فتوى تحسم حياة اسرة

السلام عليكم ورحمة الله وبركاته
بصراحة انا ابغى اسئل عن موضوع مهم يحسم حياة اسرة كاملة
طبعا انا والدي صاحب شخصية قويه ومتمردة
طبعا كان فيه خلاف عائلي بسيط جدا وبعدها والدي قال ل امي لو قابلتي اخوكي فأنتي طالق
وطبعا هي قابلت اخوها وعرف فقال لها طلقوكي اخوانك
ولم ينطق الطلاق
وبعدين صارت عندنا مشكله وامي تركت البيت
ولمن كانت في بيت اهلها جا خالي هذا اللي ابويا قال لامي انها ماتقابلو
طبعا بالصدفة وامي قابلتو
والان والدي لا يعلم بهذا الموضوع
وطبعا انا ابغى اعرف هل يقع الطلاق ولا لا
المشكلة صار لها 3 سنوات والحين مع الخلاف هذا اللي صاير له اسبوعين
قال والدي انو لو تبغى امك تطلق ترفع السماعة على اخوها
وطبعا نيتو اول كانت تفرقة بينها وبين اخوها والان نيتو صارت طلاق
وللعلم احنا سئلنا مشايخ الحرم
فقالو انو لا يقع الطلاق لانو نيتو التفرقة وطبعا هي قابلتو على اساس هذي الفتوة
واليوم سئلنا شيوخ عندنا في السعودية
واحد قال والدكم اثم لكن الطلاق يقع
والثاني قال ماافتي لكم لازم نعرف نية ابوكم ولازم هو اللي يكلمنا
واحنا مانقدر ولا بأي طريقة نعرف نيتو
ولانقدر نقول اتصل لانو هو مايعرف انو امي قابلت اخوها
واحنا نبغى نعرف اذا كان يقع الطلاق او لا عشان اذا جات ترجع ماترجع على حرام
لانها تعتبر الطلقة الثالثة
ارجو منكم الرد لو اتكرمتو لانو بجد الموضوع صعب جدا
وجزاكم الله خير الجزاء