وووينكم يا بنات البحررين تعالو ساعدو اختكم حلم السعادة

أختى الغالبية يتوجهون لمركز جنين للإخصاب بمستشفى إبن النفيس او المستشفى العسكري لأن دكاترتهم أكثر خبرة،، أنا ماعندي فكرة عن العيادات لأن ماروح الا المستشفى الأمريكي، ومرة رحت مركز جنين للدكتورة أسماء بس حسيت وايد تجاريين ومارتحت بس الغالبية يقولون يرتاحون منهم...

السلام عليكم ... احسن اثنين سمعت عنهم :

1- الدكتور أحمد بركات في مستشفى البركة دكتور يمدحونه وايد ت: 17727888
2- الدكتوره داليوال في مستشفى ابن النفيس يمدحونها بعد ت: 17828215

هلا حبيبتي انا ارسلت لج رقم المستشفى وكل شي اتصلي وقولي لهم يحولونج ع عياده النساء والولاده وقولي حق الموظفه الي بتكلمج انا ابي اخذ موعد عند الدكتوره فرح عن تأخر الحمل...وبس بيعطونج الموعد ورووحي وهناك كل شي بيقولونج...

طبعا الي تعالجت عندها واول مره اروح لها دكتوره فرح في مستشفى البحرين التخصصي وانتي شوفي قلبج حق مين يرتاح روحي والله يوفقج ويرزقج الذريه الصالحه المعافاه ياااااااااااااااارب..

مشكورين يا بنات ديرتي والله يرزقكم بالدريه الصالحه
يارب الله يعطيكم الصحه والعافيه يارب

العفوو حاضرين يالغاليه.........

هلو حبوبه

في مركز بنون بالعسكري متخصص بعلاج تأخر الحمل
اسألي عن الدكتوره ديانا ممتازه و بشهاده الدكتور عيسى أمين
ورقم مركز بنون : 17766990

بالتوفيق

ترى بالرياض مراكز ممتازه جدا سواء نسائيه ولارجاليه ان احببتي ان اعطيك ارقامها انا مستعده

لان انتي من البحرين ممكن مالك احتياج فيها

وربي يوفقك يارب

اختي الغاليه جربي عياده الدكتورة فكريه حريم اخواني علاجوا عندها ماشاء الله عليها شاطره واحملوا من بعد الله بعلاجاتها وانا هم حاليا اتابع معاها الله يوفقك

سؤال خارج شوي عن الموضوع..

اللي راحوا للدكتور أحمد بركات،، أستفادوا؟؟ وكم تكلفة الزيارات؟؟؟؟؟

احمد بركات مايعالج تاخر حمل بس يسوي عمليات يعني من اتروحين على طول يكلمج عن عملية

واني اتابع عن الدكتورة منى الشرقي وااايد شاطرة في مجمع الاستقلال

يعني أختى الدكتور بركات مايصلح لمشاكل عقم الرجل مثلا؟؟؟ أنا الحمدلله كل نتائجي سليمة وأنا كنت أفكر أخلي زوجي يروح له،، يعني مايصلح يروح له؟؟ عيل وين أفضل دكتور للرجل؟؟؟

دكتور زيد مدري زياد في مستشفى البحرين التخصصي والله يعلم بعد سألي عنه اكثر احسن

رانيا البحرينية;5007028:
يعني أختى الدكتور بركات مايصلح لمشاكل عقم الرجل مثلا؟؟؟ أنا الحمدلله كل نتائجي سليمة وأنا كنت أفكر أخلي زوجي يروح له،، يعني مايصلح يروح له؟؟ عيل وين أفضل دكتور للرجل؟؟؟

الدكتور بركات مايقبل يكشف على الزوج فقط يعني لازم يبتدي بالزوجه اولا وهذا شي ايجابي اذا كان كل شي سليم عندج تمام بس خليه يكشف ويتطمن واما عن زوجج اكيد راح يخبركم شنو العلاج اللي يناسبه بس هو دايما حلوله عمليات

دموع الكوثر;5006976:
احمد بركات مايعالج تاخر حمل بس يسوي عمليات يعني من اتروحين على طول يكلمج عن عملية

اسمحي لي غلطانة اختي .. مو على طول يتكلم بالعمليات
انا رحت عنده زيارة وحدة وبدأ بفحوصات لي وعطانا ورقة لفحص زوجي ولازم ياخذ موعد لفحص عينة في المستشفى نفسه
سووا لي سونار مهبلي (عنده دكتورة خاصة بسوالف الكشف .. مايكشف هو ) وعطاني اسوي تحاليل بالمركز الصحي يوم ثاني او ثالث من الدورة .. وطرشني العسكري لأشعة صبغة
وللحين مارحت اراويه النتايج


وبالنسبة لسؤال الاخت رانيا عن سعره :
رحت عنده زيارة وحدة من ضمنها فتح الملف وتكلفة السونار كلفني كامل 30 دينار

الله ييسر للجميع
ومنكم نستفيد

انه كنت اتابع عند الدكتور أحمد بركات

وسويت عنده العملية بس الله ما كتب أنها تنجح

دبحني باللأبر وما استفدت منه شي

اول شي يعامل المريض كلش زين بس بعد العملية ما عجبتني اخلاقه ما يكلمج عن سبب فشل العملية بس يسكت وما يرد على الأسئلع قال لي راح يكلف العلاج 1300 دينار وانه لين يومكم ادفع له اللحين اكثر من 1500 دينار دفعت صراحه ما عجبتني معاملته لأنه ما يقول الصدق يظل ساكت وبعدين لين تسألينه ما يجاوبك عدل

ما انصحكم اتروحون له انه انخدعت اول شي من الكلان عنه في المنتديات يمدحونه بس ما لقيت نفس المدح والمعامله عنده

حبيت أسأل من جرب الدكتورة ديانا في مركز بنون بالمستشفى العسكري ؟؟؟

وبالنسبه للأخت اللي تسأل عن زوجها أنصحها اتروح للدكتور عيسى أمين في مستشفى أبن النفيس

وايد زينوايقول لج بالصراحه كل شيء ا>ا انتي ما فيش شيء فالأفضل ان زوجك يفحص اهو لان اكثر الحالات اللحين في البحرين تاخير الحمل من الزوج

والله يوفقكم جميعاً

بريق الأمل;5014559:
اسمحي لي غلطانة اختي .. مو على طول يتكلم بالعمليات
انا رحت عنده زيارة وحدة وبدأ بفحوصات لي وعطانا ورقة لفحص زوجي ولازم ياخذ موعد لفحص عينة في المستشفى نفسه
سووا لي سونار مهبلي (عنده دكتورة خاصة بسوالف الكشف .. مايكشف هو ) وعطاني اسوي تحاليل بالمركز الصحي يوم ثاني او ثالث من الدورة .. وطرشني العسكري لأشعة صبغة
وللحين مارحت اراويه النتايج


وبالنسبة لسؤال الاخت رانيا عن سعره :
رحت عنده زيارة وحدة من ضمنها فتح الملف وتكلفة السونار كلفني كامل 30 دينار

ادري غناتي بس هو يتعامل اكثر شي ويا العمليات طبعا اول لازم يسوي فحص بعدين راح يخبركم وموفقه