تعبت من زوجي..ساعدوني - منتديات عروس

s

shahad999

عروس نشيطة

08-01-2008 | 06:27 AM

السلام عليكم..يا اخواتي مشكلتي زوجي والكسل وعدم الأحساس بالمسؤولية..والله ما اعرف من وين ابدا بس بقول لكم باختصار في فرق في التعليم بيني وبين زوجي بس هذي مب هو السبب... زوجي كسول ما يحب يتحمل مسؤولية يعني انا قايمة بكل شي دور الرجل والمرأة مع اني اشتغل من الساعة 8 لين 4 العصر ارجع البيت تعبانة والحمدلله ان عندي شغالة المهم بعد ما اتغدى اقعد مع بنتي لأني ما اجوفها هيه تكون في الحضانة ...في هذي الوقت زوجي ينام وما يقوم الا لما يأذن العشاء..ويقعد يجوف تلفزيون او يكلم اخوانه الساعة 11 انا اكون هلكانة ابي انام وبنتي تنام ..وزوجي يقعد بروحه يعني صرنا ما نتلاقى...وهو معتمد علي في كل شي يعني حتى مصابيح البيت امس انا والشغالة قعدنا نركب وهو يطالعنا.. السيارة صار لها فترة خربانة ما يوديها الصلاح...البيت ما في فواكه ولحوم...ما صرت احس بوجوده ما صرت احس ان عندي زوج اعتمد عليه ويشيل المسؤولية عني والله كل الي يجوفني يقول شكلج تعبانة...انا صدق تعبانه من كثر المسؤولية احسها اكبر من عمري..حتى في المصروف يباني انا ادفع لأن راتبي اعلى من راتبة بوايد بحكم شهادتي بس والله ما اقصر ولا اقوله شي من هذي الناحية لأن الفلوس ما تهمني وانا الحمدلله جايفة خير.والشي الي ينفرني منه زيادة ان ما يصلي ابد حتى لو يجوفني اصلي جدامه ما يقوم وحاولت معاه وايد بس ما في فايدة..طبعا هذي كله صوب واهله صوب ثاني الي دايما يخلقون المشاكل بينا...

والله لو اتكلم لين الصبح ما بخلص بس بديت احس بفتور ناحيته..احس قلبي فاضي ما صرت احس بالأمان معاه..فكرة احمل مرة ثانية يمكن العلاقة تتحسن بس اخاف ان زوجي ما يتغير وتزيد المسؤولية علي
ساعدوني

B

Boo0ooBle

عروس فضية

08-01-2008 | 06:53 AM

السلام عليكم ..

اختيه الفرق بين المسلم والكافر هي الصلاة ..هذا أولآ

انتي خليتي زوجج يعتمد عليج .. حاولي تاخذين إجازه من الشغل ولا أستقيلي أحسن وخليه هو اللى يشتغل ويتحرك..وبتشوفين كيف إن شاءالله بيتغير .. ولا تسوين شي جدامه ..يوم بتحتاجين شي اتكلمي وقوليله ..عشان يحس انكم محتاجين مساعدته..
واختي الصلاه ركن من أركان الأسلام ..لازم تفهمينه وإذا مارضى أسألي أي شيخ علم عن وضعج معاه ..
والله يهديه يارب العالمين..

u

umjana79

عروس ركن قضايا و حلول

08-01-2008 | 08:42 AM

السلام عليكم ورحمه الله وبركاته ...

اختي اقولج الحل ,, وتسوينه ؟ بس يبي لج صبر ... معاي !

حبيبتي .... في بنات اقترحوا عليج انج تاخذين اجازه ,, اخذي اجازه ... بما ان زوجج يشتغل .. وتعرفين مقدار صافي راتبه اذا ماعليه ديون ولا فواتير ... شوفي الي انتي تدفعينه شنهو بالضبط ..

مثلا اذا انتي تدفعين التليفون والكهربا .. وفلوس الخدامه .. لا تدفعين مثلا التليفون .. وخليه لين ينقطع ,, ودفعي تليفونج بس ... واذا كلمج ... قولي له اعتقد عندك راتب ... ادفع التليفون .. وقولي له اذا ما يبي يدفع اي شي بالبيت خليه يوفر لج المصروف ,, حتى لو كان رمزي عشان تحسين ان يشارك بالمسؤوليه ..

اذا انتي الي تشترين ماجله البيت .. حاولي تخلينه هو الي يوديج السوق .. واشتري الي تبين .. وسوي نفسج نسيتي المحفظه في البيت وقولي له ماعندي فلوس ادفع الماجله ...

بالنسبه لج سوي اغراضج انتي ,, وخليه هو .. يعني السيارة الي اختربت .. اذا هي مب سيارتج .. خليها تولي .... مرده بيصلحها اذا احتاجها ...

هل حاولتي انج تقعدين معاه وتفتحين الموضوع .. هل كلمتيه .. حاولي تقعدين معاه في يوم اجازتج .. وتكلمينه بالي يضايقج .. وشوفي شنو رده ...
بالنسبه لامور البيت الي تحسين ان الريال الي المفروض يسويها .. ترى بقولج شغله ,, انا احيانا يكون عندي شي بالبيت مخترب ... وزوجي يدش ويطلع ولا يهتم .. مب عشان ان ما يبي يسوي .. بس ينسى .. اذكره بالموضوع مره واثنين وعشر ,,,, بس ما اسويه ,, لان هالشي صوب الريايل ... وشغلتهم .. حتى لو اقدر اسوي .. هالشغله بعد اخليه يسويها .. ..

ماجله البيت يمكن انا افضل ان الحرمه تشتريها .. انا كم مره طرشت زوجي يشتريها ويرجع لي باشياء غلط .. او ما يشتري نفس الي اطلبه ,, فالحل اني كنت اروح معاه .. او اشتري بنفسي . بس الاغلب اني اروح معاه .

سامحيني طولت عليج .. بس ابي احاول افيدج . بالنسبه للفتوره .. اختي ... التفور لازم يصيدج شغل لين الساعه اربع .. وبنتج والبيت على راسج .. ما يبقى شي ما تسوينه لازم يصيدج هالشي .. وزعي مسؤوليتاج ... واعتقد انج تحتاجين اجازه ,, هذا اذا ما خذيتي اجازه من قبل .

حاولي تكلمينه ..وبعد ما تكلمينه قولي لنا شنو صار ,, وبفيدج ان شاء الله بالي تبينه .. انا وخواتي هني ..

تحياتي لج ام جنى

ع

عنفوان أنثى

عروس مبدعة

08-01-2008 | 09:06 AM

أخــتي ليه الأعتمااااااااااد

كذا عليــكـ

نصيحه مــني

غيري حياتكـ

انا عمتي كذا نفسك بالظبط

بس عمرها مااعاشت مرتاحه اعصابها مشدوده جاتها الأمراض

وزوجها ولاااااايحرك، ساكن الحمدالله والشكـر

ح

حلمي اكون عروسه

عروس مبدعة

08-01-2008 | 09:50 AM

صدق كلاااام خواتي الله يعطيهم العافيه

واختي Noor 1979 كفت ووفّت يزاها الله خير

سوي بنصيحتها وشوفي وخبرينا ,, وان شاء الله تتحسن امورج للافضل

s

shahad999

عروس نشيطة

08-01-2008 | 11:55 AM

مشكورين اخواتي على ردكم

كلامج منطقي اختي نور وان شاء الله راح ابدا

ع

عيوش 5

عروس فضية

08-01-2008 | 12:09 PM

الاخوات ماقصروا كفوا ووفوا انا بس حبيت اقولك انك تستعين بالله العزيز بالدعاء ادعي له بصلاتك ان ربي يهديه ويحنن قلبه عليك ويجعل بينكم مودة ومحبة وحاولي تتقربين منه ولاتحسسينه بالفرق في المستوى التعليمي اللي بينك وبينه يارب يصلح جوزك ويهديه ويصلح فيما بينكم (*):15:(*):15:

l

loloalsageera

عروس رائعة

08-01-2008 | 01:03 PM

هديل5;4931874:
الاخوات ماقصروا كفوا ووفوا انا بس حبيت اقولك انك تستعين بالله العزيز بالدعاء ادعي له بصلاتك ان ربي يهديه ويحنن قلبه عليك ويجعل بينكم مودة ومحبة وحاولي تتقربين منه ولاتحسسينه بالفرق في المستوى التعليمي اللي بينك وبينه يارب يصلح جوزك ويهديه ويصلح فيما بينكم (*):15:(*):15:

هلا عزيزتي انا كنت نفسج وحاولت وايد
وعدة مرات طلبت الطلاق وبعدين فكرت بعيالي
وهو نفس الوقت معتمد علي في كل شي وين
راح يلاقي حرمه مريحته ومتحمله كل المسؤليات
والله اني مايئست من رحمه الله وادعي والح بالدعاء
ان الله يهديه ويحنن قلبه علي وعلي عياله والله العظيم
انه تغير للاحسن صحيح بعده فيه عيوب بس الله قادر علي
كل شيء وهو بالاخير راح يقدر وانا احاول جاهده اني اغيره
للاحسن والله المعين صحيح اني عصبيه لاني ما ارضي
بالغلط متل الصلاه مايصليها بوقتها ولو ادكره بوقتها يعاند وهو
عارف انه غلطان بس العناد الله يهداه ففكرت شلون اخليه
يصلي فقمت اقول لعيالي يالله ماما نروح نصلي عشان الله
يرزقنا وهو والله قام يستحي
الزبده المحاوله بالاصلاح والدعاء عسي الله يهديه ادري طولت
بس والله هالطرق ناجحه وتقبلي مروري