فيه احد والدة ودرّ عندها الحليب بعد اليوم الرابع؟

جمانة اني در لي الحليب تقريبا في اليوم الخامس بشكل قليل جدا بس مع استمرار الرضاعة والشفط صار يدر اكثر فأن شاء الله ىطبيعي لا تحاتين

خل تاخذ حلبة مع حليب

وسمك

وتداوم على الرضاعة

يا اختي الحلبة ممتازة لذر الحليب ...أحنا الوالد من تولد وهي في المستشفى ام الوالد تجيب حلة صغيرة فيها الحلبة على هيئة شوربه..ومعها باقي البقوليات بس تكون الحلبة اكثر ,,,طعمها كويس بس انا ما احب الحلبة لان تخلف روائح بس عشان البيبي الواحد بتحمل...حتى أذكر لما كنت صغيرة كنت احب اروح مع ماما لبيت اي حد والد عشان اكل من شوربة الحلبة هاذي ههههههههههههه

هلا الغالية جمانة
عادي ممكن يتأخر نزول الحليب
اذا فيها امساك ممكن يتأخر نزول الحليب
خليها تشرب سوائل و مغلي الينسون

اشكركم اخواتي الغاليات على الرد والتطمين.. وهي مداومة على ارضاع الطفل وترغب بشدة في هذا الشيء..

ان شا ءالله خير

أختي
إذا هي بكــريه تخلي الطفل يرضع من صدرها
لاتقول مافيه حليب ترى بمجرد مايمسك الطفل حلمة الثدي ينزل حليب
صحيح راح يكون مؤلم شوي بس تتحمل عشان الطفل
وخصوصا الايام الاولى من ولادته
الماده هذي ضروريه للطفل بالساعات الاولى من ولادته
تعطيه مناعه قوويه من الامراض لاسمـــــــح الله

مرحبا اختي بالنسبه للرضاعه تاكل الرهش واليح ووووووايد يدر الحليب عن تجربه

أني ما جاني حليب الا باليوم الخامس و أكلت رهش و در الحليب خليها تأكل رهش

اختي جمانه

مو شرط الوحده تحس بالدرعه علشان يكون في حليب

ممكن ما تحس بشي و يكون فيه حليب

و الدليل هو وزن البيبي

إذا يزيد معناها فيه حليب و ياخد كفايه

مشكورات اخواتي مؤخراً على الرد..

الحمدلله الحليب در عندها، وهو بالاصل الطفل وايد يصيح من بطنه فعلطول بنت عمي ترضعه وما يمدي يتراكم حليب بصدرها، ففكرت انه ما يدر عندها..

الحمدلله على كل حال..

الحمد الله على سلامتها
وطمنتينا عليها
وبالخصوص استفدنا من معلومات الاخوات

مرحبا اخت جمانه بصراحه انا في ولادتي بولدي مادر الحليب عندي الا بعد خمس ايام من ولادتي واول مانزل كان خفيف بس بعدين بدا يكثر بشكل مو طبيعي بس اهم شيء انها ترضع البيبي باستمرار

اختي هذا شي طبيعي انها مادر من اول يوم بس بعد تختلف الادرار اذا كانت والد طبيعي او عمليه لاني انا مادريت بسرعه وانصحها بالرضاعه الطبيعه بس مو تنسى الرضاعه الصناعيه لان والله راح تكره حياتها اذا ما عودت الطفل على الرضاعه الصناعيه

عليها بالرهش والتفه( الحبه الحمراء ) ما أدري في البحرين وش تسمونها .. والحليب أصلا ما ينزل الا بعد 3 أيام ... أول الايام تنزل الماده الصفراء الغنيه بالمضادات الحيويه الي تفيد الرضيع وتزيد من مناعته ..