء الي تعوض الجسم عن الي فقده خلال عمليه الولاده ......
هل التمره أقدر أكلها على الريق؟؟؟؟
تقدرين أختي تاكلينها على الريق بس فيه البعض من النساء يوم أكلتها على الريق حست بغثيان وفيه البعض لا عادي لان بعض الاجسام ماتتحمل كميه الحديد الي في بعض الاطعمه وسبحان الله التمر من الاطعمه الي فيها نسبه حديد عاليه ...
كيف طريقة استخدام التمره ؟؟؟؟
عادي اختي كلي منها في فتره النفاس واجد من 6 ملاعق اكل وأكثر مع القهوه مع الماي مع اللبن حتى لو خلصتي العلبه في 3 أيام ...
طيب استخدمها في اي وقت ؟؟؟؟
عادي أختي استخدميها في اي وقت في الليل في الصباح بعد الفطور في الظهر مع الغداء في العصريه على حسب راحتك واذا انتي من النوع الي جسمه مايتحمل نسبة الحديد فعادي لا تاكلين منها على بطن فاضيه....
كم أحتاج علبه من التمر؟؟؟؟
النفاس تحتاج من 3 علب الى 5 او 6 علب على حسب أكلك للتمره والفتره الي بتستخدمين فيها التمره لان كل وحده يختلف أكلها عن الثانيه فيه حريم العلبه تجلس معاها 3 ايام او 4 ايام وفيه حريم اسبوع وفيه اكثر كل وحده على حسب أكلها للتمره....
هل للتمره فتره صلاحيه معينه ؟؟؟؟
لا اختي التمره مالها صلاحيه معينه بتجلس عندك شهور اذا حفظتيها بطريقة صح بعيد عن الحراره .....
كيف طريقة حفظ التمره ؟؟؟؟
الي مثلن تاخذ علبه وحده عادي تخليها برعا الثلاجه لانها بتاكل منها كل يوم والي بتستخدمها فقط في فترات متباعده تحطها في الثلاجه حتى تجلس طازجه عندها والي بتاخذ كميه كبيره تحطي العلب الي مشئ مستخدمه في الثلاجه حتى وقت الاستخدام وفيه حريم يحفظونها في الفريزر فعادي سواء في الثلاجه او الفريزر .....
العلبه كيف حجمها وكم فيها من التمر وهل هو حبوب او معجون؟؟؟؟
التمره العلبه فيها نصف كيلو وهو تمر معجون وليس حبوب والتمر المستخدم هو من اجود انواع التمر من الاحساء والقصيم وتمور المدينه المنوره.....
هل عادي استخدمها بعد ماربيت بااسبوع واسبوعين؟؟؟؟
ايه عادي اختي استخدميها لحد ماتخلصين الاربعين يوم وبعد استخدميها مع اول دوره وثاني دوره عشان تتاكدين ان كل شئ زين صار عندك ...
هل التمره تضر بالبيبي وقت رضاعته ؟؟؟؟
لا اختي باذن الله مابتضره حتى ان التمره فيها اعشاب خاصه بالغازات الي يعاني منها كل بيبي جديد في فتره الاربعين يوم فاباذن الله يوم بيشرب حليب الام مابتكون عنده غازات وايد ....
هل تنفع للبنات الي مشئ متزوجات ؟؟؟؟؟
ايه أختي تنفع للبنات اهم شئ تكون الوحده بالغه.....
هل تنظم الدوره ؟؟؟؟
ايه اذا كانت مشكله دورتك انه عندك أوساخ في الرحم وماتنزل زين فالتمره تعمل على تنظيف الرحم وتشيل الاوساخ والترسبات وبعد تشيل الالتهابات وتقلل من الافرازات والهواء من الرحم....
هل تخفف من الم الدوره ؟؟؟؟
ايه اختي تخفف من الم الدوره باذن الله فيه حريم وبنات جربنها وخففت من الم الدوره عندهن وكل وحده وطبيعه جسمها بعد وسرعه استجابه جسمها للاعشاب .....
هل التمره تخفف من حجم البطن؟؟؟؟
فيه بعض الحريم استخدمنها وخفت بطونهم وخاصه الي بطنها منتفخ من الغازات ...
هل التمره تضيق من قدام ؟؟؟؟
التمره يااختي ماتضيق من قدام بس تشد عضلات الرحم من الداخل الي تكون مرتخيه من النوم مع الزوج ومن عمليه الولاده وفيه تجربه موجوده في موضوع التمره عن وحده زبونه لاحظت ولاحظ زوجها التضيق...
وهل التمره مجربه ؟؟؟؟
ايه مجربه أختي وتقدرين تراجعين موضوع التمره الي في توقيعي وشوفي تجارب الزبونات سواء في منتدى عروس او من منتدى ثاني لانه من طبعي اني اي تجربه احصلها في موضوع التمره سواء في منتدى عروس او المنتديات الثانيه الي منزله فيها التمره انقل التجربه لجميع مواضيع التمره حتى تعم الفائده على الجميع والي شاكه في التمره تراسل العضوات الي مجربات التمره من منتدى عروس او المنتديات الثانيه وانا والله مالي علاقه بيهم غير انهم زبونات فقط .......
هذه الاسئله الي تذكرتها ياخواتي واذا اي وحده عندها سؤال استقبله بصدر رحب لانه وايد اسئله تيجي لي بس هذه الي تذكرتها في الوقت الحالي لانها اسئله مكرره واذا وحده عندها سؤال تساله هنا في العام وبرد عليها عشان الاستفاده ......
وبشان التجارب موجوده كثير تجارب في موضوع التمره العجيبه من أول صفحه الى اخر صفحه تقدرون تراجعون التجارب هناك في الموضوع والرابط موجود في توقيعي ......
وربي يسهل علي حملي وولادتي و على كل وحده حامل باذن الله .....:
واتمنى ياخواتي ترفعون الموضوع ولو بكلمه حلوه بارك الله فيكم