ابي وظيفة !!

أهلا بك أختي 11111....
حبيبتي ما في داعي للانحراف على شو يعني
خلّي املك في ربك كبير
و الحمد لله انتي عملتي اللي عليكي و الشغل هذا من عند الله و هي ارزاق مقسومة
حبيبيتي ممكن تعطي السي في لشركة توظيف و ان شاء الله يحصلولك وظيفة تناسبك
و ممكن ترجعي لهذا الرابط ممكن تحصلي وظيفة مناسبة من الاخوات القطريات
http://www.3roos.com/forums/t203668.html
اشكر ثقتك الغالية في المنتدى

انتي شنو تخصصج ؟؟ كيميا ؟؟؟ فيزيا ؟؟ أحياء ؟؟ رياضيات ؟؟

اذا كيميا قدمي اوراقج على كهرماء أو شركة الكهرباء والماء أو شركات الغاز ... ممكن مستشفى حمد ...



رياضيات جربي في بنك التنميه أو بنك الريان أو بروه ...
بس اذا فيزيا أو أحياء ما ادري .. بس اعتقد ممكن الاحياء في مستشفى حمد ...

أو قدمي اوراقج على المدارس المستقله يقبولنج اتوقع حتى اذا ماكنتي تربيه ...

الله يوفقج ان شاء الله ويوفق كل وحده تبحث عن الوظيفه

والله انا في وظيفه سكرتاريه والله اني اليوم قاعده اصيح وخاطري اطلع من الشغل

صج لين قالوا (( يود مينونك ليجيك اللي اين منه ))

الله يوفقك ويرزقك الوظيفه

بالتوفيق يارب
والحاااااال من بعضه

اختي موناليزاا .. اشكرج على الرد .. وليش سويتوا تعديل للموضوع ترا يعبر عن حالتي :(

بس انا ماقلت جذي الا وخلاااااص وصلت حدي .. على بالكم بس جي تخرج وحطيت الموضوع ,,طلعت عيوني ماخليت مكان مارحت مدارس .. المستشفى .. بنوك بس ابد صار لي سنتين من تخرجت ومالي حظ انا ما ابي اقعد لين يروح عمري وانا بالبيت فيني طاااقة مكبوته تخرجت وانا طايرة من الفرحه وعلى بالي كلش المستقبل مشرع ابوابه لي بس .. ابد كل يوم مثل اليوم الي قبله اقوم من النوم.. اكل.. اشرب.. العب على النت.. ارقد ..بس هذا برنامجي الابدي :(

احس اني استغفر الله في يوم من الايام بنتحر ..


انا وحده تعودت على الحركة ودراسة وبحوث وحياتي كانت زحمه زحمه الحين فرااااااااااااغ قاااااااااااتل >> اتكلم من صجي :(


يالله الشكوة لغير الله مذلة .........

كل الي شاركوني بالرد على الموضوع لكم جزيل الشكر والله يسهلها علينا جميعاااا

الحال من بعضه ...شهادات بالدولاب مكدوسه ..
الله يوفق الجميع يارب

طيب احمدي ربك ان جامعيه في النهايه

انا كان حلمي اخلص الجامعه لكن ( تجري الرياح بما لا تشتهي السفن )

و عندي شهاده ثانويه و ما اعتقد ان حد بيقبلني بها

حبيبة رائد انتوا بعد نفس الشي :(

لحول ولا قوة الا بالله ...

ما باقي جدامنا الا نحط بسطات ونترزق الله :(

*^"^* جاردينيا *^"^*;4974454:
طيب احمدي ربك ان جامعيه في النهايه

انا كان حلمي اخلص الجامعه لكن ( تجري الرياح بما لا تشتهي السفن )

و عندي شهاده ثانويه و ما اعتقد ان حد بيقبلني بها

ألف حمد وألف شكر ... بس هذا يا اختي هوووووو القهر بعينه جامعية ومن تخصص بيولوجي يعني مدري شلون اشرح لكم التعب الي حصلناه من ورا هالتخصص واحس كله على الفاضي .......

:confused:

حبيبتي 1111111111 والله حاسه في معاناتك لأني مجربتها وفاهمه وش كثر تحسين بالفراااااغ ..
انا مع ان عندي بنوته تاخذ اغلب وقتي الا اني احس بالفراغ.. لكن لاتيأسين دوري على وظيفة وان شاء الله ربي بيرزقك.

للرفع يمكن في امل !

السلام عليكم

اختي الغالية :

حالك مثل حال بنات كثير في هالزمن

يعني من بعد الدراسة و الروحة و الجية و عايشة لهدف و زحمة مواعيد الامتحانات و تقديم المشاريع .. مرة وحدة سكووووون ... و فراغ

ما ألومك

لفت نظري كلمة قلتيها ......

مالك الا تحطين بسطة !!!!! انتي فكرتي جد ؟؟؟ من صجك ؟؟ اذا انتي شايفة ان في الاخير محد بياخذ بيدك و لا حد بيحل مشكلتك غيرك .. ابدأي .. و حطي البسطة .. طبعا مو اي بسطة ..شوفي خطتي :

شاركي بمعارض تقام في المدارس ... شوفي مدرسة بنات كثري من سوالف البنوتات " علوك . مصاص . دمى " اذا اولاد " مسدسات . كور . سيارات "
و ..." تاجري "

فكري جديا ..

خلي في البداية ميزانية " 1000" ريال تقريبا " 500 " اجار المحل في المعرض و " 500 " بضائع منوعه ..

خذيها من ابوك " طول الله عمره " و لا من احد اخوانك و لا من " امك " عساها ذخر لك ان شاء الله

خططي صح للمعرض و ان شاء الله بتلاقين نفسك " شهر " قبل المعرض مشغوله " و شهر بعد المعرض فرحانه "
شهرين من عمرك و انتي تشتغلين و انتي شيخة نفسك

طلعة كل يومين تتشرين من محلات الجمله و يوميا كل صبحية طالعة للمعرض تبيعين و تشوفين ناس و مسوية فيها تاجرة صغيرة ...

انتي ما تبيعين .. شوفي خدامتكم .. خليها توقف و انتي تواصلي معاها بالتلفون


جربي على الاقل استخيري . و شوفي

ان شاء الله ربي يوفقك و تلقين شغل باسرع وقت