اشلون انمى ذكاء بنتي

حبيبتي يعتمد على عمر بنتج كم عمرها؟

صح جم عمر بنتج..

أختى شوفي تجربتي مع إبني من يوم كان 4 شهور وأنا أشغل له DVD البرنامج عبارة عن ألوان وصور متحركة ويمكن البعض يقول صغير شفهمه ومو زين له التلفزيون بس أنا ماكنت أخليه مدة طويلة بس شوي أسمه Baby Mozart كانت صديقتي طالبته من الأنترنت بس الحين يبيعون منه بالبحرين هو يقع على عدة أجزاء من عمر شهر وفي برامج لعمر السنة ولعمر السنتين والثلاث يعلم الحروف والكلمات الإنجليزية..

الصراحة الجزء الأول وايد ساعد في تنمية مدارك ولدي وتعرف على الألوان وأصوات الحيوانات،، وأنا قبل لا أجربه شفت التجربة على إبنه صديقتي كانت وقتها أكبر من ولدي بثلاث سنوات وماشاء الله كانت نبيهة، وشاطرة.

الشي الثاني كنت أشتري الكتب اللي بها صور كبيرة ملونة وكنت أردد الكلمة على إبني وقتها كان له سنة بس ، بس من كثر التكرار تعلم وماشاء الله عرف اللي حوله بسرعة...

الألعاب التعليمية لها دور كبير، يعني شنو الفايدة آشتري له سيارة بس تدور مكانها،، ممكن أشتري له سيارة وبها مكعبات على أشكال او فيها أصوات حيوانات.. يعني ممكن تكون اللعبة مسلية وبنفس الوقت تعليمية...
طبعا أنا أتكلم عن الألعاب هذه لمن هم بعمر السنة او السنتين، بس ماشاء الله لين وصلوا لسن أكبر يذبحون روحهم على العاب الضرب والجيش والشخصيات يعني هم من يفرض رايه عليك يكون تشترين له اللعبة اللي في باله...

أتمنى أكون أفدتك ولاتنسين تخبرينا بعمر بنتك.... يكون نفيدك أكثر....

ماشاء الله الاخت رانيا ماقصرت وتجربتها رااائعة ومفيدة
الله يحفظلك بنوتك اخت جناحي