ابي اتزوج

المشكلة الناس والمجتمع مايتقبلونها

مع انها حدثت في عهد الرسول عليه الصلاة والسلام

بس احنا بها الزمن الناس تشوفها عيب ومايتقبلونها

لو سوتها اي بنت معناها عند الناس عانس وماتستحي لانها بتفرض نفسها على الشخص
وبهذا الشي صار مافي احد يقدر يخرج عن العادة لي هي البنت تنتظر عريس لين يجي يدق بابهم غير هذا يعتبر خطأ لايغتفر

اي والله بنات صدقتم بس صح هالمشكله احس الف بنت وبنت عايشتهاا


ومادري ليش عيب دام انه النهايه حلال الحمد لله

ما اعتقد فكرة انها البنت تخطب لنفسها مقبولة
و خصوصا في مجتمعاتنا العربية

لانها المفروض تقعد فب بيت ابوها معززة مكرمة لحد ما يجي نصيبها

الله يبعت لكل بنت نصيبها
ااااااااااااااامين

امين شاكره مرورج يالغاليه


ومشاركتج معاي

[BLINK]في طرق غير مباشرة كان تكلمي خطابة تقوم بالبحث عن عريس مناسب ولاتذكر انكي عرضتي نفسك بل تقول اني رايتهااا واعجبتني[/BLINK]

يارب ارزقنا بالزوج الصالح :)

انا بعتقدي عااااااااااااااادي ازين من الوحده تروح لطريق ثاااااني
صح ولا غلط يابنات

امممممم تخيلت شلون تروح الوحدة تقول انا ابي اتزوج فلاان صعبة
بس مو عيب الوحدة تفكر بالزواج ونصيبها راح يجي لحد عندها لين الله راد
والولد لين قال ابي اتزوج مو شرط الي بيتقدم لها بتوافق على طول ممكن ترفضه
وهذا يعني كل واحد ياخذ نصيبه

نصيب البنت بيجيها لين مكانها

يعني لو الله كتب لها العنوسة وخطبت حق نفسها مثلا بتتزوج بغير ارادة الله؟؟؟؟؟؟؟

النصيب مكتوب حق كل وحده وهي في بطن امها

انا اقول لايستعجلون البنات ويجيبون الكلام حق نفسهم

والله يعطيج ألف عافية

[GRADE="00BFFF FFA500 FF1493 32CD32"]السلام عليكم

هلا بورة بلادي

فديتج والله انا كان يراودني بيني وبين نفسي نفس هالكلام حتى مره بتضحكون علي
في رمضان انا ووحده من هلي كنه نقول بنروح نخطب رجال من باب المزح


اهو كعادات وتقاليد عيب ومنقوود ومايصير نسوي هالشي
بس بالنسبه لي انا لو ان محد بيتكلم عادي ماشوف هالشي عيب
بس احنا مو متعودين عليه ولا نتجرأ نسويه ....

الله يرزقكم جميعا وطبعا انا وياكم هههههههههه بالزوج الصالح والذريه الصالحه
عاد مو اذا جاكم نصيبكم تنسونه هالله هالله فينه

عندي اقتراح ليش مانسوي موضوع كل وحده تحط عمرها واذا لها الرغبه بالزواج
وكل وحده مثلا تشوف حد من اهلها اذا يبي يخطب وتشوف الي يعجبها من العرايس الحلوات
ترى اقترااح لاتعصبون علي


والسموحه على الاطاله

تقبلي تحياتي ياحياتي [/GRADE]

يعني مب انا الوحيده الي اعاني من هالشي هههههه انا الحين 27 سنه وانطر نصيبي:confused: الحمدلله ع كل حال بس بعد الموضوع يعور:16: القلب <--قلبت السالفه فلم هندي ههههههه والله لين ربعي يوروني صور عيالهم قلبي يعورني وتخنقني العبره واتشفق ان يكون عندي طفل ومانقول الا الحمدلله ع كل حال... اللهم ان كان رزقنا في السماء فأنزله وان كان في الارض فأخرجه وأن كان بعيدا فقربه وان كان عسيرا فيسره ((ربي لاتذرني فردا وانت خير الوارثين))لا اله الا الله وحده لا شريك له له الملك وله الحمد وهو على كل شيء قدير

استغفر الله عدد ماخلق اللهم صلي وسلم على سيدنا محمد وعلى اله وصحبه وسلم

الله يعين بس

ونفس كلام خواتي الناس ماتتقبل ذا الشي

بس انا صراحة عن نفسي ماراح اخطب لنفسي او اكلم احد يدورلي لا ماارمي نفسي على الناس

بس اصبر ودعي ربي سبحانة وماراح يخيبني والله كريم لا تنسو يابنات

هلا بنات،،،،بصراحه انا ما افكر في هالشي،،،تدرون ليش؟؟ لاني مقتنعه ان الزواج قسمه ونصيب
ووين نصيبي بي،،،،يعني افرضي مثلا اني خطبت حق روحي تتعتقدون انه اهو الحل،،؟؟ازين يمكن ها
اللي اني ابغييه مايبغاني،،،ويرفض واهنى راح اتعقد اكثر وانحرج اكثر،،،،نصيحه مني لاتفكرون بالزواج
واايد عسب نفسيتكم ماتتعب ،،،خلو كل شي على رب العباد اهو متكفل بالارزاق،،،،يرزق البنت ب ريال
وبعدين هالشي في كتاب عنده،،يعني المساله منتهيه مكتوب انج تعرسين ولا ماتعرسين،،،اتيبين اعيال ولا
لاء،،،

تحياتيـ
نوفانهـ

المشكلة فعلا في الناس ونظرتهم للبنت اللي تخطب لنفسها بيعتبروها قلة حياء

والله بنات ما ضنيت انه الموضوع بياخذ فرصته بالنقاش صج الي يشوف بلوة غيره تهون عليه


بلوته انا اخاف العمر يمشي بي :( بس الحمد لله صدق محد ياخذ غير نصيبه




اختي بنكيه اقتراحج حلوووووووووو والله اشرايكم بنات بمال انه كلنا بنات ليش


ما نخطب لبعض خخخخ

Qtr Girl;4940977:
نصيب البنت بيجيها لين مكانها

يعني لو الله كتب لها العنوسة وخطبت حق نفسها مثلا بتتزوج بغير ارادة الله؟؟؟؟؟؟؟

النصيب مكتوب حق كل وحده وهي في بطن امها

انا اقول لايستعجلون البنات ويجيبون الكلام حق نفسهم

والله يعطيج ألف عافية

اتفق معاج

الله يرزق بنات المسلمين بالأزواج الصالحين عاجلا غير آجل

وفقنا الله وإياكم لما يحب ويرضى

أخواتي أكثروا من الإستغفار بنية الشيء الذي تريدون

أي أستغفروا الله بنية الزواج

قال تعالى : ( وقل استغفروا ربكم إنه كان غفارا يرسل السماء عليكم مدرارا ويمددكم بأموال وبنين )

لا تستهينوا بالإستغفار والدعاء

استغفر الله العظيم التواب الرحيم لذنبي وللمسلمين والمسلمات والمؤمنين والمؤمنات الأحياء منهم والأموات