بنات باركوا لي واخيراً ولدت

انا ولدت بتاريخ 28-12 يوم الجمعة الساعة خمس و12 دقيقة المغرب


بقولكم قصة ولادتي

طبعاً انا صار لي من تزوجت 3 سنوات وبعدين حملت طبيعي كان عندي اكياس وسويت عملية ليزر وانتظرت سنة ونص من غير علاج قلت ما بتعالج وشهر اللي قلت بتعالج فيه حملت والحمد لله رب العالمين .

انا اتاخرت في موعد الولادة عاطيني كذا موعد وكل المواعيد طوفتهم اول موعد عطوني اياه تاريخ 13-12 وطاف وانا كل يوم انتظر موعد الولادة وانتظر الالم يجيني ولا في لا آلم ولا ريح ولا شي قلنا يا الله خلنا ننتظر الموعد الثاني تاريخ 15-12 ونفس الشي طاف الموعد وما فيه الم ولا فيه شي وانا كل شوية انتظر اقول الحين بجيني الالم وكل من يشوفني يقول لي للحين ما ولدتين قلت لهم شكله ما فيني الالم ولادة ولا فيني طلق الظاهر انا غير الناس قلت يمكن في احد ما يصيدة طلق قلت يا الله ننتظر موعد المركز موعد الاترساوند ما ولدنا فيه ننتظر الموعد الثالث اللي كان بتاريخ 17-12 في هذا اليوم كنت طالعة اتمشى وانا في السيارة احس بالالم في اسفل الظهر والم في تحت البطن قلت يمكن هذي ريح مالت الولادة ومهلت وياي تقريباً ازيد من 20 دقيقة قلت الى زوجي ودني المستشفى ما اقدر من الالم شكلي بولد وبس وصلت المستشفى ما فيه الم ولا شي كاني وحده جذابة دخلت الستشفى وفحصتني الا تقول لي واحد سانتي قالت روحي اكلي وبسوي لك تخطيط بعدين شفت رحت البيت وشفت ما فيه الالم قلت خلاص ما بروح الا اذا جاني الالم مرة ثانية وخلص اليوم وانا انتظر يرجع الالم مرة ثانية.

وكل يوم وانا اقول الى زوجي يمكن اليوم اولد ويقول شكلج ما راح تولدين اخر شي وصلت الى تاريخ 27-12 قلت خلني اروح حق تخطيط طوفت عن موعد المركز 10 ايام خلني اروح ومن رحت من الصبح على طول الا يقولون ما يصير وايد طوفتين وانخاف تنفصل المشيمة لازم الحين طلق صناعي وخلوني عندهم وحطوا علي تحميلة الاولى الساعة 11 ونص وما فيه فايدة بعده واحد سانتي وحطوا التحميلة الثانية الساعة 7 ونص المغرب ومن حطوه وابتدى الالم وزاد الالم الساعة 12 ونص الفجر وكل شوية اقول لها تعالي شوفي مو قادرة من الالم اتقول مو الحين ما يصير كل شوية اجيك وانا كلش بموت من الالم اتصلت على زوجي قلت اذا ما ولدت من الحين الى باجر على طول وقع على عمليلة مو قادرة من الالم .

يوم زاد الالم وتبدل الشفت قلت اليها تعالي شوفي مو قادرة بموت من الالم وجت بالموت رضت اتشوف لانن اتقول انتي بكر وبعدج بتتاخرين في الولادة واخر شي يوم مللتها الا تقول لي صار 3 سم ودوني غرفة الولادة من الساعة 4 الفجر انا اتالم حسيت كانه ملك الموت بجي في اي بحظة تميت وكل شوية تجي جده زوجي تمسح علي وتقراه علي آيات وما وصل 4 سم الا الساعة 10 ونص الصبح وكل ساعتين يزيد واحد سم وكل ما يحطون التخطيط يزيد الالم والاهل كلهم بره خايفين وينتظرون وكل شوية اسمع احد يتصل يسال يقولون لهم بعدها وما ولدت وكل اللي دشوا وياي ودشوا عقبي ولدوا الا انا اخر وحده ولدت ويه الاذان المغرب الساعة 5 وربع واخر شي قالوا يا الله دفعي حاولت ادفع ادفع ماقدرت اخر شي قالوا يا الله دفعي الياهل تعبان قلبةدقات قلبة ضعيفة ما قدرت تعبت وفي الاخير ما ادري وش صار على بالي انا دفعتة الا تقول لي شفطناه وطلع واسمع صوتة وحطوه على صدري حسيت كل الالم راح وما اعرف هاللحظة اصيح اضحك وعقب ما خيطوني وكل شي طلعوني بره واشوف الكل متمجع ينتظروني ومستانسين


هذية قصة ولادتي ادري طولت عليكم الله يسهل عليكم وعلى كل حامل والله يرزق كل محرومة يارب العالمين


طبعاً انا تميت في المستشفى اسبوع كامل لان مان فيه ابوصفار كان موصل 23 ونص بس الحمد لله تشافى وصل يوم اللي عطوني اياه يوم الخميس 8 والحين الحمد لله وصل 3 يعني ما فيه شي