ابي اتوب ساعدوني قبل ما اضيع اكثر

السلام علكم ورحمة الله وبركاته ..

بنات ضاقت بي الدنيا وماعندي غير الله ثم انتوا .. اشكي له .. واتمنى تساعدوني ..

ماعرف من وين ابتدي ووش اقول لكن بحاول اختصر لكم الكلام بالشي المفيد ..

اولا انا عمري 20 وادرس بالجامعه .. لما كنت صغيره تقريبا عمري 5 سنوات تعرضت للتحرش الجنسي من ولد خالتي والحمدلله انها ماوصلت لفقدي عذريتي وقتها انا كنت طفله ماكنت اعرف الصح من الغلط وشنو يعني هالشي كبرت وكبر معاي اللي صار انا ماقلت لاحد ولحد الحين محد يدري بهذا الشي

في طفولتي كانت تمر علي ايام سعيده وحزينه وايام كثير احس فيها اني مهمشه من قبل اهلي صح اهلي كانوا يهتمون فيني ويحبوني بس كنت احس دايما ان امي وابوي يفضلون خواتي واخواني اللي اكبر مني انا كان يضايقني هالشي وحتى فكرت بالانتحار اكثر من مره بس خوفي من الله منعني

و بمرحلة المراهقه اهلي ما كانوا ياخذون رايي يعني كنت احس اني مو مهمه عندهم والمهمين بس خواتي واخواني اللي اكبر مني صاروا عندي صديقات سوء انحرفوا و اناانحرفت معاهم كانوا يكلمون شباب ويروحون يقابلونهم وحتى صلاة ما كنت اصلي !!(( الله يسامحني) انا اعترف اني كلمت بالتلفون لكن والله الشاهد علي ان ماعمري رحت وقابلت احد او سويت معاه شي وبعدين اهلي عرفوا باللي صار وتركت انا هالبنات بس حسيت بفراغ يملي حياتي ماعندي شي لا صديقات ولا احد يحسسني اني مهمه وذات قيمه وهنا جا دور النت صرت ادخل شاتات واتكلم واعبر عن اللي بخاطري واتكلم مع شباب بالبدايه بس بالنت وتعرفت على واحد وحبيته او كنت اظن اني احبه وقتها كنت مراهقه واول ما تعرفت عليه وكلمته انا رحت قلت لاهلي يمكن تستغربون بس وقتها انا كانت فيني جراءه غير عاديه رحت قلتلامي و ابوي اني تعرفت على واحد من النت واني احبه وماراح اتركه طبعا اهلي كانوا معارضين لهذا الشي وصارت مشاكل وفجوات بيني وبينهم واخواني وخواتي خاصموني محد يكلمني وكانوا امي و ابوي ينصحوني وانا مااهتم لهم مررت الايام واللي كنت اظن اني احبه خاني وانا ندمت اني كلمته وعرفت ان اهلي كانوا صادقين معاي وكانوا يبوني اتركه عشان مصلحتي ولانهم يحبوني بالبدايه حسيت اني رجعت لطريق المستقيم رجعت لربي وصرت اصلي وادعي انه يسامحني ويغفر لي ذنوبي .. بس كنت ولازلت وحيده الفراغ وعدم وجود الصديقات مؤثر فيني بدرجة كبيره صح اني تركت الشات بس رحت لشي اكبر وادهي منه .. بيوم (( كان هاليوم من قبل سنه وشوي ))كنت طفشانه شفت على جهازي برنامج البالتوك كان من زمان موجود بس ما كنت اعرف له .. قلت ادخله واشوف وش فيه .. وياليتني مادخلته .. تعلمت عليه وصرت ادخله كل يوم لا يروح بالكم بعيد ماعمري رحت لرومات العرض اللي فيه ولا حتى فكرت اعرض جسمي او شي من هذا القبيل .. مروا علي نلس وايد وتعرفت على اشخاص كثر .. وتعرفت على انسان ((وياليتني ماعرفته)) هو سعودي بالبدايه كنا اصدقاء عادي هو كان برى يدرس وكنت من اشبك لين مااطلع انا معاه تعلقت فيه بدون ماادري جاته فتره وقطع فيها النت لانه بيرجع السعوديه في هذه الفتره حسيت اني احبه ومتعلقه فيه لاخر درجه صار هو الهوا اللي اتنفسه وانا صاحيه و انا نايمه افكر فيه و اشتاق له لما رجع لسعوديه رجع للانترنت وصرنا نكلم بعض بالبدايه كنا مثل اول وخذنا ارقام بعض وصرنا نتكلم بتلفون و بالنت واعترفت له اني احبه بس هوز انسان طبعه جاف هو ما اعترف لي انه يحبني اول ماقلت له بعدين بيوم صارله حادث في رمضان وبذاك اليوم اعترف لي انه يحبني .. تمر علينا ايام حلوة .. وايام نتهاوش ونتخاصم فيها .. هو احيان كثيره يتجاهلني بالاخير انا وصلت حدي من تصرفاته وتخاصمنا لمدة شهر واكثر انا مااتصلت فيه و لا كلمته كان اصعب شهر مر علي لاني من قلب احبه ادري بتقولون وشلون احب واحد من النت بس هذا اللي صار .. من اسبوعين يمكن او اكثر هو رجع اتصل فيني وقالي انه مشتاق ومن هالاكلام .. وانا لاني احبه وكنت مشتاقه له رجعنا لبعض وتكلمنا وتفاهمنا .. بس مااستمر هالوضع رجعنا مثل اول انا هالمره خلاص تعبت مااقدر ابي اتركه ساعدوني واللي يخليكم .. ابي اتوب ماابي اكلم شباب .. ما ابي اسوي شي غلط وحرام احس اني بضيع .. احس اني بنحرف .. (( انا اصلي وادعي الله دايم يبعدني عن هالدرب)) احس اني ضعيفه مالي احد لا اصدقاء يوقفون معاي و لا احد ينصحني .. وارجوكم لاحد يرد علي بعتب ويزيد همومي انا اعرف اني غلطت وابي ارجع لطريق المستقيم لدرب الصح .. انا احتاج يكون معاي صديقة تواسيني وتفرح معاي احد بقربي يحسسني اني مهمه عنده اشوف خواتي عندهم صديقات يجون ويروحون ويطلعون معاهم الا انا جالسه بالبيت لحالي محد مفتكر ولااحد يسال عني ابي انسى اللي احبه ماعمري حبيت انسان مثله شسوي بنات؟؟

والله يرحم والديكم تدعون لي الله يهديني ويرزقني بالزوج الصالح ويرجعني لطريق الصواب ..

واسفه على الاطاله بس مالي غيركم ..

وجزاكم الله خير