اقنعة للبشرة (ذات المسامات الواسعة )

صباح الخير على احلى بنات :15:
دا اول موضوع احطة ياريت يكون مفيد و يعجبكم و تشاركونى فية و تقولولى رايكم اية

طبعا صاحبات البشرة الدهنية بتعانوا من مشاكل كتير اوى
اولها الشكل الدهنى للبشرة :confused:
و انها شكلها كانها بتلمع
و بتلم اتربة كتير
و المشكلة التانية هيا المسامات الواسعة :)
الى بتكون عند الخدود و الانف و ساعات عند الجبهة
و الى بيبقى شكلها مش حلو دا بالاضافة الى ان المسامات المتسعة بردو بتكون عرضة لدخول الاتربة فيها و تعمل مشكلة تانية و هيا الرؤوس السوداء
و دى مشكلة تانية لوحدها


المهم علشان مطولش عليكم اوى :mad:

انا النهاردة جايبة معايا اقنعة للمسامات الواسعة

الماسك الاول :wink:
ماسك (قناع ) البطاطس


ملعقة كبيرة من مسحوق البطاطس الجافة
ممكن تقطعى بطاطس شرائح رفيعة و تسبيها لغاية لما تكون جافة و تطحنيها
ملعقة كبيرة من الماء الدافى
ملعقة ماء الشبة
عصير ليمون

طريقة التحضير
يخلط المكونات السابقة و توضع فوق الوجة و الرقبة لمدة 15 الى 20 دقيقة ثم يزال القناع بالماء الفاتر ثم ماء الورد حسب الرغبة

الماسك الثانى :D
ماسك النشا

ملعقة كبيرة من النشا
كمية من الماء الدافى
قليل من زيت الزيتون
يخلط المكونات سويا و يوضع على البشرة الى ان يجف



الماسك الثالت :cool:
محلول الخل و النعناع

2 ملعقة من اوراق النعناع الطازجة المخرطة
2 ملعقة كبيرة من خل التفاح
285 مل ماء

طريقة التحضير

يوضع النعناع و الخل فى زجاجة و يغلق جيدا و تترك لمدة اسبوع ثم يصفى الخل و النعناع اى يصفى من ورق النعناع و يضاف الماء و يعباء فى زجاجة محكمة الغلق جيدا

ميزة هذا المستحضر انة يستخدم كدهان للبشرة بصفة منتظمة للتغلب على مشاكل مسام الجلد الواسعة التى تسئ الى شكل الوجة حيث يقوم هذا الدهان الى انقباض المسامات المفتوحة و كما انة يحسن لون البشرة التى تعانى من الحبوب



هناك ماسك اخير و انا بحبة جدا لانة فعال و سريع جدا :wink::wink:
و هوا عبارة عن شرائح الطماطم اما انك تقطعيها شرائح صغيرة على الوجة او تفرميها او تعصريها بحيث يكون فيها كتل مش عصير سائل و تحطية على اماكن المسامات الواسعة و دى مفيدة و سريعة و ممكن استخدامها يوميا




اتمنى ان الماسكات دى تعجبكم و تكون مفيدة فعلا انا عن نفسى جربتها و عجبتنى اوى خاصة محلول النعناع و الخل و كمان بتاع شرائح الطماطم بستعملة فى السريع لما اكون مستعجلة
و اتمنى انها تعجبكم
و اشوف ردودكم عليها


عندى ماسكات كتيرة اذا عجبتكم الماسكات دى حعمل مواضيع تانية انشاء الله عن الماسكات


بس رجاء خاص :o
الموضوع دا خاص بيا و مش منقول
فياريت الى تحب تاخدة تذكر المصدر
لانى تعبت علشان اعمل الموضوع :o




ياااااااااااااااااااااارب تعجبكم الماسكات :wink: