ما جـابني إلا همي... نصيحة لوجه الله

ج

جابرة خاطر

عروس مشاركة

10-01-2008 | 03:06 AM

السلام عليكم...

والله آنا متردده وش أكتب... بس لما قريت بعض المواضيع تشجعت شوي لأن طبعي إني كتومة ولا أحد يدري عني شي

يا بنـات أنا وصلت لأسوأ مرحلة وما أظن في بعد أسوأ إلا ضيقة القبر... والعالم الله إني صامدة مثل الجبل بس الحال من سيء لأسوأ

وضاقت بي

المهم... أنا عمري 23 وأعاني من البواسير من لما عمري 18 سنة

وألحين البواسير وصلت لمرحلة متأخرة جدا... وآنا صارحت أمي وقلت لها بس

ما هي مهتمة :(

مدري شفيهـا... مع إني ساعات أبكي عندهـا وأقول لها يمه آنا جالسه أموت ليه ما تهتمين

عجزت منهـا... ولا لي غيرهـا أفاتحه بهالموضوع المحرج

لا لي أخوات... ولا عارفه أتصرف لحالي وخصوصا إني ما أسوق سيارة وأهلي ما يخلوني أطلع بروحي

المهم وألحين أنـا أبي حل... أبي أتصرف

لأن حالتي صعبة جدا... والنزيف مستمر معاي وكل يوم نص دمي ينزل مني لما أدخل الحمام وإنتوا بكرامه

مشكلتي إن أنا ما عندي غير أمي... وأمي مادري شقول عنهـا بس مو مساعدتني

إنصحوني يا بنـات...

والله ضايقه بي... وأبكي بكا ما بكته قبلي بنت

d

doooo

عروس مشرقة

10-01-2008 | 03:15 AM

كلمي أحد من خالاتك او عماتك لأن إلي اعرفة إنة خطير إذا أهملتوة ويااااااااااار ب تقومي بالسلامة

b

beautysendrela

عروس برونزية

10-01-2008 | 03:21 AM

المفروض تكلميها جد هى اكيد مش فهماكى مش فاهمة انتى تقصدى ايه عموما انا اعرف ان ملهاش حل غير دكتور فلازم دكتور حاااااااااولى تكلميها تانى وطمنينى عليكى ربنا معاكى

س

سديم الفجر

عروس برونزية

10-01-2008 | 03:25 AM

سلامتك حبيبتي
بس هالشئ مو بصالحك تسكتين عنه..
ياعمري كل هالسنوات ساكتة ...
كلمي ابوك قولي ل ممكن توديني للطبيب ...
وخليه ياخذك ...وربي يشفيك

ا

الفاتنة

عروس متألقة

10-01-2008 | 03:54 AM

أيييييييه عزيزتي ما ودي أخوفك
بس أنا صار عندي بواسير وأهملتها تقريبا سنة
و طبعا وأنتوا بكرامة عزكم الله دوم وأوساخ ورحت المستشفى
وقال لي الدكتور أنه البواسير إذا ما تعالجت تصير خطيرة جدا
وخصوصا إذا نزل دم وقيح لانه بقايا الدم والقيح تسبب التهابات و أمراض وفيروسات
وبيصير العلاج أصعب بكثير عزيزتي نصيحتي لج تطبعين مخاطر البواسير و تعطين أمج
تقرأه عسب تفهم أنه مش مرض عادي هذا خطير

ج

جابرة خاطر

عروس مشاركة

10-01-2008 | 04:51 AM

الله يعافيكم يا بنـات

والله إنكم بكيتوني...

إن شاء الله ألقى حل مع أمي... وما أقدر أفاتح حد غيرهـا بهالموضوع والله أستحي

...

الفاتنة

الحمدلله على سلامتك... بس شلون تعالجتي بعملية ولا بالأدوية بس

ن

نشمية بنت سونيته

عروس مشرقة

10-01-2008 | 05:42 AM

يابنتي علمي أي احد حتى وحدة من ربيعاتج بنات الجيران على الاقل قوليلهم أنج تعبانة مووت وتريدين المستشفا مو شرط تقوليلهم في شو تعبانة لأنه المرض يبين على الواحد

والله أنا حاسة فيج لان خالي عنده وتعبان وايد منها حتى وايد ضعف ارجوج لا تهملين حالج إنتي أختي في الله وأخاف عليج

والله يشفيج

س

سماء الحياة

عروس مبدعة

10-01-2008 | 08:04 AM

لاتتأخري
لاتخجلي من أمج وخبريها عن الدم والنزيف يمكن تحس فيج

ل

لوٍن المطرٍ

عروس برونزية

10-01-2008 | 08:04 AM

الله يشفيك ياقلبي وتقوومي بالسلامة

بس زي ماقالوا الأخوات لازم تروحي للمستشفى

-

-%-سحابة حب-%-

عروس ماسية

10-01-2008 | 08:19 AM

...مممم حاولي تكلمينها مره ومرتين وثلاث
يعني هي ماتشوفج تعبانه وتنزفين !!!
اللي عرفته صار لج 5 سنين تعانين من هالمشكله

مافي الا انج تكلمين وحده من خالاتج ولا عماتج
ولا اقرب وحده لج فالعيله عشان تقول حق امج ..

لاتقولين استحي صحتج اهممم شي صحتج
الحياء مابينفعج اذا صار فيج شي -اسم الله عليج-

شوفي شبتسوين
وطمنينا عليج

ح

حلى البنات

عروس نشيطة

10-01-2008 | 10:21 AM

ياعمري ليش تستحين ؟؟؟ لا سويتي منكر ولا سويتي غلط ؟؟

هذا مرض وصابج من رب العالمين وممكن يصيب اي شخص .. البواسير ماتجي من اهمال او قل نظافه عشان تستحين بعدين مرض البواسير منتشر بدول الخليج وكل عائله لازم تحصلين فيها مصاب ..

تكلمي مع اقرب وحده لج من خالاتج او عماتج وروحي المستشفى

وتقومين بالسلامه ان شاءالله

@

@نورينااا@

عروس متألقة

10-01-2008 | 10:36 AM

قولي لأمج وديني المستشفى ... وحني عليها كل يوم ... ان شالله يكون شي بسيط ومايحتاج الا مرهم

ا

الجوهرة السعودية

عروس برونزية

10-01-2008 | 10:49 AM

الله يشفيك لاتسكتين على نفسك قولي لامك بروح المستشفى

/

////nana////

عروس مشرقة

10-01-2008 | 11:00 AM

ياقلبي الله يرفع عنك ياااااااااااااااااااااارب :Zb_sor1:
حبيبتي كلمي خالاتك صديقاتك لاتقولين موضوع محرررررررررررج:dontknow: لا علمي اي احد تحسينه يقدرر يسااااعدك لو حتي اخوك:21_207: مافيه شي هذا مرض ياعمري ولازم تتعالجي ارجوكي لاتبكي ترا البكاء ماينفع دوري ع احد يوديك المستشفي باسرع وقت حتي لو جاااااارتكم أفهمني يااختي لاتهملي القصه وتكتفي بالبكاء يمكن الوالده ماعندها خلفيه ع البواسيررررررر بس لازم تدورين احد يكلمهاااااااااااا
طيب الوالد موجود ؟؟لو موجود كلميه حبيبتي صح احرااااااااج بس مافيها شي انتي تدورين العلاج وهذا مرض وابتلاء من الله والحمد لله ع القضاء بس حاولي الله معاكي حبيبتي وطمنينااااااااااااااااااااااااااااااااااااااااااااا

ح

حزني عميق

مشرفة سابقة

10-01-2008 | 01:13 PM

سلامتك ماتشوفين شر والله

بس حاولي معاها مرة ومرتين

لو رفضت كلمي صديقتك وروحي معاها المستشفى وماعليك شر والله

S

Soul Love

عروس متألقة

10-01-2008 | 01:53 PM

السلام عليكم
في الوقت الحالي و لغاية ما تروحين لدكتور او دكتورة
اكلي عسل و اشياء ملينة خضار نخالة عشان ما تنجرحي
و في بالصيدليات مراهم لهلشغلات
و ظلي زني و حني على راس امج
يمة تعبانة يمة تعبانة زهقيها
لغاية ما تريد تلاقيلج حل و تخلص من زنج و حنج
و سلامتج ما تشوفين شر

اختج في الله

@

@نبع الجود@

عروس جديدة

10-01-2008 | 02:45 PM

ياحبيبتي علمي ابوك ولا تستحيين والا وحده من عماتك او خالاتك هذا الشي مافيه استحي هذا مرض وراح ياثر عليك حبيبتي لاتترددين خليك قويه قبل ماتندميين وخمس سنوات ماهي شويه

ه

همسات القلب

عروس مشرقة

10-01-2008 | 02:57 PM

.. الله يعافيج ياارب اختي انا فعلا ماعرف شو مضارها.. بس اسمع من الخوات ان شي مو زين ..فلازم تتحركين وتسوين شي .. لازم تروحين الدكتور..
بنات سؤال؟؟ بس من شو تصير البواسير؟؟ شو سببها؟؟

ا

العروسه1358

عروس ماسية

10-01-2008 | 03:01 PM

اشفيج اختي تقوليت تستحين ما لازم تستحين كلش كلمي ابوج عادي هالشي مب في صالحج

ت

تسبيحات

مشرفة سابقة

10-01-2008 | 08:28 PM

ربي يعافيك ويهدي امك