نصحوني ما اشيلها واخليها تصيح، انتوا شتقولون؟؟

اللي اعرفه يا اختي..
انه ممكن تاخدلها كم يوم الين هي تعرف انه مهما بكيت انتي ما رح تشيليها فتقوم تسكت لحالها,,
بس هدا الاسلوب يبغاله صبر وقوة تحمل..
يعني اكيد قلبك يتقطع لمن تشوفيها تبكي..بس معليه سيبيها اول مرة..
تاني مرة ..
والين ما تسكت لحالها..
ولا تضعفي يوم وتشيليها لانها بترجع زي ما كانت ..

هدي من معلوماتي..
وبالتوفيق :)

اني قالت لي عمتي اني ما اعود بنتي على اني اروح لها مباشرة من تصيح، بس صراحة ما اقدر قلبي يعورني عليها...

ومن كم يوم اصرت اخليها ما اقوم لها الا اذا عصبت، بس تعصب احس قلبها بيوقف من القهر فأقوم لها،

انا عيل عكسج

كل الي في البيت ينازعني روحي لها .... و انا ما اعبرها ...و فعلا انا اشوفها اقل اليهال تصيح و ما تحتاج حد يشيلها 24 ساعه ... و لا لاصقه فيني ...

و كل يوم خليها تصيح شوي اكثر من الي قبله ...يعني اول يوم يوم بتصيع عدي لين 5 بالبطيئ ...و الي عقبه لين 10 و جذي كل يوم زيدي العد ...قبل لا تروحين لها لين تستوعب

اذا صاحت بس حطي ايدج عليها وهي في سريرها لا تشيلينها

و اذا صاحت واااااااااااايد شيليها بس شوي لين تسكت و على طووول رجعينها لا تطولين و انتي شالتها

و اذا ساكته ابدا لا تشيلينها لا انتي و لا اي انسان ثاني

و اهم شي اليل اتم في سريرها لو شو ما تسوي ...بس ترضع و ترد لسريرها عمرج لا تخليها ترقد على سريرج ممنوووع

و الله يعينج و يصبرج و خاصه انه متعوده عليج

ام شجاع خيتو ، انتي تذكريني بنفسي شبحان الله نفس أسألتك

بنتك بعدها صغيره مو معقول تتعود على شي ، هذا كلام الدكاتره حرام عليك بنتك بعدها ما كملت الأربعين أختي افتحي على المواقع لاأجنبيه و اقري فيها الطفل قبل ثلاث شهور لا تنظمي لا اكله و لا نومه و لا تقولي يتعود على شي

طفلتك بعدها ما تعرف شي من الدنيا غير انتي و ما تشم إلا ريحة حليبك و ما تريد إلا حنانك لا تحرميها منه

الكلام انك ما تعودي الطفل هذا للي عمره 6-7-8 شهور انتي بتعرفي من بكاؤه انه يتدلع

و انتي الحين صدرك يجيه الحليب علشان بنتك و هي ممكن تحتاج ترضع كل نص ساعه رضعيها حرام لأنه معدتها صغيره جدا بسرعه تفرغ كل ما رضعتيها منك بهالفتره بيزيد حليبك بإذن الله

و بعدين ممكن يكون عندها مغص

كل اللي تقدري عليه انك تحطيها في ماي او مغطس دافي و تسوي مساج بزيت الزيتون لبطنها او انك تشيليها و تمشي فيها علشان تنسى الألم و تنام بهدوء

صدقيني بنتك ما ببتعود

لا تحرمي نفسك و لا بنتك من الحنان
هالفتره انتوا الثنتين محتاجين لبعض

و هاي و الله مو نصايحي نصايح متخصصين انا ما خليت حد ما لجألتله في الإمارات و بره الإمارات عرب و أجانب

انا عودت ولدي من جبته والحمدالله ماتعبني

بس انتي حالتج غير

انا اقول خليها تتعود شوي شوي بس لاتصيح واااااااايد مب زين ينتفخ سرها

<<<<<<<<<<<<<<<<< مال أول

والله يعينج التربية صعبه

انا اتفق مع الاخت مرمر في شغله

شيلي بنتك و رضعيها و نيميها و بعدين لا تظلي شايلتنها حطيها لكن مو معقول انها تبكي المسكينه و انتي ما تعبريها اصلا قلبك نا بيطاوعك ِ

حرام عليج بنتج صغيره انا قلبي عورني عليها

ممكن تعودينها لاكن على عمر 6 شهور

لاكن قبل لاصعبه حرام

شخبارش خيو ام شجاااع ...احس في قلبش منفطر على نجد لكن اللي داخل قلبش والاشياء اللي تسمعينها تخليش تحتارين ....الله يعينش ...الحياة وجهااات نظر واراء مختلفة ....بس اعتقد انها توها صغيرة تحتاج ليش وهاذي هي الامومة وهذا اللي ندفعه احنا وما يقدرون عليه ازواجنا حتى الله سبحانه وتعالى يهيأ الام قبل الولادة للسهر واكيد لاحظتين انش ما تقدرين تنامين في اخر فترة في حملش ...بس ماعليه مع الوقت بصير كل شي احسن والله يخليها ليش يارب .....
اني ولدي ما انتظم نومه الا بعد السنتين تخيلي ! وكنت اسهر معاه وفي الليل يقول يبي اشياء صعبة ساااعات مثلاا يبي يطلع اربع الفجر او يبي ياكل سمج ....فالبيبي يختلف من واحد لواحد ومن عمر لعمر

يا الله ام نجد لا تسوين جذي ببنتج

حرام توها شو تعودينها

انا مع الاخت ريم بعد الثالث ممكن تعودينها

احضنيها واعطيها كل الامان

هي بروحها متوترة عالم جديد عليها وتبغي الحضن والدفء

انا ولدي كان يصارخ من غير سبب واحيانا اعصب من الضغط النفسي تقوم امي تشيله بس تحضنه اشوفه يهدأ وينام

يعني مو شرط صياح بسبب جوع ....................... ربي يحفظها لك بس انا مو مقتنعه ان الطفل يتدلع بها العمر

امهاتنا يقولون لا تعودوهم على الحملان (( الشيلة على قولتكم )) وشو كمان يقولو (( ابن ليلته بيعرف شيلته ))
والاطباء يقولو لا تخللو الطفل يبكي كثييير عشان ماتنفتئ سرته

والله احترنا بس حرام لساها صغيرة ومغص الثلاث شهور ما يخليهم يهدئو
انتي رضعيها وشبعيها وغيريلها الحفوضة وحطيها بسريرها بكيت استني خمس دقائق اكثر لاء حرام
شوفيها اكيد مدايقة من شي

والله مادري شاقولك يام شجاع

انا ولدي عمره 3 شهور و20 يوم وبصراحه رافع ضغطي احس انه يبكي من غير سبب بس يتدلع واول مانشيله يسكت والحين المربيه بتروح بكره ومالقيت حد بدالها ومادري شسوي معااه خصوصا الجو الحين ماينطااق وماينفع اطلعه معاي لاي مكاان

وانا متعوده اطلع ولا يصيبني اكتئاااااااااااااااااااااااااااااااب

والمشكله الثانيه انه مايحب الازعاج يصير يبكي اذا طلعته معي لاهلي او لاي مكاان فيه ناس

من يومين وانا اخليه يبكي بسريره ماشيله على طول الا اذا حسيت انه خلاص وصلت معه اشيله

احيانا يبكي وهو نايم احس انه مفزوع بعدين يرجع ينام دققتين بعدين يبكي مادري ليش ؟؟

مع اني اقرا عليه واسمي اذا حطيته بسريره

حبيبتي هي الفترة تكون جدا حساسة عند الطفل والي ماينشال وقت مايصيح مايحس بالامان ويضل طول عمره مب مستقر وصياح لانه يحس كل مايصرخ محد له انت خلي نفسك مكانه تستغيثين وحد يجيش لازم تهدينها تحضنينها بوسيها وحتى ربشي وياه كانه كبيرة ترى يفهمون الياهل وبيون الي يكلمهم ويناغيهم واذا هم كملوا الاربعين فهي راح تبدي تتبسم ويماحلى ذيك الابتسامة لا تضيعين على نفسك هي اللحضات تذكري بكرة تكبر مابترضى تخلينها في حجرك

اذا بدات بنتك بالبكاء تاكدي من هذي الاشياء حتى لا تحسي بتأنيب الضمير ..
- انها مش جوعانة
- الحفاظ عندها نظيف ..
- انها مش مريضة او تعاني من المغص ..
- انها مش عطشانة ..

اذا تأكدتي ان كل هذي الاشياء سليمة ، حاولي انك تتغاضي عن بكاءها ولا ترفعيها من السرير في اشياء ممكن تساعدك ان تخفف من بكاء طفلتك وهي محاولة اشغالها بشي مثل الالعاب او اللعبة الي تكون فوق السرير مع الموسيقي او الكرسي الهزاز حق الاطفال اما في الليل اتركيها ولا تحمليها لو بدا الموال .. الان وهي صغيرة احسن تعوديها الان كل ما تكبر والموضوع يزداد صعوبة .. ممكن يأخذ وقت طويل وممكن بعد اسبوع كل شي يصير تمام ... بس اهم شي المواظبة على نظام واحد كل يوم .. ولا تكسريه مهما حدث ... كل ما تكسريه انتي باتكوني تعذبي في بنتك اكثر .. كل ما واظبتي على النظام هذا ، كل ما تبدأ تتعود بصورة اسرع ..

وسام احتاج مني 7 ايام حتى اعوده على النوم في الليل ... ويختلف من طفل الي اخر

ريم81;4987447:
ام شجاع خيتو ، انتي تذكريني بنفسي شبحان الله نفس أسألتك

بنتك بعدها صغيره مو معقول تتعود على شي ، هذا كلام الدكاتره حرام عليك بنتك بعدها ما كملت الأربعين أختي افتحي على المواقع لاأجنبيه و اقري فيها الطفل قبل ثلاث شهور لا تنظمي لا اكله و لا نومه و لا تقولي يتعود على شي

طفلتك بعدها ما تعرف شي من الدنيا غير انتي و ما تشم إلا ريحة حليبك و ما تريد إلا حنانك لا تحرميها منه

الكلام انك ما تعودي الطفل هذا للي عمره 6-7-8 شهور انتي بتعرفي من بكاؤه انه يتدلع

و انتي الحين صدرك يجيه الحليب علشان بنتك و هي ممكن تحتاج ترضع كل نص ساعه رضعيها حرام لأنه معدتها صغيره جدا بسرعه تفرغ كل ما رضعتيها منك بهالفتره بيزيد حليبك بإذن الله


و بعدين ممكن يكون عندها مغص

كل اللي تقدري عليه انك تحطيها في ماي او مغطس دافي و تسوي مساج بزيت الزيتون لبطنها او انك تشيليها و تمشي فيها علشان تنسى الألم و تنام بهدوء

صدقيني بنتك ما ببتعود

لا تحرمي نفسك و لا بنتك من الحنان
هالفتره انتوا الثنتين محتاجين لبعض

و هاي و الله مو نصايحي نصايح متخصصين انا ما خليت حد ما لجألتله في الإمارات و بره الإمارات عرب و أجانب

كلامج صح يا ريم 100%

وحبيبتي ام نجد ترا البنت بعدها صغيرة وما تفهم

الحين اهتمي بها ولين كملت 6 شهور بيبين لج متى تتدلع ومتى تصيح لانها تبي رضعه او لانها تعبانه

عساج على القوة

واااااااااااي عورتي قلبي لانها بعمر ولدي وولدي نفس الشي يصيح يبيني اشيله

انا من رايي لو انتي ماترضعينها من صدرك انك تشيلينها وقت الرضعه وتضمينها بحنان لان الطفل محتاج لصدر وحنان امه لتحرمينها من الحنان ياقلبي عليها

أختى آنه كنت معودة ولدي من البداية أني ماشيله وكنت أخليه بسلته، صح قلبي كان يتفطر ولدي أخليه في حضني على طول (تعرفين أول بيبي تكوني طايرة فيه وتبين تمارسين الأمومة من الخرعة) بس والله كنت أرضعه وارجع أخليه بالسلة وماكنت أشيله بكل وقت،، فتعود من البداية على هالشي، والله حتى بالسيارة من 3 شهور وهو يجلس بالكرسي عمره ماتعود على اليد في السيارة،، صدقيني هالشي ماراح يخليك أم قاسية بالعكس ماراح تتعبين،، الله يخليها ويحفظها لج يارب.....

مشكورين يا بنات

والله ما تصدقون انها صارت تفزع من نومها وتصيح

وظلت ساعة كاملة وهي تصيح وانا احاول اهدي فيها وهي ماسكة صدري بقوة ومو راضية تخليني

اقتنعت بكلامكم خلاص ما راح اعذبها بس ما راح ادلعها

قبل 3 شهور حرام ما تفهم شيليها

و احتسبي الاجر

ريم81;4987447:
ام شجاع خيتو ، انتي تذكريني بنفسي شبحان الله نفس أسألتك

بنتك بعدها صغيره مو معقول تتعود على شي ، هذا كلام الدكاتره حرام عليك بنتك بعدها ما كملت الأربعين أختي افتحي على المواقع لاأجنبيه و اقري فيها الطفل قبل ثلاث شهور لا تنظمي لا اكله و لا نومه و لا تقولي يتعود على شي

طفلتك بعدها ما تعرف شي من الدنيا غير انتي و ما تشم إلا ريحة حليبك و ما تريد إلا حنانك لا تحرميها منه

الكلام انك ما تعودي الطفل هذا للي عمره 6-7-8 شهور انتي بتعرفي من بكاؤه انه يتدلع

و انتي الحين صدرك يجيه الحليب علشان بنتك و هي ممكن تحتاج ترضع كل نص ساعه رضعيها حرام لأنه معدتها صغيره جدا بسرعه تفرغ كل ما رضعتيها منك بهالفتره بيزيد حليبك بإذن الله

و بعدين ممكن يكون عندها مغص

كل اللي تقدري عليه انك تحطيها في ماي او مغطس دافي و تسوي مساج بزيت الزيتون لبطنها او انك تشيليها و تمشي فيها علشان تنسى الألم و تنام بهدوء

صدقيني بنتك ما ببتعود

لا تحرمي نفسك و لا بنتك من الحنان
هالفتره انتوا الثنتين محتاجين لبعض

و هاي و الله مو نصايحي نصايح متخصصين انا ما خليت حد ما لجألتله في الإمارات و بره الإمارات عرب و أجانب

(y)صحيح هالكلام

والطفل ما يبدا يتعود على الأم الا من 6 اشهر وطالع

ماعليش من كلام الناس توها صغيره والتربيه اكيد لازم تكون صعبه فيها ايام وليالي سوده وايام احلى من العسل
تحملي فيها ولا تخلينها تصيح وايد لأنه موب زين لها لا سمح الله يصيدها فتاق من كثر الصياح سمله عليها

والله يساعدش ويساعدنا