مغتربات ايطاليا اتجمعوا هنا

السلام عليكم و رحمه الله و بركاته....
ازايك اخيتي عامله ايه؟انا من مصر و اعيش بشمال ايطاليا في como يسعدني اني اكون اول المشتركين....كان نفسي القي من زومان تجمع لمغتربات ايطاليا...جزاكي الله خيرا

السلام عليكم ز رحمه الله و بركاته.....

غريبه هو للدرجه ديه مفيش مغتربين في ايطاليا.....مع اني بشوف ان في عرب كتير لما بنزل ميلانو ....
المهم...انا من مصر و من الاسكندرية خصوصا...ياه وحشتني اسكندريه اوي...في ايطاليا حاجات كتير مش بتعجبني....مفيش جالية مسلمة بمعني الكلمة...بصراحه كده مفيش جالية راقيه تحسي فيها انك تقدري تنضمي ليها....هو طبعا مفيش مسجد ب como فساعات بروح ميلانو....مع ان المسجد الميلانو كبير بس مفيش اهتمام بيه ياي شكل من الاشكال....يعني نفسي اعرف ازاي ندعي الناس للاسلام و لما يدخولوا المسجد هيعرفوا الاسلام غلط من شكله و عدم الاهتمام بيه.. علي فكره انا علي الحدود السويسريه عشان كده انا اقربلي اني اروح اصلي في سويسرا...بصراحه هناك جاليه مسلمة جميله تحبي تعدي معاهم و مسجدهم بيصرفوا عليه و مخلينه جنة فعلا...غير طريقتهم في التعامل ...عكس ايطاليا خالص.....و انا بصراحه نفسي ارجع بلدي تاني بدون رجعه لهنا تاني ....الدين و العادات و التقاليد....هي ايطاليا حلوة مش وحشه اوي كفايه بصراحه المناظر الخلابه الاول مفتح الشباك تبقي ادامي.... الناس بدواء يتعودوا عليه كمنتقبه....بصراحة ان كان في جاليه كويسه كنت حبيت اعد....بس طبعا انا و ديني لوحدنا فلازم افر بيه قبل مافتن....بس الحمد لله علي كل شئ.....تحبي تعرفي ايه تاني

انا مبسوطه جدا اني بتعرف عليكي ياسجي اناكنت فقدت الامل في اني الاقي حد رغم اني بشوف مصريين كتير بس يمكن ما يعرفوش المنتدي طبعا زي ما قلت قبل كده انا من مصر تحديدا من الشرقيه وهنا موجوده في vigevanoجنب ميلانو بس قوليلي ازاي انتي منقبه مفيش حدبيضايقك في المطارولا اتعرضتي لمضايقات من البوليس مثلا اصل لي واحده صاحبتي منقبه واتعرضت لمشاكل كتير واضطرت للاسف تقلعه لان البوليس كان بيوقفها في الشارع وهددها بالترحيل لانه كده هو ما يعرفش يحدد شخصيتها وكلام من ده وانا كان نفسي البسه لان مامتي منقبه وشكلها شجعني عليه وحبيته اوي عليهابس خايفه من اي قلق هنا عارفه في مسجد هنا بس صغير والرجال بس بيروحوا الستات لا بس في صلاه العيديين وده شئ مضايقني نفسي يبقي في هنا واحده داعيه تدينا دروس في المسجدولو يوم واحد في الاسبوع حاجه ترفه عن انفسناشويه انا في منطقتي في مصريين كتير جدا بس للاسف مفيش صحبه كويسه المكان كويس الحياه نضيفه ومنظمه وكل حاجه هنابتاخد حقها لكن ده لا يمنع ابدا ان الحياه هنا ناقصها اهم حاجه وهي الحث الديني العلاج والمستشفيات والدواء والدكاتره والاكل واللبس والاماكن الخارجيه كل ده شئ كويس وبيتوفر هنا حاجات كويسه بس طبعا ده كله لايساوي ريحه هوا مصر وجوها وناسها وليل القاهره وبحروجو الاسكندريه وشطها وشكل شارع بيتنا في الزقازيق ييييييييييييييييييييييييييييي حاجات كتير المهم انا متزوجه من اربع سنيين وعندي بنت سنتين وشهريين وولد عمره ثلاثه شهور وفرحانه انك اهتميتي طمنيني عليكي وقوليلي النقاب

السلام عليكم و رحمه الله و بركاته.....

ازايك يا ايمي....انا ليه خالتي و جدي بابا ماما في الزقازيق......بالنسبه للنقاب مفيش حد بيضايقني خالص بصراحه...و في المطار عاملوني بحترام.....انا اول مجيت هنا بصراحه الناس بدواء يبصولي كاني من كوكب تاني...بس انا مكنتش اهتم.....بالاخص العواجيز ....كل ميشفوني يقول في ما معناه( يا ماريا) و كنت بضايق انا و رزوجي من نظرتهم...بس الحمد لله دلوقتي مش بهتم خالص بيهم....انا كنت مقررة اني ان حصل مضايقه من البوليس عشان النقاب هنزل مصر....بس الحمد لله...انا فخوره اني لبساه و محدش يقدر يخليني اخلعه ان شاء الله ......انا بقالي سنه في ايطاليا و متزوجه من سنتين و معنديش ذرية..يعني منتظره بيبي في الطريق.. مفيش مصريين خالص و لا حتي عرب الا بسيط ممكن لان البلد الانا سكنه فيها صغيره و و قريبه من بلكون دا ايطاليا يعني فوق الجبال في منطقه اسمها(san fedeli intelvi )....بصراحه زوجي مبسوط ان مفيش عرب في منطقتنا بيقول بيعملوا مشاكل ملهاش لزمه فالحمد لله...مفيش مسجد خالص عندنا لان كمان معظم الهنا شيعه ...في كومو نفسها كل جمعه يتجمع العرب و يصلوا في جنينة....انتي خريجه ايه؟ و بتشتغلي هنا.....انتي بدائتي تتعلمي ايطالي ؟انا بتكلم انجليزي كويس بس للاسف مفيش هنا كورسات لتعلم اللغه الايطاليه....
انا خريجه فنون جميلة بس مش بشتغل عشان لبسه النقاب بس ده مش مضيقني في حاجه لاني مقتنعه ان عمل المراءة في بيتها....زي منتي قولتي كل حاجه حلوة هنا بس من غير دين بصراحه الحياة مش حلوة... انا فرحانه اني اتعرفت عليكي .طمنيني عليكي....

الله يوفقكم يالمغتربين

اناالحمدلله كويسه وربنايرزقك بالذريه الصالحه يارب فعلا لان منطقتك مافيها عرب كتير عشان كده النقاب مش مشكله لكن انا في مكان لا تتخيلي كميه العرب والمصريين خصوصا وفعلا دايما في مشاكل وارف ويمكن عشان كده البوليس دايما عامل قلق اناياحبيبتي خريجه كليه الاداب قسم اجتماع جامعه عين شمس اناكمان بتكلم انجليزي كويس بس بيني وبينك الايطالي نسهولي شويه انتي عارفه طبعا هنا الايطاليين مابيتكلموش غير ايطالي انجليزي لا واناهنا من اربع سنيين عشان كده بتكلم ايطالي كويس اتجوزت ومشيت علي طول مع جوزي بس والله ماروحت مدرسه ولامركز خالص اتعلمت من التلفزيون الايطالي وبقيت اكتب الكلام اللي اسمعه ولمايجي جوزي اسأله عن معناه ومع نزولي الاسواق والاحتكاك بالناس وشويه من جوزي اتعلمت وفادني وجود جاره لي سيرلانكيه ربنا كرمهاواسلمت وكانت قبل كده في البحرين بتكلم عربي خفيف والايطالي الاصل طبعا فكانت بتكلم معايا كتير لحد ما اتقنت اللغه انتي مواليد كام اناهشوف ابني بيبكي واكملك بعدين رجعتلك تاني عشان اقولك علي الشغل انامابشتغلش وده للاسف لان المرتيين اللي جالي فيهم فرصه عمل كنت حامل فطبعا ما ينفعش هستمر ازاي وفي طفل جاي اول عمل جالي مدرسه انجليزي ابتدائي واعدادي في مدرسه عربي يعني ادرس للاولاد العرب وجالي فرصه عمل تانيه مترجمه للعرب اللي ما يعرفوش ايطالي في المستشفي بينهم وبين الدكاتره بس كنت حامل ودلوقتي مابفكرش في الشغل لاني محتاجه وقت طويل عشان انظم حياتي و وقتي وحاسه ببعض التقصير في جوانب كتير في حياتي عايزه اظبطها ان شاء الله واقف علي ارض اصلب من دي شويه وبعد كده ربنايسهل علي فكره انامواليد1980 ان شاءالله في حاجات كتير نتكلم فيها مع بعض وان شاء الله نلاقي الصحبه الجميله مع بعض خدي بالك من نفسك

السلام عليكم و رحمه الله و بركاته.....

ازايك يا ايمي ؟اكيد البيبي مدوخك ربنا معاكي....انا الحمد لله بخير.....والله برافو عليكي انا حاولت اول مجيت ايطالي اني اتعلم من التلفزبون الايطالي بس بصراحه مكنتش بقدر اعد ادامه ....لاني كنت بستحي من المناظر الفيه ..و ما ادراكي عدم الحياء عندهم عامل ازاي...فطبعا كان نفسي يكون في كورسات لتعليم اللغه بس للاسف مفيش....زوجي حاول معايه و كنت بداءت اتعلم بس المشكله اني مش بحتك بالناس كتير....فطبعا البتعلمه بنساه...بس بفهم شويه من كلمهم لانه يشبه الفرنساوي لحدا ما...انا بعرف شويه فرنساوي...بس طبعا مش بعرف ارد عليهم........ههههههههههههههه......انا من مواليد 1983.....انتي ناويه تقيمي في ايطاليا علي طول ؟ بالنسبالي لا...انا متفقه مع زوجي علي كده لان انا من طبيعتي مش بحب الغربه عن اهلي .....بحب السفر بس كسياحه بس مش كاقامة.......ان شاء الله نبقي صحاب....طمنيني عليكي

عامله ايه يا سجي انا الحمدلله البيبي مخليني اشد في شعري مش مدوخني بس اسمه محمد دخل الشهر الرابع دلوقتي واخته ماشاء الله عليها متفهمه وجود اخوها وبتحبه اوي بس مشكلتي معاها انها عايزه تعمله هي كل حاجه وطبعا ده خطر اسمها انجي عمرها سنتين وشهرين اللي رحمني شويه من وجود طفلين ورا بعض في السن انها بتروح النيدو الحضانه يعني ده مخفف عني كتير وبيني وبينك لو مكنتش عارفه اني هوديها النيدو مكنتش حملت كده علي طول بس اكمني اتجوزت واعدت سنه ونص مفيش حمل فكنت عايزه اعملها تاني بسرعه عشان اطمن علي نفسي وكمان عارفه لما تجيبي اتنين ورا بعض بيكبروا مع بعض ويتربوا سوا والطفل الكبير يلاقي حد يلعب معاه مش يبقي وحيد وما يتعلمش الانانيه لان كل حاجه ليه هوبس صحيح هو تعب بس الصح كده وبعد كده الواحده تنظم شويه بس مش تحدد لانه حرام ان شاء الله ربنا يرزقك بالزريه الصالحه وتعملي كده والله ياسجي بالنسبه للاستقرار هنا لسه مش عارفه انا عن نفسي عايزه انزل استقر من دلوقتي بس للاسف جوزي مش راضي متعلق اوي بينا وخصوصا انجي بيقول لو نزلتوا مش هعرف اشتغل وهضطر انزلكم علي طول وشغلي هيبوز كمان هوهنامن عشر سنين وعنده شركه معمار ولسه ادامنا شويه علي ما نظبط امورنا ماديا ويقرر ننزل كلنا بس لسه الموضوع مفتوح ما تقفلش علي استقرارنا هنا وخصوصا ان عندي بنت وخايفه من حياتهم هنا قولي احنا جينا كبار هنا عارفين الصح والغلط وعدينا مرحله الاقتباس والتقليد والكلام ده لكن الاطفال موضوع تاني لسه بادري اوي ربنا يسترها يارب المهم تبقي طمنيني عليكي

السلام عليكم و رحمه الله و بركاته

ازايك يا ايمي؟ انا الحمد لله بخير...ربنا يعينك و تشوفي انجي و محمد ذرية صالحة.....فعلا المشكلة هنا في تربيت الاطفال....انا سمعت مشاكل كتير وم زمايل زوجي بالشغل....بنت واحد زميل زوجي تونسي زوجتة خايفة كتير علي بنتها تتصوري بتها عمرها 7 سنين و بتقول ان بتها بتيجي تحكيلها عن عن مزيلها و بيحكوا في ايه...بتقول بيحكوا في الحب و الكلام كله مش بسن الاطفال خالص....وواحد تاني مصري ابنه كان متعود ينام علي صوت القراءن و كان في زمله ليه في المدرسه دايما يقول عليهم مش كوييسن ..لما كبر شوية و اصبح في فترة المراهقه ..الاكان بيقول عليهم مش كوييسين بقي مخليهم صحابة ووالده دايخ وراه و خايف عليه....ربنا يعينه علي ابنه ...فعلا تربية الاطفال هنا صعبه....يس مش انجي صغيرة اوي انها تروح النيدو؟...انا عارفه انهم بيرعوهم كويس اوي حتي الاكل هم البيعملوه بنفسهم...بس هي صغيره اوي ...مش كان الافضل انها تروح و هي عندها 3 سنين؟....ربنا يخليك اولادك ....طمنيني عليكي ...و افتحي موضوع و نتكام فيه مع بعض....

نيالكم اتمنى اني اتغرب بس لو شهر احس بالاشتياق لاهلي
الله يكون معكم ويوفقكم

salaam alikom...
how are u amy? where are u all this time?hope u are ok...
take care of u self
salaam..............

salam o 3likoum ana maghrebia 3aiecha be italia f modena bs le asaf ma 3andich 3arabi akteb bih;ana 7aba ate3araf 3alikoum ana sarli bs 4chehor hena WE EL GHORBA sa3ba be el awel akid le ano daimen be3Id 3an el ahel .......

السلام عليكم و رحمه الله و بركاته...

اهلا بيكي اختيnajmat معانا هنا...انا من مصر...انا ساكنة بcomo ...هي الغربة في الاول صعبة.. بس واحده واحده هتتعودي متقلقيش هتلاقي مغاربة كتير في ايطاليا....و انتوا بطبيعتكم ما شاء الله عليكم هتقدري بسهوله تتكلمي ايطالي لانه قريب من الفرنساوي كتير....و اهلا بيكي معانا هنا ....و ان شاء الله انا و انتي و ايمي نكون اصحاب...مع ان ايمي متغيبه عننا بقالها كتير ان شاء الله تكون بخير....

ana bachekorek 3la radek keterr ana WE atemana 3an jad nekoun as7ab ;ana 3iecha hena ma3a zoji we 3am ro7 el corso itali 3ala fekra ana li kaman 2 ekhwat hena metzawejin ; enchalah alah yewafegna nakhod 3ala el ghorba ya rab.

:21_112: السلام عليكم ورحمةالله تعالى وبركاته مشكورين اخواتي على هذاالمنتدى اللى عالاقل يخفف عنا شوية غربتنا اعرفكم بنفسى: انا بنت مغربية عايشة فى ايطاليا فى مدينة ليتشي بدرس في جامعة اللغات من زمان ونابدورعصحاب عرب بس مش لاقية انا بعشق مصر موووت والله مش عارفة ليه ونفسي يبقالى صحبات مصريات والله ليا الشرف نفسي ازور مصر باي طريقةبحب لهجتكوا وطبيتكو وكل حاجة تخص مصر فرحت اوى لفراعنة بكاس افريقيا وحزنت اوي لتصرف الحضري بس انا مع مصر في افراحها واحزانها عموما ياحبايبي الي عايزة تعرف عليا اكثر اميلي هو :21_112:

السلام عليكم و رحمة الله و بركاته........

ازايك حكيمة الفراولة ؟ان شاء الله نبا كلنا اصحاب najmat و انا و ايمي و انتي.....اهلا بيكي معانا...ان شاء الله نكون اخوات في الله ....و انتي مدينه ليتشي في الجنوب؟اصل انا ساكنه في كومو...و مدينه قريبه من اسم المدينة الانتي عايشة فيها بس اسمها لكو....lecco....انتي هنا مع زوجك ؟و بقالك كم سنه في ايطاليا؟انا هنا مع زوجي و بقالي سنه و شهر ....بتقضي وقتك ازاي؟..

السلام عليكم...

ازايك najmat؟ ان شاء الله تكوني بخير...ما شاء الله يعتبر اهلك موجودين معاكي بما ان اخواتك معاكي...ده هيخفف عليكي كتير...و انا ذي مقولتلك انك هتقدري تتعلمي اللغة بسرعة و سهوله لانكم يا مغاربة ما شاء الله عليكم تقدروا تتعلموا اللغة بسهولة...اهم حاجه انك تحافظي علي حجابك و علي دينك كمسلمة و متتاثريش بيهم طبعا في ماعدا الحاجات الكويسة الممكن نخدها منهم.....انتي عندك اطفال؟ انا معنديش مستنية بيبي في الطريق...هههههههههه....عقبالك ان شاء الله...انتي ساكنة فين بالظبط في ايطاليا؟ انا مش بشتغل...ناوية تدرسي و تشتغلي ؟انتي مواليد سنة كام انا من مواليد 1983...طمنيني عليكي و احكيلي عن نفسك...

ahlan ana el 7mdolilah bekher wa7chetini enchalah ma yekounch el baby meta3ebek la walahi ana ma achtaghel bs adross el logha bs;we ma 3andich awlad lessa rabena ma raza9nich ;we ana 3aiech f modena hia madina be chamal italia . ana kebira menek be sanatin .

:21_104:السلام عليكن جميعا :21_104:

انا مسرورة جدا بوجودكم
اسمي ابتسام واسكن بمدينة اسمها بارما
:Y_hi_3::Y_hi_3::Y_hi_3: