تعبانة والله

السلام عليكم

حبيبتي اتوقع كلنا نحس بها الشعور

انا لما يجيني ها الاحساس اجهز اغراضه واوديه بيت اهلي لانهم يستانسون لما اخذه لهم فاحس اني مو مثقلة عليهم ويا اطلع او ارجع البيت اقعد عالنت او ارتاح اسوي اي شي المهم اريح روحي شوي

مره سويتها وخليته يوم كامل بس بصراحة كنت متضايقة كله احاتيه

وديه بين فترة والثانية بيت اهلك او اهل زوجك وصدقيني تتغير النفسية وايد

احنا بعد نحتاج لفترة تغيير نفسية ما فيها شي

وربي يحفظلنا ذريتنا ويرزقك كل محرومة باغلى شي

ياعمري ام عبود كلنا ترا نفس الموال

ونحط حرتنا في أزواجنا انا البارحة بعد نفس الشي

كل ما أذكر الشغلات اللي لازم أسويها الصبح أحمق زود!!

بالذات مثل ما ذكرتي هالفترة محرم والمشاغل والغياب عن البيت يكثر

وهونيها وتهون حبيبتي وعبادي لو تودينه ساعة للأهل بتحسين بشوق له

ولا بتعرفين تقعدين بدونه وانتي مثل ما قلتي تعصبين بسبب إبرة الحمل

وكلها فترة وتعدي وتشوفينه يكبر قدام عيونش والله يخليكم لبعض

دعواتي

اخت ام عبادي انه حاسة فيش تخيلي دوام طويل وارد البيت بس تبديل تفسيخ ظهري مكسور والله واطلع ابهم لين بيت عمي ومن بيت عمي للماتم يعني تخيلي معاناه وياهم وكل وحدة تسوي فيني دقة اكبر عن الثانية تدرين ياما صفعت على راسي وصرت اعصب عدل وانا اصلا من قبل كنت عصبية وخصوصا بداية الايام لا نوم ولا شي زوجي مثل زوجش يلومني لما يشوفني اعصب حتى يوم ثاني يتصل فيني من الدوام يقول لي والله عورت قلبي الياهلة يوم انك تهفهفي احسه ساعات احن مني على بناتي وانقهر بعد بس هالشي يعطيني دافع اني احاول احسن من نفسي شوي واضبط اعصابي

شوفي اختي اذا كنتي ساكنة في بيت عمش نزلي ليهم شوي وريح لا تقولين بيقولون فلتته ويش فيها خله يقولون قولي بسبح او اي شي عندي شغلة ضروريية ولا اصلا مايحتاج اعذار خليه عندهم وريحي وبجذي بتكوني اهدا وتقدرين تسيطيرين على الوضع عجل لو عندش مثل بناتي صيحات من الزين ويش بتسوين لازم تسوين كونترول على اعصابش حاولي لما تعصبين تطلعين حرتش في اي شي تدرين انا شاسوي اشي اي غرض واقطه اغلب شي ثياب اطلع حرتي وارجع عادي خخخخ

الله يعينج أم عبدالله... شوفي إذا أحد من خواتك او أهلك يقدر يمسكه وروحي بهالوقت الصالون أو سوي مساج او روحي طلعة بس مع ريلج،، بتحسن والله طول مو أنت بعيدة عنه بعد راح تشتاقين له...

الحين آنه لين حسيت طفشانة يوم الجمعة من الصبح اخليه مع زوجي وآروح الصالون، مرة حمام زيت، ومرة بديكير و بعد الحين الإجازة يايه طويلة باخليه وباروح الصالون أسوي لي شي،، أحس أني أرتاح بعدها....
جربي هالشي، وشوي شوي عليه المسكين حبيبي توه صغير، عيل لين زادوا العيال شنو راح تسوين....

السلام عليكم ورحمة الله وبركاته..
صادقة والله .. تصدقين امس بالليل صادتني نفس الحالة ضيقه خلك وملل من الحنه وصياح ولاني طول الوقت كله بالشقة ما طلعت رحت للماتم لانه بنتي مريضة والحمد الله توها صايره اوكي.. تعرفين شغله لريال دايم يقولون لا تعصبين ولا تصرخين لانه ما يقعد مع الياهل كثر الام .. يعني مدة بسيطة ياخذه وبعدين الام تتحمل كل شئ.. ممكن تعطين ولدك لابوه ياخذه ويايه لو فترة بسيطة .. تخليه مع ابوه وتروحين مشوار او زيارة يعني حاولي تغيرين جو.. وانا اليوم بسوي نفس الشئ بطلع بروح الماتم العصر ويا بنتي لاني خلاص ضاق خلكي ممكن لين رحت شوي تخف زنتها وصياحها..

باقي الامهات ما قصروا معاك

و كلنا مرينا بهالظروف بس فترة و تعدي صدقيني

الله يحفظهم من كل شر امين

مشكلتش نفس مشكلتي

اصدقين كل يوم في الليل تقعد بنتي 5 مرات

اعطيها الماي ما تشربة بس اتريد الالمرضعة اتكون في حلقها و اظل نصف ساعة ظهري يتكسر علية

و بس احسها نامت اخليها اترد اتصيح و ارد اشيلها هذي سالفتي و ياها و ساعات اوصل هذي اقوم اضرب على

وجهي من حرتي

تقدرين اتخلين عبادي في بيت اهلش و تطلعين ويا زوجش تسوقون و بعدين اتروحون المطعم

نفسيتش بتنفتح

بس اكيد كل شوي بتحاتين و تتصلين فيهم

و ساعات اذا اوصل حدي اخلي بنتي و يا زوجي و اروح الغرفة و اقفل الباب و اخلي اللحاف فوق راسي

علشان لا اسمع شي و انام نص ساعة

جربي القتراحات

هلا اختي الامهات ترى كلهم جذي جوفيني انا مع ان اعيالي اكبر من ولدج عبودي لكني والله المعاناه نفسه سواءا كانو صغار والاكبار عندج انا عندي بنت وولد بنتي عمرها سنتين وولدي اربع سنوات لكني جني مكينه ولا ارتاح حتي في ارقادي ماتهنه فيه مثل امس بنتي امس مارقدت الا2نص ورقدت وياها واليوم الصبح قعدت الساعه خمس الصبح صليت وسويت الريوق وبرزت ثياب ولدي وزوجي علشان من يقومون كلشي بارز وعقب ماتبرزو وراحو ....قلت بغسل لثياب وبعدل الشقه وبغسل لماعين مدام بنتي راقده وخلصت شغلي عاى الساعه 10 الا ربع وعقب ماخلصت من الشغل قلت باخذ لي غفوه قبل لاتقعد بنتي ..توني حاطه راسي ماخذ لي نص ساعه الا بنتي الصيح وسويت روحي راقده علشان لي شافتني راقده بترقد يمي لا مصممه الا تقعدني والله احتريت عليه وزوجي كل ايقولي انتي وايد اتعصبين على اليهال والله لين ايي ابوهم من الشغل شوفي اشلون اراكضون جنه ياي من السفر وانا لو اغيب اليوم كله وارد محد يعطيني وي ودايما زوجي ايقولي انتي وايد اتعصبين عليهم من جذي مايونج ...........انا احس ان حياتي كله لويه وازعاج وحالي حالج حبيبتي لاتقولين اللي عنده واحد بترتاح لو يكبرون بعد مانرتاح هاي سنه الحياه وانا اشوف ان لو اتخلينه عند امج وتطلعين اتسوقين او تطلعين ويا زوجك اتغيرين جو ترى وايد بترتاحين .....لانه احنا الامهات نحتاج حق فتره بسيطه للسترخاء وانتي بعد ذكرتي يمكن من الابره وهاي بتكون تغير في الهرمونات من جذي اتخليج على طول متنرفزه .......وقد ماتقدرين من اشوفين ولدج راقد رقدي وياه علشان لو مارقد في الليل لتكون امهيا نفسج وياه ...وغيري وقت ارقاده حاولي انج اترقدينه وياج وتقعدينه وياج علشان ما تتعبين والله يخللي عبودي لج وتحملي فيه ...........

كلنا مريييييييييينا بهالفترة ام عبادي صدقيني وانا بعد مثلج عصبيه وزوجي يشتغل دوام طويل يعني يطلع من الصبح ولا يرجع الا المغرب والليل ما يقدر يساعدني لانه تعباااانه ويبي ينام علشان يقوم من الصبح .. وانا كنت موقفه دراسه سنة كامله وطفلين اثنين ولا عندي احد يساعدني عليهم ولا عندي سيارة اطلع بهم مكان ومرت فترة كنت ابكي فيها يوميييييييييا واعصب عليهم وتخيلي وصلت لمرحلة ان اضربهم وحسيت باكتئاب حاااااااااااااااااااااااااااااااد وادعي عليهم وعلى عمري ووووو ............... واشياء ما تتخيليها تعب نفسي وجسدي وخصوصا اني ما احب اخلي عيالي عند احد سواء من اهلي او اهل زوجي واطلع او شي فكانوا معاي على مدار 24 ساعه ما افارقهم ..

والحمدلله على كل حال ،، مثل ما قالوا البنات فترة وتعدي فعلا .. الحين عيالي كبروا شوي وانتظم نوم الصغير وانا ادرس يعني اطلع واتركهم شوي ،، اضافة الى ان يوم الجمعه ساعات اخليهم عند ابوهم وانا اروح ازور الاهل خفيفة بدون يهال ..



حاليا اذا ممكن تتركينه عند الاهل وتغيرين جو سويها ،، انا ما كنت اقدر اخليهم واطلع عنهم لكن احيانا اروح عند اهلي اغير جو لانهم هناك بياخدون عيالي واقدر ارتاح اضافه الى التغيير والسوالف ههههههههههههههههههههه
حاولي بعد تخلين ولدج يتسلى بشي يلهيه عنج شوي ،، مثلا التلفزيون او القصص او الالعاب حتى لو فترة بسيطة على اساس تتنفسين شوي..

ولا تنسين تكثرين من العباده لانها تهدي النفس وتخفف الاكتئاب والعصبية ..

وعن ابر منع الحمل انا طلبتها بعد ولادتي الثانية من الدكتورة فقالت لي ما انصحج بها ،، اختاري بين الحبوب وبين اللولب ..فأكيد سلبيات هالابر كثيرة .. واذا تحسينها مو مناسبتج فغيريها فورا وان شاء الله الدورة تنزل وترتاحين ..


والله يهدي الكتاكيت ويهدينا معاهم ..

سمعيني ام عبدالله دكرتيني بروحي اني عندي بت و ولد اول ما جبت البت عقب ماكملت سنة حملت عليها واني من النوع الي نساتي صعبة كلش يعني ما اقدر حتى اقوم من التعب وبتي كانت لصقة جونسون ماتبي احد كلش يعني حتى لو بروح مشوار بدونها لمدة 3 ساعات تقعد اتصيح في بيت اهلي طول مدة ما اني غايبة عنها وكانت نفسيتي تعبانة كلش منها تنسيت عليها صرت ما طيقها وتمنيت الي في بطني يطيح وطول اليوم اصياح وبعض الاوقات اخليها عند ابوها واطلع بروحي ومن كثر ما اني تعبانة لازم اطيح دورة ويغمى علي ادا اطلع بروحي وكنت اياها مأساة كلش حتى في وقت الولادة اني اطلق في المستشفى وهم يقولون لي بتش فازعة الدنيا من الصريخ تبيش وعقب الولادة كانت تغار من اخوها واجد حزت النومة هي تبي تنام على ارجولي واخوها يصيح يبي يرضع فاني اخليها على ارجولي واخوها حاملتنه على ايدي ارضعة فكنت كل يوم اصيح على حالي وزوجي من الصبح الى اليل في الشغل ويجي يقول تعبان يبي ينام والحين كبروا اطفالي يعني الحين عمرها 3سنوات لكن بعد فيها عناااد كبير بس احسن من قبل ،فالحين اني كل سبوع يوم السبت اخليهم في بيت ابوي واطلع وية زوجي فترة نقاهة فشوية الحين اريح من فبل ، فهدي الفترة الي تعانين منها كل وحدة لازم تعاني منها والله يساعدش على هالايام دكرييني بديك الايام المرة الي عشتها

ام عبادي

كلنا بالهوى سوا عمري
الحين لان يمكن صغار كلش مو عارفين ليهم احنا عدل ولانفهم شيبون
لان علاي الله يحفظه ابدل حفاظته واكله وارضعه والعبه لين ما ادوخ ابي انام هو مايبي ينام
يعني تقولين حياته كل لعب يبي لين اتمللل هو مايتمملل وهو صغير ماله ذنب عمره عمر لعب
يعني لو بنقعد نقول له اسكت وبس وخلاص ماراح يفهم شتقولين لان بيكون كلام على الفاضي يكرون الخاطر مايفهمون لينا ولا احنا نقدر نترجم كل شي بقلبهم
وشوي شوي اقنع روحي انه بيكبر وبيهون كل شي

ودي اروح الصالون واخذ راحتي بديكير ومنيكير وما اطلع منه الا عروس بس شنسوي

حتى لو اتركه عند احد اقعد طول الوقت هناك احاتيه مع ان مااعطيه الا بيد امينه الا هي امي الا ربتني وتعبت علي وعمتي مسكينة ماتقصر وياه

وماجذب عليج لحين مو عارفة اوازن شغل البيت وعلاي صاير ينام وياي ويقعد وياي مايرضى ينام بسريره كلش
بس على كثر تعبه لي تصدقين لين اشوفه نايم احسه ملاك فديته واحن لفوضته شفتي شلون ههههه بسرعة يوحشني

ما اجذب عليج علاوي يجنني ويعصبني بعد ويبيني ملكه بس مايبيني انشغل عن شي ثاني الا هو بس
يعني نومته قليله كلش ماتتعدى الثواني تخيلي ؟؟ ماينام ولدي الا اذا شافني نمت
ولين مثلت النوم عليه ادوخ واتعب صدق واكمل هالنومة هههه
بس عارفة ان لو عصبت عليه مابستفيد ماراح يفهم راح يصيح ويطول صوته اكثر واخاف ممكن اصصادف فيه
فاثبت اعصابي

الله يعينك اختي و يعين كل الامهات
انا والله كتيير بحس هالاحساس و بقول لو امي جنبي كان ودّيت جنى لها عشان ارتاح منها شوي
وديها لاهلك و هم بيخففو عنك شوي

ماشاء الله ،، لما فتحت الموضوع الصبح كنت بكتب قصة حياتي كلها .. بس ماصار لي مجال .. !

و البنات ماقصرو و كل الكلام اللي بقوله قالوه و عرضو تجاربهم ..

و الله يجزي امهاتنا خير و يطول بأعمارهم ..

malaak;4969363:
السلام عليكم

حبيبتي اتوقع كلنا نحس بها الشعور

انا لما يجيني ها الاحساس اجهز اغراضه واوديه بيت اهلي لانهم يستانسون لما اخذه لهم فاحس اني مو مثقلة عليهم ويا اطلع او ارجع البيت اقعد عالنت او ارتاح اسوي اي شي المهم اريح روحي شوي

مره سويتها وخليته يوم كامل بس بصراحة كنت متضايقة كله احاتيه

وديه بين فترة والثانية بيت اهلك او اهل زوجك وصدقيني تتغير النفسية وايد

احنا بعد نحتاج لفترة تغيير نفسية ما فيها شي

وربي يحفظلنا ذريتنا ويرزقك كل محرومة باغلى شي

يسلمووو اختي على مروورج واني بعد افكر جدي
لكن المشكلة زوجي مابيرضى اعرفة
وحتى لو وديتة اعرف نفسي كل بحاتي
لكن بحاول وياه وبشوف

أحلى شوق;4969385:

ياعمري ام عبود كلنا ترا نفس الموال

ونحط حرتنا في أزواجنا انا البارحة بعد نفس الشي

كل ما أذكر الشغلات اللي لازم أسويها الصبح أحمق زود!!

بالذات مثل ما ذكرتي هالفترة محرم والمشاغل والغياب عن البيت يكثر

وهونيها وتهون حبيبتي وعبادي لو تودينه ساعة للأهل بتحسين بشوق له

ولا بتعرفين تقعدين بدونه وانتي مثل ما قلتي تعصبين بسبب إبرة الحمل

وكلها فترة وتعدي وتشوفينه يكبر قدام عيونش والله يخليكم لبعض

دعواتي

هلا عزيزتي
يسلمووو على المرور
وان شاء الله هالفترة اتعدي على خير

ام جعفرين;4969817:
اخت ام عبادي انه حاسة فيش تخيلي دوام طويل وارد البيت بس تبديل تفسيخ ظهري مكسور والله واطلع ابهم لين بيت عمي ومن بيت عمي للماتم يعني تخيلي معاناه وياهم وكل وحدة تسوي فيني دقة اكبر عن الثانية تدرين ياما صفعت على راسي وصرت اعصب عدل وانا اصلا من قبل كنت عصبية وخصوصا بداية الايام لا نوم ولا شي زوجي مثل زوجش يلومني لما يشوفني اعصب حتى يوم ثاني يتصل فيني من الدوام يقول لي والله عورت قلبي الياهلة يوم انك تهفهفي احسه ساعات احن مني على بناتي وانقهر بعد بس هالشي يعطيني دافع اني احاول احسن من نفسي شوي واضبط اعصابي

شوفي اختي اذا كنتي ساكنة في بيت عمش نزلي ليهم شوي وريح لا تقولين بيقولون فلتته ويش فيها خله يقولون قولي بسبح او اي شي عندي شغلة ضروريية ولا اصلا مايحتاج اعذار خليه عندهم وريحي وبجذي بتكوني اهدا وتقدرين تسيطيرين على الوضع عجل لو عندش مثل بناتي صيحات من الزين ويش بتسوين لازم تسوين كونترول على اعصابش حاولي لما تعصبين تطلعين حرتش في اي شي تدرين انا شاسوي اشي اي غرض واقطه اغلب شي ثياب اطلع حرتي وارجع عادي خخخخ

هلا اختي
بصراحة الله يساعدش
صدق التوام احليون
لكن تربيتهم وايد احس صعبة ومتعبة
لكن بعد حلوة
الله يخليهم لج ان شاء الله
ولا لا يفوتش
كنت من قبل افكر في توام
ولا قلت اذا هالمرة بغيت اتحمل
باخذ حبوب علشان التوام
ويوم شفت عبادي واشلون التربية
خلاص غيرت راي خخخخخخخخخخخ

رانيا البحرينية;4970140:
الله يعينج أم عبدالله... شوفي إذا أحد من خواتك او أهلك يقدر يمسكه وروحي بهالوقت الصالون أو سوي مساج او روحي طلعة بس مع ريلج،، بتحسن والله طول مو أنت بعيدة عنه بعد راح تشتاقين له...

الحين آنه لين حسيت طفشانة يوم الجمعة من الصبح اخليه مع زوجي وآروح الصالون، مرة حمام زيت، ومرة بديكير و بعد الحين الإجازة يايه طويلة باخليه وباروح الصالون أسوي لي شي،، أحس أني أرتاح بعدها....
جربي هالشي، وشوي شوي عليه المسكين حبيبي توه صغير، عيل لين زادوا العيال شنو راح تسوين....

شرفني مرورج رنوش
والله يستر لو زادوا العيال
لكن اني بعد كل اقول ان رب العالمين
لما يخلق طفل
يخلق كل شي معاه
الرزق و الوقت
الله كريم
ولا توصين حريص على عبادي
انتي لو اتشوفيني
لما اعرصب اصرخ علية وفي نفس الوقت
اقول لة خلاص خلاص ماما واقعد احظنة وابوسة
ماابي يحسس اني مااحبة:o

ملكة الصمت;4970264:
السلام عليكم ورحمة الله وبركاته..
صادقة والله .. تصدقين امس بالليل صادتني نفس الحالة ضيقه خلك وملل من الحنه وصياح ولاني طول الوقت كله بالشقة ما طلعت رحت للماتم لانه بنتي مريضة والحمد الله توها صايره اوكي.. تعرفين شغله لريال دايم يقولون لا تعصبين ولا تصرخين لانه ما يقعد مع الياهل كثر الام .. يعني مدة بسيطة ياخذه وبعدين الام تتحمل كل شئ.. ممكن تعطين ولدك لابوه ياخذه ويايه لو فترة بسيطة .. تخليه مع ابوه وتروحين مشوار او زيارة يعني حاولي تغيرين جو.. وانا اليوم بسوي نفس الشئ بطلع بروح الماتم العصر ويا بنتي لاني خلاص ضاق خلكي ممكن لين رحت شوي تخف زنتها وصياحها..

هلا حبيبتي
اي لازم اتروحين الماتم ووتعودينها
اني اول مارحت ويا عبادي
جنني لكن يومين والحمد الله تعود
بس خير عسى ماشر ويش فيها الصغيرة
الله يحفظها لج ان شاء الله

ابرار الجنة;4970649:
باقي الامهات ما قصروا معاك

و كلنا مرينا بهالظروف بس فترة و تعدي صدقيني

الله يحفظهم من كل شر امين

ييسلمووو على المرور اختي:)