ساعدوني في ابتكار اعادة تدوير النفايات

ممكن الاغراش الفاضية تعبينها ورد مجفف واوراق اشجار مجففة وتنحط عليها ربطة وتكون زينه

الصابون تبشرينه وتحطينه فزجاجه شفاف ويصير تحفه حلوه

في علب اللي برينغلز وبطاطس عمان الاسطواني.. وجذي تغلفينها وتزينينها وتحطينها كاس للاقلام

هم تقدرين قشور البيض تكسرينه بس من فوق بعدين تغسلينه وتلونينه

هذا اللي تذكرته احين اذا ذكرت شي زياده بضيفه

مرحبا اختي

ممكن تستخدمين علب الشماغ وتغلفينها وتقدمين فيها هدية

او ممكن تاخذين بقايا الورق والمجلات وتقصينها

وتغلفين فيها طقم مغاسل(علبة مناديل _ علب الصابون وغيره)

ممكن

تاخذين القزاز المكسر وتلصقينه على اي سطح وتلوينينه

او كراتين الرول المتبقية من لفات القصدير وتغليف الساندوتش

ممكن تشكلينه باكثر من طريقة(اما مقالم او شمعدان توضع به الشموع الصغيرة او جذع شجرة او تلفين عليه حبل ويصير منظر جمالي)

ممكن بعد

اذا عندك قوارير فاضية للنسكافيه او مربى او اي قارورة

تعبين فيها جلسرين الشفاف وشوي قلتر وورود او لعبة صغيرة بيصير شكلها جناااااااان انا مجربتها

وش بعد؟؟

اذا ذكرت شئ خبرتك

بالتوفيق

ماشاء الله الأخوات ماقصروووا معاك
أنا عني استفدت إن شاء الله تستفيدين

باااااكـ من امس افـكر :icon9:

ممكن تاخذين كارتون او غلاف دفتر الرسم المتين شوي وتجلدينه وتحطينه مثلا عالطاوله يعني اذا تلون لاتوصخ لج او تقطعينها صغار للكاسات

وبالزجاجات تقدرين تلونين تراب وتحطينه داخلها كل طبقه لون

او لشموع القديمه الذايبه تحطينها مع بعض وتذوبينها وتحطينها فقالب جديد تصير شمعه جديده

وتقدرين بعد الجوارب النسائيه الشفافه تقطعينها وكل قطعه تحطين فيها سلك ( سيم ) وتصير ورده <<هذي صعبه شوي بالشرح بحاول انفذها واحط لج الصور

علب مسحوق الغسيل ولا الصابون تجلدينها وتزينينها تصير مثل الكيس القوي <<هم مثل الشي بحاول اصورها

واخر شي علب الجيبس برينغلز تزينينها وتجلدينها باوراق ملونه وا ورق جدران زايد وتسوين فيها ثقوب صغار من تحت وتحطين فيها تراب وتزرعين فيها تصير اصيص :21_213:

واو شجعتوني انزين انا عندي علب الحليب المجفف مالت ولدي شو اسوي فيها ممكن افكار

هذي علبة صابون شلت الزوائد اللي فوق وجلدتها



شكلها النهائي


وعن الحليب تقدرين تزينينه ويصير بوكس للالعاب لصغيره
او تكرمين تعدلينه تلبسينه فرو مثلا ويصير زباله يعني للالوان لما تتبرى وجذي
ولا اصيص هذي الافكار اللي طرت عبالي ..

عندي أفكار كثيره تخص تدوير مخلفات المنزل حيث اننى اساعد والدتى فى التحضير لندوه سوف تقيمها فى عملها تخص هذا الموضوع وسوف أعرض لك بعض الأفكار والصور

لا أعرف كيفية إدخال الصور أرجو ان يخبرنى أحد بالطريقه

" alt="" loading="lazy">
هذه اللوحه عباره عن قطه تم عملها من بواقى الزراير المختفة الألوان قمت بطلائها ببواقى طلاء الأظافر لتكون الألوان متناسقه وخيطتها على قماش ثم ثبتها على كرتونة نتيجه قديمه مع العلم أنى عملتها وانا طفله

حلووووه قطوتج
ماشاء الله عليج

اشكركم جميعا وجزاكم الله خير على التجاوب والمساعدة
والله اني ما توقعت هذا الرد والتعاون
وجزاااكم الله خير

واو شجعتوني ......................

ممكن علب البرنجلز الصغيرة تغلفيها وتخليها للاقلام