&&قصــــــــة ولاااادتي بتركي &&

السلام عليكم ورحمة الله وبركااااااته ...


طبعا اليوم جايبه لكم قصة ولاااااااادتي بحبيبي الغالي ...

كان اليوم المتوقع للولاده 15/1 وانا ولدت بتاريخ 24/12 شوفوا الفرق :D
ا
كنت احس بالم بسيط بالظهر عاادي جدا قبل ولادتي بكم يوم وكان زوجي وقتها مسافر ... المهم يوم جاء زوجي يوم السبت ويوم الاحد نمت مع زوجي وكاااااان فيني هالالم ...بس لحد الان الالم محتمل جدا وخاصه انه باقي على موعد ولاااااااتي كثير ...وكل ماسال احد من حريمنا يقولون لي هذي اسمها تعاديل يعني الرحم يستع لنزول البيبي وانا حاطه هالشي ببالي لين ذاك اليوم الي نمت فيه مع زوجي زاد الالم شوي بس لحد الان محتمــل لانه كان موالم كثر مو الاحساس الي يجي الوحده قبل لاتنزل الدوره عرفتوه صح:D
المهم قمت وتسبحت وكنت استهبل على زوجي واقوله يالله تراني بولد اليوم واقعد اضحك وزوجي طبعا حاس بندم لانه قرب لي لانه خايف يقولون اخاف انه موب زين لبيبي ........:o
والم لسه موجود وانا قاعده افرفر بالنت وقمت وشربت لي كاسة قرفه....بس لما زاد قمت ونزلت موضوع بالمنتدى....
واشوي قلت لزوجي ودني للمستشفى على الاقل ابي اخذ مهدئ لاني كنت متعوده كل مايجيني الالم بيام الدوره اروح للمستشفى واخذ مهدئ لاني مثل ماقلت نفس الاحساس الي قبل الدوره :)
وزوجي كلش مو متحمس يوديني يقولي عادي اذا محتمل اصبري عاد انا حطيت ببالي المستشفى خلااااص مستشفى :D

شوي قال بكلم اختي وبسألها لانها كانت والده من شهر ...سألها وقالت لي هذا شكله مش الم ولاده بتروح لهم وبيرجعونها وكلمت خالتي وقالت لي نفس الكلام قالت يعذبونك على الفاااضي ... انا عندت وقلت بروح للمستشفى ....... وداني زوجي عشان يسكتني بس :ss:
وهالكلام تقريبا الساعه 12 باليل ...
ورحت الطوارئ وعلى طول جابوا لي عربه ونزلوني لقسم الولاده انا هني خلااااااااص مو مستوعبه وقولها اشدعوه مافي ولاده ولاشي احس السالفه لحد الان استهبااااااال هههههههههه
المهم دخلوني الملاحظه وحطولي اجهزه وبلاوي على بطني وانا اقول يحليلهم متحمسين ...طبعا الالم رااااااااااااح مجرد دخولي الطوارئ هههههههه كالعاده
قالت الممرضه وفيها ضحك قالت مافي واده مطوله مسويه نفسها عارفه .....دقايق وجت الدكتوره وافحصتني وقالت مفتوحه 2سانتي انا هني فتحت عيوني على الاخر يعني السالفه قلبت جد ..... ومايمدي الدكتوره اطلعت الا وحسيت مويه دافيه كثيره نزلت مني وقعدت اناااااااااادي زوووووووووووجي ....
واشوي بدا الام الي كنت اسمع عنه واقول لزوجي خلاااااص ابي ارجع للبيت السالفه صارت جد .....
المهم الالم كل ماله يزيد واحس نفسي بحاجه اني اروح للحمام وانتو بكرامه لين جتني الممرضه وقالت لي انتبهي اخاف البيبي يطيح ....
وانا الالم كل ماله يزيد لين دخولني غرفة الولاااااده وزوجي معي والحمد لله طلع تريكي حياتي بس اول ماحطوه على بطني اخترعت وظليت ساكته لاني لساتي مو مستوعبه انها فعلا ولاااااااده لاني جيت المستشفى ا عنااااد بزوجي ههههههههههه
بس قسم بالله مجردخروج الطفل نسيت الالم كلللللللله

لا والحلو بالموضوع يمكن اربع مرات الي حسيت ان الالم لايطاق كنت اقول لدكتوره سويلي عمليه ههههههههه هبله صح
وكاو يخيطون لي وعيوني على ولدي ..... ودوا طفلي للحضانه وانا على بالي خلاص اقدر اقوم خلوني اشوي ارتااااح
وقمت من السرير بروحي وبطلعة الروووووووح ولبست عباتي عدل وابي اطلع اشوي واشوووف الممرضااات قالولي انتي شلون قمتي مايصير والله حاسه اني دايخه اقولهم بروح لغرفتي وبشوف البيبي ...<مخترعه اول مره اصير ام ههههههههه


وبس ودي اسولف بس زوجي يمي ازعجني يبي النت...

وشرايكم بالقصه ...؟؟

ملااااااااااااااحظه....
...يابنات ترا الولاده موب صعبه زي ماكنا نسمع والله العظيم قبل ولاادتي بكم يوم قالتي وحده الله يسامحها ترا الولاده تطلع روحك وترجع ....بس الحمد لله احس ولادتي سهله رغم الالم الي فيها..
وبعدين اكثروا من الاستغفار بنية تسهيل الولاده والله ان لها تأثير عجييييييب .....
وبس:D