ابي جواب مقنع

انا زوجة اخوي كانت دورتها مو منتظمة و اكتشفت ان عندها كيس كبير في الرحم.
الدكتورة عطتها ادوية علشان ينزل الكيس ، و بعد ما نزل طلع فيها مجموعة كبيرة من الاكياس الصغيرة ... و هرمون الحمل كان عندها شبه معدم

مع العلاج الهرمون ارتفعت نسبته بدرجة كبيرة ما شاء الله و هي حاليا تنتظر ان الله يرزقها

الدكتورة قالت لها تقريبا مثل ما الدكتورة قالت لج ... و عادي تجي الدورة حتى في مثل هذي الظروف بس في الغالب تكون غير منتظمة

بس مو معقولة الدكتورة قالت لج هالكلام و بس ترتكتج. ما كتبت لج علاج و لا شي؟

شوفي اذا انتي مو مطمئنة روحي حق دكتورة ثانية و اخذي رايها و خليها تكتب لج علاج و تابعي معاها الا ان يتحسن الوضع



الله يرزقج و يرزقني و يرزق زوجة اخوي و كل محرومه بالذرية الصالحة ان شاء الله

امين يارب

تقولي ماعندي تكيس

عندي تبويض وانا فايتتني الدوره كيف يصير معقوله

الله يرزقج الذريه الصالحه آميـــــــــــــن

عزيزتي سيري عند دكتوره ثانيه عشان تتطمنين اكثر ..

السلام عليكم ورحمة الله وبركاته

أختي في الله أم شهد.....

حبيبتي أنا حصل الحمل في نفس ميعاد الدورة ( انا جاتني الدورة في 17 رجب و تاخرت الدورة مانزلت وكل ما اسوي تحليل دم ما يبان لكن الحمد لله انا الان في نهاية الخامس والدكتورة حسبتلي وقت الحمل بعد فضل الله هو 17 شعبان على حسب التصوير )

فلا تيأسي من رحمة الله فقد يكون فعلا عندك تبويض فكل شيئ جائز

أسأل الله الكريم بأن يكتب لك الذرية الصالحة ولا يحرمك منها ويرزق المسلمات جميعا بالذرية الصالحة

إنه سميع مجيب الدعوات

امين يارب العالمين بس زوجي الحين يتعالج

وعندي ضعف تبويض مشكورين على المرور

الله يشفيك ويرزقك يارب بس انصحك تروحي لدكتورة ثانيه علشان تتطمني

الله يرزقج ياارب
وراح ادعيلج بصلااتي ان الله يرزقج الولد الصالح

الله يرزقج الذرية الصالحة

توتو


مشكوره يالغاليه ماقصرتي

حنين الشوق

جزاكِ الله خير والله فرحتيني الله يفرحك ويسعدك يارب


*~JeWeL~*

مشكوره الله يعطيكم العافيه يارب

ام شــهــد;4935867:
امين يارب

تقولي ماعندي تكيس

عندي تبويض وانا فايتتني الدوره كيف يصير معقوله

اول شي تأكدي انج اكيد مو حامل (يصير ان الوحدة تكون حامل بس هرمون الحمل ما يطلع في التحليل مثل ما قالت الاخت قبلي و ذلك لضعف نسبة الهرمون)

اذا عندج ضعف تبويض معناه ان هرموناتج ضعيفة و فعلا هذا الشي يخلي الدورة ما تجي

عزيزتي لازم تاخذين علاج لا تتركين نفسج

الله يرزقج ان شاء الله و يارب نسمع خبر حملج عاجلا غير آجل

اللهم امين


والله يالغاليه ماسويت تحليل بس اخذتلي سونار

عادي تبويض متأخر ودام عندك ضعف فهذا اكيد يعني البويضة تاخذ وقت اطول عشان تنضج بطيئة...روحيلها بعد 3 ايام يمكن تكون كمان كبرت زيادة وتعطيك ابرة تفجير

انا صديقتي نفس حالتك يعني دايم تتأخر الدورة عليها اسبوعين او 10 ايام بس تتابع ويصير عندها تبويض بس متأخر وماشاالله حملت

ماشاء الله

المشكله زوجي عنده الحيوانات المنويه ثلاث مليون ضعيفه

الله يرزقج الذرية الصالحة

امين يارب مشكوره يالغاليه


الحمد لله على كل حال اليوم جت الدوره

ماعندي علم والله يرزقك الذريه الصالحه وكل محرومه وتسلمين يالغاليه

مشكوره على المرور


الحمد لله على كل حال جت الدوره والله يعوضني خير يارب