من المشروبات الساخنه المفضله عندي بفصل الشتا السحلب وطريقته السهله والطيبه :
كوبين او اكتر حليب كبار سخنيهم على النار وحليهم بالسكر حسب رغبتك ولما يبدا بده يغلي بتكوني حضرتي على جنب في صحن تاني ملعقتين نشار كبار مش مليانين مع قطرتين ماء الورد وممكن تضيفي اي نكهه بتحبيها . ممكن مسكه عربيه طعمها روعه كمان.. بتحطي على النشا حليب بارد وبتحركيه منيح وبتضيفي للحليب اللي عم بيغلي وبتضلي تحركي بدون توقف لنص دقيقه ..
بيكون الحليب صار تقيل وتكون السحلب .. صبي في كوب ورشي على الوجه جوز هند مبشور وقرفه مطحونه رشه خفيفه وممكن مكسرات اذا عندك .. انا حطيت فستق حلبي ومرات بستعمل لوز محمص او جوز .. وصحه وهنا ..
وهادي صورته جاهز ....
ما تنسوا تقولولي رأيكم ...
