ابي رد سريييييييع من احلى عروسااات ...>> حالتي حالة بليز طمنوني :(

:

: :الحياة حلوة: :

عروس جديدة

14-01-2008 | 02:10 AM

السلام عليكم ورحمة الله و بركاته ...

هذي اول مرة اشارك في المنتدى ...

الصراحة المنتدى اعجبني حيل و حسيت انكم اخوات و تفيدون بعض و حبيت انضم لكم :o

سؤالي اللي محيرني هو :

صار لي ثلاث سنين و نص ما حملت ...

و هاليومين تاخرت علي الدورة ...

و احس ببعض اعراض الحمل مثل غثيان - مغص الدورة ...الخ

و عملت تحليل منزلي و طلع خطين الاول واضح و الثاني خفيف :(

ما صدقت رحت للطبيبة سوت لي طبعا تحليل حمل (دم)

طبعا طلعت النتيجة و قالت لي حتى في الدم الخط الثاني خفيف ..:(

لازم تنتظرين اسبوع بعدين تجين مرة ثانية و نعمل لك تحليل ثاني عشان نتأكد :confused:

و انا صراحة ما ابي اعشم نفسي خايفة افرح و يصير مش حمل ...

و وش يصبرني اسبوع كااامل؟؟؟؟ :confused:

بس سؤالي هو :_

هل فيه احد منكم يا احلى عروسات ... صار لها مثلي انو تحليل الدم برضو مش واضح الخط الثاني ؟؟!!

انتطر ردودكم حبايبي و بلييييييييز لا تطنشوني مررررررة خااايفة (f)

:

: :الحياة حلوة: :

عروس جديدة

14-01-2008 | 02:47 AM

يؤؤؤؤؤ

ليش ما رديتو علي :(

اول مرة اشارك معاكم اتمنى تتفاعلون معاي :)

و تردووون علي بليييييييز

ه

هملووله بنت صوغان

مشرفة سابقة

14-01-2008 | 02:51 AM

دام ظهر فالدم انج حامل
بأذن الله النتيجه صحيحه
بس انتي ماسالتيها ليش تبغي تتاكد بعد ماظهرت النتيجه
يعني فش شو شاكه بالضبط ؟؟؟

ح

حلا أحمد

عروس متألقة

14-01-2008 | 02:56 AM

بما أن طلع في الدم ايجابي فبأذن الله حامل

بس أنتي لاتحاتين حبيبتي وخلي أملك بالله كبير

وأنتي صبرتي ثلاث سنوات فأكيد بتصبري أسبوع وانشالله الله يعطيك مبتغاك ياااااااااارب

:

: :الحياة حلوة: :

عروس جديدة

14-01-2008 | 03:03 AM

مشكووووورة يا قلبي هملولة عالرد ...

المشكلة انو الطبيبة قالت لي انو في الدم مش واضح يعني فيه خط خفيف جدا ..

يعني ما طمنتني انا حامل او لا ؟؟

تقولي بعد اسبوع تعالي ممكن هذا يكون بداية حمل و الهرمون نسبته ضعيفة

و الله مدري حيرتني حييييييييل و تمنيت اني ما سويت شي

لاني مابي افرح و اخر شي ما اكون حامل

قلقانة متى يجي الاسبوع الجااااي بسسس :(

:

: :الحياة حلوة: :

عروس جديدة

14-01-2008 | 03:06 AM

حلا احمد مشكوورة حياتو عالتفااعل معاي ..

الموضوع انو ما طمنتني على الدم يعني تقول مش واضح ؟؟؟

انا اللي اعرفه اوضح شي تحليل الدم يعني اما يكون سلبي او ايجابي ,,,, لكن الخط الثاني مش واضح ==> هذي جديدة :(

ماعليه تحملوني حبايبي بس و الله لا تلوموني ما ادري انا حامل او لا

ح

حلا أحمد

عروس متألقة

14-01-2008 | 03:40 AM

تدرين حبيبتي

أنا هالشهر تأخرت علي لأول مره 6 أيام وسويت تحليل منزلي وطلع لي خطين بس الخط الثاني خفيف مره

ويوم ثاني جاتني الدوره والله قعدت أضحك على نفسي

يعني أنتي أصبري أسبوع وروحي ولاتنسي تطمنينا

p

pink82

عروس جديدة

14-01-2008 | 03:43 AM

غريب التحليل كيف دم وخط خفيف؟؟؟؟؟

تدرين وش تسوين روحي بكرة لمركز او مستشفى معروف او اي مختبر واطلبي تحليل الحمل الهرموني او الرقمي يعني يقيس النسبة لو خفيفة حتى يبان الحمل قبل موعد الدورة بكم يوم

:

: :الحياة حلوة: :

عروس جديدة

14-01-2008 | 08:33 AM

انا و الله مرررة مستغربة فيه ناس قالوا لي يمكن الاجهزة عندهم فيها شي خربااانة يعني ما وضحت النسبة

و ما بغوا يقولون ان الاجهزة عندهم فيها شيء عشان كذا قالت لك ما وضح الظاهر شافتني غشيمة و ما عندي سالفة خخخخخ

الله يستر بس و يكتب اللي فيه الخير يااااا رب :)

و مشكوووورين حبايبي عالتفاعل معاي بجد حسيتكم خواااتي :)

الله لا يحرمكم من الذرية الصالحة و يهون على كل حامل ولادتها يا رب ...

ان شاء الله اول ما تطلع النتايج راح ابشركم ,,,,,

أ

أم لمااار

عروس ذهبية

14-01-2008 | 08:35 AM

الله يبشرك بالحمل أن شاءالله

×

× همسة براءة ×

عروس نشيطة

14-01-2008 | 11:18 AM

أختي أنا مريت باللي مريتي فيه حللت بالبيت وطلع لي خط خفيف ورحت المستشفى عملت تحليل دم وقالت لي عندش خط واضح والثاني ضعيف فقالت لي عندش حمل ضعيف.......ولازم تديري بالش على نفسش
لكن انا الله ماكتب ونزل من البداية..........
أهم شي نصيحة مني اهتمي بنفسش ولاتتحركي واجد ولاتحملي شي ثقيل.........وكلي فاكهة وخضروات عشان الهرمون حق الحمل يزيد.....
والله يثبته يارب.......
أختي انا بعد الأجهاض حملت على طول......وصار لي نفس الشي بس اهتميت بنفسي والحين أنا بالشهر الثامن........
الله يسهل عليش وعلي يارب...
وطمنينا

م

ماء الحب

عروس مشاركة

14-01-2008 | 12:09 PM

والله انا اول اسمع الدم وخط واضح والثاني لا
الي اعرف بالدم يافي حمل او مافي حمل
بس نصيحة سوي تحليل في مستشفى اخر ويكون تحليل الدم الهرموني بالارقام عشان تبان درجة هرمون الحمل

لان انا 3 اشهر ما نزلت عليي الدورة بعدها هذا التحليل بين ان انا مش حامل

ت

توتو

عروس مبدعة

14-01-2008 | 06:56 PM

يااااااااااااااااارب تكوني حاااااااااااااااامل وتنبسطين ان شاءالله
الصراحه انا رحت عند الدكتورة تقول الدكتور جهاز الحمل حق البيت مايكذب دام دورتك منتظمة وهذي اول مرة تغيب عليك فانشاءالله يحقق لك اللي في بالك

ا

الحبُ الكبير

عروس ذهبية

14-01-2008 | 07:54 PM

في تحليل البوول اذا طلع خطين والثاني خفيف يعني حامل والدم مدام طلع ايجابي معناه حامل بس يمكن عندج الهرموون خفيف اصبري حبيبتي وخلج مرتااااحه والله يفرح قلبج انشاء الله........ والف مبرووك مقدمااااااا...

ا

ام محمد 13

عروس ماسية

14-01-2008 | 08:34 PM

ان شاء الله حامل يارب وحياج الله معانه

ا

الرايقة

عروس نشيطة

14-01-2008 | 09:00 PM

انا مرة طلع لي تحليل الحمل المنزلي بنفس الشكل واحد خفيف والحمدلله طلعت حامل رغم ان تحليل الدم المفروض ما يكون فيه خطوط إما سلبي أو إيجابي وممكن تظهر النتيجة واضحة حتى لو من أول يوم بغياب الدورة عشان كدة احسن لك تعيدي التحليل في مختبر ثاني والله يرزقك بالذرية الصالحة .

س

سحوووبه

عروس جديدة

15-01-2008 | 12:14 AM

خليتيني انتظر النتيجه على نار اول ما تعرفين بشرينا

و انتبهي على عمرج و لا تتحركين من الفراش الا للضروره و الله يرزقج بالذريه الصالحه

:

: :الحياة حلوة: :

عروس جديدة

15-01-2008 | 04:32 AM

الله يجزاكم كل خيـــــــر اللي رديتوا علي ...

و يطمن قلوبكم حبوباتي ...

بس المشكلة اني مو مهتمة من حالي امشي و اتحرك كثير ....و الله ما ادري انو احتمال يكون حمل ضعيف ... الله يستـــر بس ,,,,

خفت و ربي .... الله لا يخيب ظني و رجاي ....

اللهم يا رازق يا كريم ... ارزق جميع العروسات بالذرية الصالحة ... و سهل على الحامل ولادتها .. آآآمين

أنا بروح ان شالله يوم الخميس اعمل تحليل بمستشفى ان شاءالله اول ما تطلع النتايج راح اقولكم ...

من جد حسيت اهتمامكم و تفاعلكم معاي كأنكم خواااااتي,,,, الله لا يحرمني منكم ....

ح

حلا أحمد

عروس متألقة

15-01-2008 | 04:37 AM

الله يفرح قلبك آآآآآآآآمين

ا

ام نيلا

مشرفة سابقة

15-01-2008 | 06:20 AM

الغالية

مبروووووووووووووووووووووك الحمل بعد هذه الفترة الطويلة وتحملي على عمرج عدل

لان في بداية الحمل الهرمون يكون ضعيف وبعدها يزيد ..

وان شاء الله خير ...

وربي يتمم فرحج بعد هذا الصبر