ارحموني 00من الهم اللي حرمني النوم

هلا غلاااااااتي ربي يسيرلك ياااااااارب وبعدين احسني الظن بالله تعالى شدراك يمكن ربي بلحظه يخليك تولدي طبيعي هذا شي والشي الثاني يااختي لاتفكرين انك تسقطين وربي حرام قتل نفس والله سبحانه وتعالى شدد على هذا الامر وصدقيني الي كاتبه ربك بيصير لاتسوين شي وربي تندمين عليه ...نصيحه كثري من الاستغفار بنية الولاده الطبيعيه قسم فسم بالله لها تأثير عجييييييييييب ..
حبوبه اعجبتني دعوتك ...ههههه

يا اختي انا سمعت ان القيصريه ممكن توصل ل 5 او 6 لكن انتي ارهقتي نفسك لانهم ورى بعض وكل هذا ارادة من رب العالمين والاولاد نعمه من الكريم
ما اعتقد السمنه لها دخل بنوع الولاده...ولا تنزلي جنينك حرام عليكي من حقه يعيش

مشكوره اخت اريج وكذلك اخت الولو على الرد
مادري وش فيني احس انه اخر طفل لي وسوست وكله بسبب زوجي الله يسامحه من كثر حبه للاطفال ماخاف على مستقبلي
اما بالنسبه للسمنه لان ام زوجي ماتحبني وكانت تقول مستحيل احمل وبعد ماحملت تقول عشانك سمينه ماراح تولدي طبيعي الله يسامحها دائما تحسسني بالنقص بسبب سمنتي



ماشاء الله عليكم سهرانين معي مجرد ماارسلت رديتوي صحيح احتا بعصر السرعه

شششششششششششكرا على الاهتمام

اهلين اختي .. والف مبروك الحمل


وعن الولادة انا بنت اخت زوجي ولدت قيصري وبعد 11 شهر حملت وكلنا خفنا عليها تولد قيصري مرة ثانية لكنها الحمد لله ولدت طبيعي ..

وعن الوزن هي كان جسمها حلو بس بعدين لما حملت سمنت شوي والحين بعد الولادتها الثانية سوت ريجيم ورجع جسمها لطبيعته .. وما اعتقد ان السمنة لها دور في الموضوع لاني شخصيا اعرف نساء سمينات لدرجة كبيرة الا انهم يولدون دايما طبيعي ..

يالغالية ان شاء الله ما يصير الا كل خير واحتسبي الاجر عند الله

وللرد على تساؤلاتج

هل ممكن اولد طبيعي ؟ هل السمنه له سبب في ان ولاداتي قيصري ؟

هذا الشي يقرره الدكتورة اللي تتابعين معاها الحمل وعلى حسب صحتج والاسباب السابقة اللي على اساسها ولدوج قيصري ويمكن من اسبابها السمنه مع اني ما اظن ان هذاهو السبب اللي عشانه ولدوج قيصري

كم يممكنني ان انجب من الاطفال قيصري ؟ وهل يفرق بين السمينه والنحيفه في عدد الاولاد التي تولدهم قيصري؟

انا اعرف وحده حملت وجابت 6 اطفال ما شاء الله كلهم ولاده قيصرية ، وبعد يرجع لنظرة الدكتور المعالج يمكن يقولج لا ما تحملين الا بعد فترة معينة مثلا او انه يمنعج من الحمل اذا شاف انه في خطورة عليج من الحمل والولادة لقيصرية ما فيها سمينة او نحيفة كل وحده يختلف وضعها عن الثانية

هل يجوز لي اسقاط الحمل فاناحامل منذ ثلاث اسابيع فقط ؟

اسمحي لي يا اختي بيكون ردي شوي قاسي بخصوص هالنقطة .. لاني معارضة لفكرة الاسقاط وكل ما سمعت ان وحده الله رزقها الحمل وهي تفكر انها تسقطه احس ان دمي يغلي من الغيظ

حرام عليج تقتلين نفس بريئة بغير ذنب ، يعني الطفل اللي حملتي فيه ايش الذنب اللي ارتكبه علشان تقتلينه اذا ما كنتي تبغين تحملين ليش حملتي ، لا تقولين علشان زوجي هذا الشي مشترك بينج وبين زوجج سواء انتي حملتي برضاج او مكرهه على هالشي خلاص اللي صار صار وحملتي فليش جايه الحين بعد ما صار الشي وتقولين لا خلاص ما ابي الحمل ليش ما قلتي هالكلام من البداية قبل لا تحملين

يا اختي انتي تعرفين كم وحده تتمنى تكون مكانج والله يرزقها بطفل حتى لو تجيبه بقيصرية ، احمدي ربج على النعمه لا يحرمج منها وتقعدين متحسفه على انج فكرتي في يوم من الايام انج تسقطين ياما ناس ظلوا سنين طويلة في علاج وصبر والم علشان بس يشوفون لهم طفل وانتي الله رازقج وتقولين ما تبينه .. لا حول ولا قوة الا بالله

الله يهديج ويصلحج وصدقيني اذا كملتي حملج الحين وجبتي هالطفل وشفتيه بعد الولادة وهو ينظر لج بعيونه اللي كلها براءة وابتسم لج بتندمين على اللحظة اللي فكرتي فيها بانج تسقطينه

وبالتوفيق

هلا حبيبتي

الف مبروك الحمل ومثل ماقالو البنات خلي البيبي له حق يعيش...
انا اخت مرت اخوي حملت وولدت قيصري ورجعت حملت بعد ماولدت على طول والحمدلله طبيعي ..
الله ييسر الامور حبيبي :)

هلا يالغاليه

البنات ماقصرو معك

وحررررررررررررررررررام لاتصقطي انا ميتين نبي نحمل وانتي لاتتبطري بنعمه انتي فيها ونتي موحاسه

وان شاء الله تولدي طبيعي وتملي بيتك اولاد وبنات يارب

شكرا على جميع الي ردو علي
يارب ييسر امري وامركم جميعا
والله اني احب الاطفال موتوهذا اللي مخليني افكر باتسقيط عشان اذاطولت بعد القيصري احتمال اولد طبيعي واقدر اخلف على راحتي بدون عدد يحدده الدكتور
عموما الحمدلله هذا قضاؤه وفكرت الاجهاض احاول اشيلها من بالي يمكن الله يعوضني خير على صبري

تصدقون ان طفلي الاول جلست 6سنين وانا ماحملت وتعالجت مدة ثلاث شهور وبعدها الحمدلله ثلاث مرات احمل ورى بعض وهذا من فضل ربي
اخيرا اعوذ بالله من الشيطان ووسوسته

يااختي اللي ربي كاتبه لك بتاخذينه

بقيصريه او بدون


وعلى فكره انا اعرف وحده سوة 11عمليه قيصريه لكن هي مخاطره بصراحه

انتي وكلي امرك لله ولا يخيب ظنك به ( ومن يتوكل على الله فهو حسبه)

اولا الف مبروك على الحمل وربي يسهل عليجي الغلا ....

والقيصرية توصل الى خمس تقريبا ..... واذا الولادة طبيعي اظن يعتمد على الدكتور اللي تعالجين وياه ... وفيه حريم سمينات ويولدون طبيعي وفيه ضعيفاتيولدون قيصري .... يعني على حسب يالغالية .... وتوكلي على الله ...

وحاولي تتفاهمين ويا زوجك لانه والله رب العالمين ما يرضى هالطريقة فوقه فوقه ورى بعض .... اصلا كيف تحملين والعملية بعدها حتى ما بردت ....

ولا تسقطين ولا تفكرين ترى عقاب الله اكبر بيكون ....

وحاولي عقب هالحمل انج تسوين رجيم وتهتمين بنفسج وحاولي انج تسوين اي طريقة انج تلهين زوجك وتشغلين وقت فراغه وتكشخيله وسويله ونسيه سالفة العيال فترة ....

ربي يسهل عليج يالغلا ....