قصة ولادتي ب(بسمة)حياتي (((روووووعه)))

ر

رحيل الحياة

عروس مشرقة

11-01-2008 | 11:19 PM

قبل شهرين ونص تقريبا

يعني بتاريخ 26/10 رزقني الله بأحلى(بسمة)

وطبعا قصة ولادتي كلش حلوووووووووة
ولله الحمد

اول شي كان يوم جمعه وحسيت بشوية آلام قبل صلاة الجمعه وقعدت امشي ف البيت رايحه جاية واخت زوجي تسألني شفيج

اقولها شوية ألم

بعدها رحت اصلي وقعدت اقرأ سورة الكهف بس جاتني الام وما قدرت اقراها انا وقاعدة ونمت وكملت قراية,,,

وفجأة زادت الالام كل 5 دقائق تجيني تقلصات وانا امشي بالحوووش

وتهدا شوية وتجي مرة ثانية

وبعدها جات عمتي( ام زوجي) - الله يحفظها- وقالت ما ينفع المشي بالحوش وطلعتني ومشتني لحد ما حسيت اني بموت من الالم

ورجعت البيت وقرالي زوجي بماي ايات تسهيل الولادة ومسحت ع بطني بيه وشربت منه بعد

وسويت بعض تمارين تسهيل الولادة ( السهلة منها طبعا لأنه ذاك الوقت الوحده مافيها شده ع تمارين)!!

وقعدت عمتي- ربي يخليها- تمسح ع ظهري وكتفي

صراحة وايد ريحتني بالمساج

المهم الساعه 4 العصر رحت العيادة ولقت الرحم متفتح 4سم

وقالت بسرعه نقلوها المستشفى لأنها بكرية

بس عمتي قالت احسن تظلي بالبيت تحت عيونا عن نخليج بين ايادي الدكاترة( وجهة نظر)

المهم ظليت بالبيت تقريبا ساعه ونص وبعدين ما قدرت اتحمل قلت لزوجي خلاص ترى البيبي بينزل
واتصل زوجي بأمي_ أخيرا_ عشان تتجهز ع اساس تروح وياي

المهم طلعنا الساعه 5 ونص من بيتنا انا وزوجي وعمتي

متجهين الى بيت اهلي,,,,,,,,,,,,,,,

اقول بنات مو كأني وايد هذرت!!!؟؟

بعدين بكمل

خخخخخخخخخخخخخ بس عشان تتشوقوووووووووووووووون

لأنها فعلا مثييييييييييييييييييييييررررررررررره

يتبع.............

*

**روحي فداك**

عروس مشرقة

11-01-2008 | 11:23 PM

حركااااااااااااااااااااااااات عليج يا الله كملي
صدق والله الحمد لله على السلامه (g)ومبروووووووووووووووك(g) ماياكم ويتربا في عزكم إن شاء الله

يا الله عاد كملي حرام عليج:confused:

ا

البنت الدلوعة

عروس برونزية

11-01-2008 | 11:28 PM

ألف مبروووووووووووووك..

وكملي انا معاك :)

m

mazyo0onah_uae

عروس جديدة

11-01-2008 | 11:35 PM

الففففففففففففففففف مبروك ونترياج

ر

رحيل الحياة

عروس مشرقة

11-01-2008 | 11:56 PM

الله يسلمكم خواتي

وربي يبارك فيكم

وبكمل الباقي قريب ان شاء الله

لأنه بسووووووووووومه صحت ولازم اروح لها

i

inte_o_ana

عروس فضية

12-01-2008 | 12:00 AM

الف مبروك عزيزتي و الحمد لله ع السلامه ..

نتريـــــــــــــــــــــــــــــــا تكمله القصه

أ

أوراق عاشقة

عروس نشيطة

12-01-2008 | 12:21 AM

وينك يا حبوبة ننتظر القصة ؟؟؟؟

ألف الحمدلله على سلامتك و سلامة بسمة

و تتربى في عزكم ان شاء الله

*

**ام يارا**

عروس فضية

12-01-2008 | 12:35 AM

حركااااااااااااااااااات تشووقينا ها....؟

طيب احنا ننتظرك لاتتاخري.....اووكي

الف مبروك

*

*~JeWeL~*

مشرفة سابقة

12-01-2008 | 08:41 AM

الحمد لله على سلامتك

وفي انتظار الجزء الثاني

بس لا تطولين علينا

ر

رحيل الحياة

عروس مشرقة

12-01-2008 | 11:27 AM

المهم نكمل

ومشكورات الغاليات ع التفاااااااعل

المهم رحنا لأمي عشان ناخذها ويانا

وكان ذاك اليوم يوم 14 شهر شوال وامي وعمتي كانن صايمات يحليلهن( الليالي البيض)

والا يأذن علينا اذان المغرب ونحنا بالطريق وقعدن امي وعمتي يفطرن وانا اقولهن اماه عموه ادعلي من اوصل المستشفى اربي ( دعاء الصائم عند فطره مستجاب)

وقعدن مسكينات يدعن لي كل وحدة من صوب

وصلنا المستشفى تقريبا الساعه 6 وربع

ودخلنا غرفة الفحص الساعه6 ونص

وشافتني الدكتورة وقالت للممرضات بسرعه لغرفة الولادة(حتولد على طوول)

ودشيت غرفة الولادة وانا مرعوبهمن السوالف اللي اسمعها

لكن الممرضة(عمانية) كانت حنوووووووونه وقعدت تسولف معي ولا كأنه شي

وبعدين سألتها كم فاتح الرحم

قالت لحظه اشوفه لج

قالت ما باقي شي فاتح 9 ونص سم

وبعدها جات مسؤوله الممرضات(هندية) وجابت مثل العصا صغيرة ومدببه وقالت هذا عشان افتح بيه الكيس

ومن سوت جذيه حسيت بآلام الطلق تزيد وايد

وخلت علي الأكسجين عشان التنفس الصناعي

وراحت عني

بقيت بروحي

وبغيت ابكي!!!!!!

بس جات امي عندي وفرحت وشلت الأكسجين وامي تقول خليه

اقولها يضايقني واحس بالألم اكثر

قالت احسن عشان تولدين بسرعه

ودشت الممرضة عندي وسألتني اذا ابي اشرب قلتلها ايه

وبعدها شلت الأكسجين واسترخيت

وقعدت افكر بأشياء حلوووووووووة عشان انسى الألم

وفعلا تنفست بكل هدوء

وقعدت ادفع والممرضة عندي قاعده تشرحلي كني بدرس

وتقول ايووووووه شاطرة كملي كملي

وظليت ادفع وادفع

وبعدين قالتلي الممرضة لازم اعمل شق بسيط عشان البيبي يطلع بسهولة

لأنه اهو ينزل بس يرتفع لأنه الفتحه صغيره

بالبداية قلتلها مابي بحاول ادفع مرة ثانية

قالت بتتعبين ف الفاضي لأنه الفتحه صغيره

قلتلها اوكي وف نفس الوقت جات مسؤولة الممرضات وقال هاه كيف

قالتلها الممرضة اول مرة مرة اشوف بكرية كذا شاطره( فديتني يمدحوني)

وفعلا بعد الشق ولدت بسرعه ولله الحمد يعني كانت ولادتي الساعه7 وربع

وقالت الممرضة مبروووووووك بنوووووووته

استانست وايد لأنه كل الأهل كان خاطرهم ف بنت

ويحليلها الممرضة بعد شوي شالت المشيمة وقالت انا اللي راح اخيطج موافقه؟؟

لأنه من العادة دكتورات اللي يخيطن

قلتلها اكيد لأني ارتحتلها واااااااايد

وتمت العملية بنجاااااااااااااااااااااح

والحمد لله على كل شي,,,

هاه شرايكم بنات مو قصة روووووعه؟

O

Om Joudy & Eyad

عروس برونزية

12-01-2008 | 11:42 AM

حبيتى الحمد لله على سلامتك عقبالنا بولادة سهله كدة امين يارب ربى يخليلك بنتك و تفرحى بيها

ر

رحيل الحياة

عروس مشرقة

12-01-2008 | 12:11 PM

sosomedo;4955217:
حبيتى الحمد لله على سلامتك عقبالنا بولادة سهله كدة امين يارب ربى يخليلك بنتك و تفرحى بيها

الله يسلمج الغالية

وغقال ما تولدين بسهولة ويسر يااارب

بس عليكم بالدعاء

اهم شي الدعااااااااااااااء

ر

رحيل الحياة

عروس مشرقة

12-01-2008 | 12:20 PM

inte_o_ana;4953085:
الف مبروك عزيزتي و الحمد لله ع السلامه ..

نتريـــــــــــــــــــــــــــــــا تكمله القصه

الله يبارك فيج حبيبتي

وربي يسلمج

وكاني نزلت تكملة القصة لعيووون البنات

ب

بحرينية أصل

عروس ماسية

12-01-2008 | 01:10 PM

الف مبرووووك وتتربى في عزكم وصج القصه روعة

ر

رحيل الحياة

عروس مشرقة

12-01-2008 | 11:25 PM

الله يبارك فيج اختي

دموع الكوثر

م

ميس_الريم

عروس فضية

12-01-2008 | 11:47 PM

الف مبروك

عقبالنا وكل الحوامل يارب