مشوره يابنات - منتديات عروس

n

noor oman

عروس جديدة

13-01-2008 | 09:33 AM

مرحبا امهات عساكم براحه

بغيت تشاركونى فى موضوع ,,, انا عندى ولد عمره 9 شهور ولحد الحين مابدأ يحبو ابدا وهالشئ مخوفنى واشوف الاطفال اقل من سن الى اهو فيه وبدؤوا بالحبو او يحاولوا , وبالطبع ذا بياثر عليه بالمشى وبالطبع بيتاخر بعد,,, وبعد سمعت ان الطفل تكون نسبة ذكائه اقل بسبب تاخر الحبو والمشئ عنده وهاذا الشئ زاد خوفى وقلقى عليه ... ارجوكم بنات اذا اى وحده تعرف شئ عن هالموضوع تفيدنى

أ

أم المهند

مشرفة سابقة

13-01-2008 | 09:55 AM

ما له علاقة أبدا في أطفال وايدين يتأخروا في كل شي

سواء في التسنين أو الحبي أو المشي ومو كل عيالك بعد سوا ..

ولا تربطي هالأشياء بمستويات ذكائهم

وخلي الطفل على راحته ساعة ما يبدأ يحبي راح يحبي بإذن الله

ر

ريم الدماني

عروس مشرقة

13-01-2008 | 10:01 AM

يمكن طلعله اسنان قبل ... انا سمعت اللي يطلعله اسنان يتأخر في الحبو والمشي ...

انا بنتي عمرها تسع اشهور في الثامن بدت تحبي ..

عادي ولا اتخافين ..

وثانيا هل ولدج مولود قاصر... خدج يعني ؟؟

!

! أنــثــى !

عروس ماسية

13-01-2008 | 10:06 AM

حبيبتي ،، تأخر الطفل عن الحبو او المشي مثلا ما نقدر نطلق عليه ضعف القدرات او تأخرها ، الطفل متى ما حب يحبي راح تشوفينه يبدأ يحبي ..

انا ولدي مشى مع تمام السنة الكاملة ، واجد اللي قالو لي المفروض يمشي قبل ،، 10 شهور تقريبا ! ..

الطفل ما تنحصر نشاطاته و تتقيد بعمر معين .. و ان شاء الله قريب بتشوفين ولدك يحبي ..

n

noor oman

عروس جديدة

13-01-2008 | 10:15 AM

ريم الدماني;4961733:
يمكن طلعله اسنان قبل ... انا سمعت اللي يطلعله اسنان يتأخر في الحبو والمشي ...

انا بنتي عمرها تسع اشهور في الثامن بدت تحبي ..

عادي ولا اتخافين ..

وثانيا هل ولدج مولود قاصر... خدج يعني ؟؟

ايوا اختى ماشاء الله طلعوله اسنان بنهايه الرابع ... واهو الحمد لله مو قاصر وزنه وصحته زينه

ا

الدمشقية

مشرفة سابقة

13-01-2008 | 10:30 AM

هلا اختي لا تخافي ولا تقلقي اصلا ممكن ما يحبو ابنك ما بتلاقيه غير مشي على طووول
في اطفال كتييير بعرفهم مشو من غير ما يحبو

وكل طفل يختلف عن الثاني ومدامك قلتي انه سنن فعادي يتاخؤ بشي ثاني هيك الاغلب اللي يصير مع الاطفال

وربي يحميلك ياه يارب

أ

أحلى شوق

عروس رائعة

13-01-2008 | 11:05 AM

الاخوات ما قصروا وكلامهم كله صح

لأن كل طفل يختلف عن الثاني فلا تقارنين بين ولدك والآخرين

ولا تحاتين وبتشوفين ان كل شي بيمشي تمام

ودام الحمد لله صحته زينة ووزنه تمام وسنن بعد ما شاء الله

يعني الحبي وتعفس البيت من وراه وسواد الركب لاحقة عليه

ومثل ما قالت اختي الدمشقية في أولاد ياما ما يحبون على طول يحاولون يمشون

والله يخليه ان شاء الله وتشوفينه معرس

ا

الخوافي

عروس ماسية

13-01-2008 | 02:20 PM

حبيبتي شي عادي لا تحاتين نص الاطفال يتأخرون عادي
أنا أذكر بنتي خالتي كملت سنه وثلاث شهور وكانت توه تمشي

وبنت خالي توه داشه التاسع وبديه تحبي شوي

يعني شي عادي لا تخافين

م

مناليزا

مشرفة سابقة

13-01-2008 | 04:32 PM

ما شاء الله طالعلو اسنان بدري
اسمع انه كدة حيتأخر في الحبو و المشي
الله يحرسه يا رب

ج

جمـــانة

مشرفة سابقة

14-01-2008 | 01:44 AM

الله يحفظه لك يا اختي... واضح الاخوات ما قصروا معاك...

وبكرة ان شا ءالله تجينا تشكي منه متعبك بالمشي والركض كل مكان ..ز