بنات اشلونكم
بقولكم مشكلتي على طول وبعد الله مالي غيركم مااحب اشاور احد ولا اشكي حق احد لان ادري ان انا الغلطانة
الله يسلمكم انا عندي بنتي الكبيرة عمرها 13 سنة واهيا من زواج سابق بس عايشة معاي اهيا واخوانها وخواتها مع زوجي كلنا في بيت واحد
المشكلة ان بنتي هذي جااااااافة بمشاعرها حيل حيل
وهم مادية بدرجة فظيييييييعة كله يمة ابي اشتري سوي ابي اشتري لي سفريني وكلام طيب ما يطلع منها
واتكالية بدرجة فظيييييييييييييعة كل شغلها على الخدم وماعندها استعداد ان تشيل عود من الارض بس بالمقابل مجابلة دراستها وصلاتها وهالشي اللي مريحني منها وان ولله الحمد ماعندها سوالف المراهقات
بس الحين نيجي حقي انا
انا وايد صديقتها واسولف معاها وكل شي بس اذا غلطت اطوف مرة ومرتين وثلاث لين انفجر واذا انفجرت اضربها ضرب مو طبيعي
وهاللي مضايقني حيل حيل حيل
ان مافي احد في البيت ينضرب غيرها والسبة اطباعها
يعني مثلا امس تهاوشت مع اخوها وقامت تضربه انا عصبت عليهم المهم جبتها وكلمتها وقلت لها ياماما يا حبيبتي انا اتوقع منج ان انتي بنتي الكبيرة انتي السنعة انتي الحنونة وعطيتها من هالكلام اللي لين قلت بس وقلت لها اذا تضايقتي من اخوج لا تضربينه قولي لي وانا اتصرف معاه
المهم
اليوم انا كنت راجعة من المستشفى لان بناتي الصغار الثنتين فيهم ربو وحاطين لهم كمام وعفسة ونفسيتي تحت الصفر وانا بالسيارة اتصل فيني اخوها واهوا يبجيييييييييي حيل حيل لانها ضاربته علشان ضيع راس قلمها
واهيا تصارخ ورا التلفون وانا بالي مشغول ماوعيت الا السيارة اللي جدامي واقفة وانا ياية بسرعتي ولزمن ذاك البريك اللي الجهال بالسيارة ورا كلهم طاحوا وانا قمت ارجف والله ستر علينا
واشتغلت فيني الاعصاب يعني امس انا قاعدة اعلم وافهم واخوها يستفيد ويتصل فيني واهيا تتصرف بهالطريقة
بدال لاتصير حرمة البيت وتشيل عني ذبحتني بتصرفاتها تروح عند ابوها جم يوم يرجعها علي والسبب انها تتخانق مع زوجته
تروح عند امي ترجعها علي والسبب انها تأذي ابوي وتاذي امي بتصرفاتها اكلمها اعاقبها احرمها من اشياء عزيزة على قلبها وضربها ماكو فايدة
المهم
اهيا بعد بكرة عيد ميلادها وكنا قاعدين نجهز حق عيد ميلادها وانا يوم تخانقت مع اخوها قلت لها اذا تكرر هالتصرف راح احرمج من عيد ميلادج
المهم رجعت البيت وطبعا مع اعصابي والضغط النفسي اللي علي شققت كل اغراض عيدميلادها نتفتهم وقلت لها ماكو عيدميلاد
اهني اهيا قامت تضرب نفسها وتطول لسانها وتقولي انا بروح اعيش عند ابوي
ماوعيت بنفسي الا وانا اضربها بوحشية حيل حيل حيل وطلع منها دم ووايد ضربتها
بصراحة انا وايد متضايقة من نفسي وايد وايد وايد
ومتضايقة منها
وابي طريقة اخفف اعصابي
وانا اعرف ان لمن اضربها مو قصدي اقومها كثر ما انا قاعدة اطلع الحرة مني فيها
وابي طريقة اقدر اقومها اعدل طريقتها واسلوبها
بنات لا تفتكرون اني مااحبها بالعكس اهيا اعز واحدة بعيالي والله يشهد انا اشكثر احبها وادلعها بس لا اعصب عليها انقلب واحدة ثانية وهاللي مضايقني
يعني اكثر من مرة حرمتها من طلعات
وحرمتها من اشياء عزيزة على قلبها
ضربتها
كلمتها
بس اهيا وايد جاااااااااافة ومن النوع اللي تكبت مشاعرها وايد وايد
اول مرة بحياتي اقول حق احد عن هالموضوع بس جد انا متضايقة وموقادرة انام
على فكرة ترى بنتي من النوع اللي برة البيت جدا مؤدبة وذربة
والكل يمدح فيني ويقولي والله وعرفتي تربين بس داخل البيت اهيا شي ثاني
جد بنات ابي حل
والا اشرايكم استشير احد متخصص
بليز ساعدوني
عن جد انا مكتئبة
مشكلتي مع بنتي والسبب انا دبروني؟؟؟؟
B
07-01-2008 | 05:18 AM
P
07-01-2008 | 08:03 AM
اختى لا توجد تربيه بالضرب من الممكن ان تحرميها من النزول او الفسح او من ان تكلميها بس الضرب يعلم الجفاء لا حول ولا قوه الا بالله حتى بجد البنت صعبت عليه عشان ضربت اخوه الصغير اصلا دول اطفال خبرتهم قوليله نعلمهم الضرب او الشتيمه ازاى بس حتى خافى عليه ان جزها يضربها اما تكبر لانها اتعودت على كيده اختى خديها فى حضنك و عقبيها بطرق تربويه و اقراى اكثر عن التربيه و عاهديها انم مش هتضربيها تانى .
اتمنى من الاخوات ان يفيدوكى اكثر
اتمنى من الاخوات ان يفيدوكى اكثر
ت
07-01-2008 | 08:45 AM
الله يسامحك يا اختي
احنا نقول ونكرر ان التربيه الصحيحه
مو بالضرب
يا اختي اليهال الصغار المفروض ما نطقهم مع ان لما يكبرون
احيانا ينسون الضرب ولكن عقل الباطن يسبب لهم عقد نفسيه
من غير ما نعرف من شنو تعبانين
فما بالج بنتج عمرها 13 سنه بتتذكر كل هالقسوه منج خصتا
انها بسن مراهقه
انا اقول لج حمدي ربج والله احمدي ربج وشكريه
انها بهذا الوقت بالسن الحرج انها ما عندها سوالف وتقلبات وغيره
مثل ما نشوفه ببنات الحين
اشوه انها تدرس وتصلي وفي الي اكبر منها ليلحين ما يصلي
الاشياء الثانيه مقدور عليها
انتي السبب عصبيتك بهدلتها وبهدلتك
الحين حتى اخوانها وخواتها ما بيحترمونها وبيشتكون عليها
بسبب او من غير سبب
الله يسامحك بس ما شفتي الا الطق
معلش يا اختي في مليون سبب وسبب يخليج تحلين
مشكلتها بس مو بالضرب ابدا .....
اذا اهيه تطلب منك فلوس وغيره على قولتك
فهذا حال كل البنات الي بسنها
كل البنات بسنها يبون يلبسون ويبون اشياء يشوفونها عند غيرهم
هذا الشي طبيعي بسنها فتره وتزول
وهواشها مع اخوها ممكن حله بشكل ودي جدا
انج تقعدين معها قعده مصارحه تشوفين اهيه ليش تسوي جذي
لا تقولين ما ينفع الكلام
يمكن هي تحتاج تسمعينها اكثر ما تنصحينها
الله ان شاء الله يشرح لك صدرك ويطول بالك
والصبر يا اختي الصبر على التربيه
ولك الثواب ان شاء الله
والكاظمين الغيظ
وديري بالج على روحج من هالعصبيه
الله يخليج لعيالج هم محتاجينج وانتي صاحيه معافيه
مو تمرضين روحج بروحج بعصبيتك
الله يوفقك ويسعدك
اللهم امين
احنا نقول ونكرر ان التربيه الصحيحه
مو بالضرب
يا اختي اليهال الصغار المفروض ما نطقهم مع ان لما يكبرون
احيانا ينسون الضرب ولكن عقل الباطن يسبب لهم عقد نفسيه
من غير ما نعرف من شنو تعبانين
فما بالج بنتج عمرها 13 سنه بتتذكر كل هالقسوه منج خصتا
انها بسن مراهقه
انا اقول لج حمدي ربج والله احمدي ربج وشكريه
انها بهذا الوقت بالسن الحرج انها ما عندها سوالف وتقلبات وغيره
مثل ما نشوفه ببنات الحين
اشوه انها تدرس وتصلي وفي الي اكبر منها ليلحين ما يصلي
الاشياء الثانيه مقدور عليها
انتي السبب عصبيتك بهدلتها وبهدلتك
الحين حتى اخوانها وخواتها ما بيحترمونها وبيشتكون عليها
بسبب او من غير سبب
الله يسامحك بس ما شفتي الا الطق
معلش يا اختي في مليون سبب وسبب يخليج تحلين
مشكلتها بس مو بالضرب ابدا .....
اذا اهيه تطلب منك فلوس وغيره على قولتك
فهذا حال كل البنات الي بسنها
كل البنات بسنها يبون يلبسون ويبون اشياء يشوفونها عند غيرهم
هذا الشي طبيعي بسنها فتره وتزول
وهواشها مع اخوها ممكن حله بشكل ودي جدا
انج تقعدين معها قعده مصارحه تشوفين اهيه ليش تسوي جذي
لا تقولين ما ينفع الكلام
يمكن هي تحتاج تسمعينها اكثر ما تنصحينها
الله ان شاء الله يشرح لك صدرك ويطول بالك
والصبر يا اختي الصبر على التربيه
ولك الثواب ان شاء الله
والكاظمين الغيظ
وديري بالج على روحج من هالعصبيه
الله يخليج لعيالج هم محتاجينج وانتي صاحيه معافيه
مو تمرضين روحج بروحج بعصبيتك
الله يوفقك ويسعدك
اللهم امين
ا
07-01-2008 | 08:55 AM
عزيزتي
الله يكون بعونج
انا مقدره حالتج
وعارفه حبج لبنتج وضغوط التربيه والعيال والزحمه
بس تصدقين كل العيال جذيه في البيت تطلع جنونهم حتى لو هم مادبين ذربين برى البيت
بنتج يمكن ظروفها وانها عايشه بين والدين مطلقين ماثر عليها بس بشكل غير واضح يعني لاشعوري فتطلع حرتها بالصراخ والهواش
بعدين بنتج تراها للحين صغيره صدقيني فيه بنات اكبر منها للحين ما اعتمدوا على انفسهم ولا اهلهم اتكلوا عليهم
نصيحتي لج مبدئيا اذا حسيتي انج خلاص بتطقين اطلعي غرفتج وصكي الباب
واعذريني اذا قلت لج انتي اللي لازم تراجعين مختص الحمد لله مافيج شي وفيه امهات ياما يطقون عيالهم ويكبرون العيال وينسون ويظل حبهم لاهلهم بس عشان تتعلمين تسيطرين على غضبج
وممكن تدورين على النت وراح تالقين
بس تراجعين بنفسج احسن
واتمنى لج التوفيق والحياة السعيده
والله يخليلج عيالج ولا يحرمهم منك
الله يكون بعونج
انا مقدره حالتج
وعارفه حبج لبنتج وضغوط التربيه والعيال والزحمه
بس تصدقين كل العيال جذيه في البيت تطلع جنونهم حتى لو هم مادبين ذربين برى البيت
بنتج يمكن ظروفها وانها عايشه بين والدين مطلقين ماثر عليها بس بشكل غير واضح يعني لاشعوري فتطلع حرتها بالصراخ والهواش
بعدين بنتج تراها للحين صغيره صدقيني فيه بنات اكبر منها للحين ما اعتمدوا على انفسهم ولا اهلهم اتكلوا عليهم
نصيحتي لج مبدئيا اذا حسيتي انج خلاص بتطقين اطلعي غرفتج وصكي الباب
واعذريني اذا قلت لج انتي اللي لازم تراجعين مختص الحمد لله مافيج شي وفيه امهات ياما يطقون عيالهم ويكبرون العيال وينسون ويظل حبهم لاهلهم بس عشان تتعلمين تسيطرين على غضبج
وممكن تدورين على النت وراح تالقين
بس تراجعين بنفسج احسن
واتمنى لج التوفيق والحياة السعيده
والله يخليلج عيالج ولا يحرمهم منك
l
07-01-2008 | 09:28 AM
أختي تدرين ليش بنتج تضرب أخوها؟
لأنها تعلمت منج انج تضربينها فشلون تبينها تتقبل نصيحه منج وانتي بروحج ماتطبقينها؟؟
يعني بتقول بضرب أخوي عادي أكا أمي تضربني..
ويمكن العنف اللي فيها سببه انها شافت خلافات أو شي كان بينج وبين طليقج
كلميها بالطيب مرة ومرتين وعشر،، واذا كررت الغلط لا تصارخين عليها بس اكتفي انج تحرمينها من أشياء تحبها بس بدون ما تصارخين عليها عشان تحس لأن الصراخ مايخليها تتقبل نصيحه منج
ومافي ضرر إنج تستشيرين متخصصين في التربيه يفيدونج ويقولون لج شنو سبب هالعنف في بنتج
الحمدلله ان بنتج محافظه على صلاتها ودراستها وانتي امدحي فيها عشان ترتفع معنوياتها وماتحس روحها مظلومه من بين اخوانها
الله يساعدج أختي ويهدي بنتج
لأنها تعلمت منج انج تضربينها فشلون تبينها تتقبل نصيحه منج وانتي بروحج ماتطبقينها؟؟
يعني بتقول بضرب أخوي عادي أكا أمي تضربني..
ويمكن العنف اللي فيها سببه انها شافت خلافات أو شي كان بينج وبين طليقج
كلميها بالطيب مرة ومرتين وعشر،، واذا كررت الغلط لا تصارخين عليها بس اكتفي انج تحرمينها من أشياء تحبها بس بدون ما تصارخين عليها عشان تحس لأن الصراخ مايخليها تتقبل نصيحه منج
ومافي ضرر إنج تستشيرين متخصصين في التربيه يفيدونج ويقولون لج شنو سبب هالعنف في بنتج
الحمدلله ان بنتج محافظه على صلاتها ودراستها وانتي امدحي فيها عشان ترتفع معنوياتها وماتحس روحها مظلومه من بين اخوانها
الله يساعدج أختي ويهدي بنتج
غ
07-01-2008 | 09:43 AM
اختي العزيزه...انتي الام انتي السند انتي الحنان ... انتي العقل..
بصراحه لازم تحاولي انج ماتضربيها... لانها فعمر المراهقه وراح ياثر عليها ..ويتخزن كل شي فعقلها
ورايي انها تضرب وتلجا لضرب اخوانها ..بدال ماتتفاهم معاهم ...
لانها تشوف طريقتج فتعاملها !!
انتي صح تحاولي تتفاهمين معاها ..بس النهايه شو تكون ضرب...
يوم بتشوفينها تغلط خذيها بغرفتج وسدي الباب..
وكلميها بينج وبينها بس بنبرة صوت تكون فاهمه ان اللي تسويه غلط...
وحاولي تكررين هالطريقه كذا مره ... مب مره والا مرتين..
وان شاءالله تتقهم ...
وحاولي قولي لعيالج الصغار انهم يحترمونها ...
قبل لاتظهرين واي شي يبونه يطلبو من اختهم ..
وعطيها بووووسه كبيره لها ولاخوانها البقيه وقوليلها تحملي باخوانج ..امانه..وان شاءالله يوم برجع لج هديه ^^:"
وطبعا الهديه الكبيره الها هي والبقيه تكون هدايا الهم بعد لانهم سمعو الكلام ...وهكذا..او تقوليلهم انج بتطلعيهم اليوم المكان اللي يحبوه لو سمعو الكلام ...وشذا..
يعني لازم يكون حافز تشجيعي منج الها ..
وان شاءالله تتفاهمون ..
بس حبيتها البنت الصغيره ماشاءالله عليها عجبني فيها انها قريبه من ربها ^^:"
وها ان دل دل على تربيتج لها ..ربي يخليكم لبعض ان شاءالله ...
تحياتي
أم أحمد .. ^^ ...
بصراحه لازم تحاولي انج ماتضربيها... لانها فعمر المراهقه وراح ياثر عليها ..ويتخزن كل شي فعقلها
ورايي انها تضرب وتلجا لضرب اخوانها ..بدال ماتتفاهم معاهم ...
لانها تشوف طريقتج فتعاملها !!
انتي صح تحاولي تتفاهمين معاها ..بس النهايه شو تكون ضرب...
يوم بتشوفينها تغلط خذيها بغرفتج وسدي الباب..
وكلميها بينج وبينها بس بنبرة صوت تكون فاهمه ان اللي تسويه غلط...
وحاولي تكررين هالطريقه كذا مره ... مب مره والا مرتين..
وان شاءالله تتقهم ...
وحاولي قولي لعيالج الصغار انهم يحترمونها ...
قبل لاتظهرين واي شي يبونه يطلبو من اختهم ..
وعطيها بووووسه كبيره لها ولاخوانها البقيه وقوليلها تحملي باخوانج ..امانه..وان شاءالله يوم برجع لج هديه ^^:"
وطبعا الهديه الكبيره الها هي والبقيه تكون هدايا الهم بعد لانهم سمعو الكلام ...وهكذا..او تقوليلهم انج بتطلعيهم اليوم المكان اللي يحبوه لو سمعو الكلام ...وشذا..
يعني لازم يكون حافز تشجيعي منج الها ..
وان شاءالله تتفاهمون ..
بس حبيتها البنت الصغيره ماشاءالله عليها عجبني فيها انها قريبه من ربها ^^:"
وها ان دل دل على تربيتج لها ..ربي يخليكم لبعض ان شاءالله ...
تحياتي
أم أحمد .. ^^ ...
م
07-01-2008 | 11:22 AM
السلام عليكم
كل الأخوات اللي قبلي قالوا كلام عين العقل
بس انا اقولك لاحظي اختي
انتي تقولي ان بنتك برى البيت مؤدبة وذربه بس في البيت يتغير حالها
هذا ايااختي بنتك عندها كبت وعندها مقدار من الغضب كبييييير حيل حيل وسبب هالغضب هو يا منك او من ابوها يعني لأنكم مطلقين ويمكن تحس انها مشتته بين هذا وهذا وتبين غضبها من ضرب اخوها وتمردها
حاولي انك مثلا اذا هي ترىض انك توديها لطبيب نفسي يقدر يزيل الغضب المكبوت عندها
او انتي حاولي تفرغينه بأنك تاخذيها في حضنك دائما وتبينين لها انك عصبيه وتضربيها وانتي ماتفكري بس بعدين تندمين حيل
" اعرف وحده كانت تضرب بناتها ومع الوقت صارت اذا تضربهم تمرض لدرجه انها تتنوم في المستشفى " انتبهي لا يصير حالك مثلها
وحاولي انك تشوفي هوايات بنتك شهني او انتي دربيها على شي يخليها تفرغ الغضب والكبت اللي عندها
واقرب طريقة هي الرسم هذا اول شي يسوه الأطباء النفسيين اذا جاو بيعالجوا الطفل يطلبون منه رسمه ومن الرسم يعرفوا بشنو يحسوا
موفقه ان شاء الله
كل الأخوات اللي قبلي قالوا كلام عين العقل
بس انا اقولك لاحظي اختي
انتي تقولي ان بنتك برى البيت مؤدبة وذربه بس في البيت يتغير حالها
هذا ايااختي بنتك عندها كبت وعندها مقدار من الغضب كبييييير حيل حيل وسبب هالغضب هو يا منك او من ابوها يعني لأنكم مطلقين ويمكن تحس انها مشتته بين هذا وهذا وتبين غضبها من ضرب اخوها وتمردها
حاولي انك مثلا اذا هي ترىض انك توديها لطبيب نفسي يقدر يزيل الغضب المكبوت عندها
او انتي حاولي تفرغينه بأنك تاخذيها في حضنك دائما وتبينين لها انك عصبيه وتضربيها وانتي ماتفكري بس بعدين تندمين حيل
" اعرف وحده كانت تضرب بناتها ومع الوقت صارت اذا تضربهم تمرض لدرجه انها تتنوم في المستشفى " انتبهي لا يصير حالك مثلها
وحاولي انك تشوفي هوايات بنتك شهني او انتي دربيها على شي يخليها تفرغ الغضب والكبت اللي عندها
واقرب طريقة هي الرسم هذا اول شي يسوه الأطباء النفسيين اذا جاو بيعالجوا الطفل يطلبون منه رسمه ومن الرسم يعرفوا بشنو يحسوا
موفقه ان شاء الله
س
07-01-2008 | 11:54 AM
[GRADE="00008B FF6347 008000 4B0082"][GRADE="FF1493 FF6347 008000 800080"]اسمحيلي اختي البنت كبرت وماتنضرب وانا اشوف انها محتاجه حنانج اخذيها بحضنج كلميها خصصيلها وقت تسولفون مع بعض ومن ضمن السوالف اضربيلها امثال لانه البنت كبيره وفي سن البلوغ والضرب مبزين لها ...اختي هذي الطريقه بتخلينها تنفر منج ...وصدقيني ما في حد غيرج قادر ايغيرها غيرج جربي وياها انج تتقربين منها وتحسسينها انج معتمده عليها طولي بالج وفي النها يه انتي بترتاحين ...[/GRADE][/GRADE]
B
07-01-2008 | 01:23 PM
آآآه ..والله ياختيه قلبي تقطع ودمعت عيني. 
.عطيني إياها انا أريدها إذا ماتبينها..
حراام عليج اللي تسوينه فيها ..هذي 13 سنه مب 31 ..هذي ياهل ..طفله ..لاتقولين طويله ..عريضه..في الصف الثامن..هي تعتبر طفله غصبن عنج..!
حرام تضربينها ..ابوها بعيد عنها وانتي عندج حبيبج بوعيالج..تفهمين يعني تحس انها لاتنتمي لكم ..
انا ولديه نفس العمر والله مغربلني من المشاكسات ويضرب اخته وقاهر المعلمات ورافع ضغطهن!!مع ذالك انا أعذره لأنه في سن بداية المراهقه وقاعد يقيس النبض ..إذا هو مهم بتكون ردة فعلي التوجيه بحُب..
أما إذا كنت ما أحبه بعامله بعنف وقسوة وهذا اللي قاعده تشوفه منج بنتج!!
الله يخليج لاتهدمين حياتها بإيدج وبسبب ضربج لها ..ولاتخلين اسلوب تربيتج لها اسلوب متزعزع..مره حب ومره ضرب مبرح!
افتحي صفحه يديده معاها واتأسفي منها..
والله ياختيه نحن نحسدكم على د.الخليفي لأنه موجود معاكم فى الكويت ..وفاتح مدارس تربي أجيال ماشاءالله ..
انصحج تستشيرينه ..
.عطيني إياها انا أريدها إذا ماتبينها.. حراام عليج اللي تسوينه فيها ..هذي 13 سنه مب 31 ..هذي ياهل ..طفله ..لاتقولين طويله ..عريضه..في الصف الثامن..هي تعتبر طفله غصبن عنج..!
حرام تضربينها ..ابوها بعيد عنها وانتي عندج حبيبج بوعيالج..تفهمين يعني تحس انها لاتنتمي لكم ..
انا ولديه نفس العمر والله مغربلني من المشاكسات ويضرب اخته وقاهر المعلمات ورافع ضغطهن!!مع ذالك انا أعذره لأنه في سن بداية المراهقه وقاعد يقيس النبض ..إذا هو مهم بتكون ردة فعلي التوجيه بحُب..
أما إذا كنت ما أحبه بعامله بعنف وقسوة وهذا اللي قاعده تشوفه منج بنتج!!
الله يخليج لاتهدمين حياتها بإيدج وبسبب ضربج لها ..ولاتخلين اسلوب تربيتج لها اسلوب متزعزع..مره حب ومره ضرب مبرح!
افتحي صفحه يديده معاها واتأسفي منها..
والله ياختيه نحن نحسدكم على د.الخليفي لأنه موجود معاكم فى الكويت ..وفاتح مدارس تربي أجيال ماشاءالله ..
انصحج تستشيرينه ..
م
07-01-2008 | 07:54 PM
انا مع كلاام خواتي ماقصرووا والله
والله يهدي بنتج ويصلحهاا ويحنن قلبج عليها امين ياارب
والله يهدي بنتج ويصلحهاا ويحنن قلبج عليها امين ياارب
د
07-01-2008 | 08:27 PM
السلام عليكم ورحمة الله وبركاته
بصراحة يا اختي حرام عليججججججججججججججججججججج
البنت تعبانة نفسيا وهالشي واضح من كلامك ... هيه احين بداية مراهقة يعني بداية اصعب مرحلة في مراحل الانسان العادي
فما بالج الي امها وابوها مطلقين وتعيش مع اخوان مو من ابوها مهما كانت تكتم لا تعتبرينها ما تحس ترى المراهق والطفل حساسيييييين وايد اكثر منا احنا يا الكبار
وهي تحاول تترجم احتياجاتها لكم بلفت الانتباه لها بتصرفاتها هذي خايفة تغفلين عنها باخوانها وخواتها وتنسينها وهي الي خل نقول شبه غريبة في البيت ...
مصير البنت بتكبر وبعد المراهقة بتعقل ... بس حراااااااااااااااااااااااااام عليج تضربينها والله من قلتي اضربها عورني قلبي ودمعت عيني ... هذي ضنااااااااااااج يا وخيتي
كل مرة تسوي شي اخذيها احبسيها بغرفه لحالها لمدة معينه بحيث لا انتي تعصبين عليها ولا هيه تعصب .. واول ما تهدا اعصابج كلميها بهداوة وبلييييييييييييييييييييييييين وفهميها
عطيها الاهتمام الاكبر بدون ما تحاول تلفت الانتباه له
يعني جوفي شنو ميولها هوايتها طلعي معاها يوم واحد مخصص لها بس ولطلعاتها قولي لها يا ماما انتي احين كبرتي ووديها معاج طلعات الحريم والا طلعات خواتج ونسوان العيلة حسسيها انج تهتمين في مرحلتها هذي عوضيها بحنان الام والابو ... هيه معتمدة عليج بشكل كلي وصعب تجوف انج مقسمة بين اشياء وايد وهيه تبيج لها بروحهاااااااااااااااااااااااااااا
دخلي عالمها فهميها احتويها قبل تقسين عليها
والله يحفظها لج ان شاء الله من كل شر
في أمان الله
بصراحة يا اختي حرام عليججججججججججججججججججججج
البنت تعبانة نفسيا وهالشي واضح من كلامك ... هيه احين بداية مراهقة يعني بداية اصعب مرحلة في مراحل الانسان العادي
فما بالج الي امها وابوها مطلقين وتعيش مع اخوان مو من ابوها مهما كانت تكتم لا تعتبرينها ما تحس ترى المراهق والطفل حساسيييييين وايد اكثر منا احنا يا الكبار
وهي تحاول تترجم احتياجاتها لكم بلفت الانتباه لها بتصرفاتها هذي خايفة تغفلين عنها باخوانها وخواتها وتنسينها وهي الي خل نقول شبه غريبة في البيت ...
مصير البنت بتكبر وبعد المراهقة بتعقل ... بس حراااااااااااااااااااااااااام عليج تضربينها والله من قلتي اضربها عورني قلبي ودمعت عيني ... هذي ضنااااااااااااج يا وخيتي
كل مرة تسوي شي اخذيها احبسيها بغرفه لحالها لمدة معينه بحيث لا انتي تعصبين عليها ولا هيه تعصب .. واول ما تهدا اعصابج كلميها بهداوة وبلييييييييييييييييييييييييين وفهميها
عطيها الاهتمام الاكبر بدون ما تحاول تلفت الانتباه له
يعني جوفي شنو ميولها هوايتها طلعي معاها يوم واحد مخصص لها بس ولطلعاتها قولي لها يا ماما انتي احين كبرتي ووديها معاج طلعات الحريم والا طلعات خواتج ونسوان العيلة حسسيها انج تهتمين في مرحلتها هذي عوضيها بحنان الام والابو ... هيه معتمدة عليج بشكل كلي وصعب تجوف انج مقسمة بين اشياء وايد وهيه تبيج لها بروحهاااااااااااااااااااااااااااا
دخلي عالمها فهميها احتويها قبل تقسين عليها
والله يحفظها لج ان شاء الله من كل شر
في أمان الله
ن
07-01-2008 | 08:46 PM
بجد احزنتيني و بكيتيني...
الغاليه...الاولاد نعمه و امانه...
و ادري انهاغاليه عليج...يمكن لانج تحسين انج مقصره
من الناحيه العاطفيه...و الخوات قالوا اللي كنت بقوله...
و فعلا الاخوان ما بحترمونها عقب...و ممكن يقولون
ضربتنا و تهاوشت و يانا...مع انها بس كلمتهم...
لانج فهمتيهم بتصرفاتج انها دايما الغلط و هم الصح...
ممكن هي تحس انها مب مستقره...عشان جيه تختلق المشاكل
سواء عندج او عند ابوها او بيت جدتها...
كل ما تحسين نفسج معصبه...
قولي (( اعوذ بالله من الشيطان الرجيم )) 3 مرات
قولي: (( ربي اغفر لي ذنبي و اذهب عني غيظي و اجرني من الشيطان ))
3 مرات...
طلعي معاها مرات...و روحوا (( لاسينزا جيرل )) و الا (( كليرز ))
تدرين عندهم سوالف بنات لعمرها...و خليها تختار اللي تبيه
مب بزياده طبعا...لا بس بحدود...
روحي معاها السينما و خلها تختار الموفي اللي تبيه باشرافج...
بيني لها انج واثقه فيها...
خلها مرت تطبخ و ياج...تسوي سويت...و امدحي اكلها...
امدحيها جدام الكل...حتى جدام امج و اخوانج و خواتج...
لانهم يشوفون بمنظارج انتي...لما تقولين عنها انها ما تسمع الكلام...
و انها عنيده...الخ...الكل بيشوف فيها هالشئ لو ما فيها...
غيري اسلوبج معاها...و انتي قلتيها...انتي السبب...
شيلي عنج هالعصبيه...سوي تمارين يوجا...و اشياء تهدي
خلي الاستغفار على لسانج...قربيها من اخوانها و خواتها...
سوو عزيمه كل اسبوع (( بس انتوا ))...سواء داخل البيت او برع...
يعني يكون اجتماع عائلي...وكل حد يقول اللي يبيه...
حطوا موضوع و ناقشوه...اسمعوا آرائهم بكل اهميه...
الله يوفقكم...و يسر امركم...و يهديها...
بغيت اسألج...شو علاقتها مع زوجك؟؟؟
هل تحترمه؟؟؟هل يعاملها باحترام؟؟؟
و الا يبين غلات عياله بس؟؟؟
الغاليه...الاولاد نعمه و امانه...
و ادري انهاغاليه عليج...يمكن لانج تحسين انج مقصره
من الناحيه العاطفيه...و الخوات قالوا اللي كنت بقوله...
و فعلا الاخوان ما بحترمونها عقب...و ممكن يقولون
ضربتنا و تهاوشت و يانا...مع انها بس كلمتهم...
لانج فهمتيهم بتصرفاتج انها دايما الغلط و هم الصح...
ممكن هي تحس انها مب مستقره...عشان جيه تختلق المشاكل
سواء عندج او عند ابوها او بيت جدتها...
كل ما تحسين نفسج معصبه...
قولي (( اعوذ بالله من الشيطان الرجيم )) 3 مرات
قولي: (( ربي اغفر لي ذنبي و اذهب عني غيظي و اجرني من الشيطان ))
3 مرات...
طلعي معاها مرات...و روحوا (( لاسينزا جيرل )) و الا (( كليرز ))
تدرين عندهم سوالف بنات لعمرها...و خليها تختار اللي تبيه
مب بزياده طبعا...لا بس بحدود...
روحي معاها السينما و خلها تختار الموفي اللي تبيه باشرافج...
بيني لها انج واثقه فيها...
خلها مرت تطبخ و ياج...تسوي سويت...و امدحي اكلها...
امدحيها جدام الكل...حتى جدام امج و اخوانج و خواتج...
لانهم يشوفون بمنظارج انتي...لما تقولين عنها انها ما تسمع الكلام...
و انها عنيده...الخ...الكل بيشوف فيها هالشئ لو ما فيها...
غيري اسلوبج معاها...و انتي قلتيها...انتي السبب...
شيلي عنج هالعصبيه...سوي تمارين يوجا...و اشياء تهدي
خلي الاستغفار على لسانج...قربيها من اخوانها و خواتها...
سوو عزيمه كل اسبوع (( بس انتوا ))...سواء داخل البيت او برع...
يعني يكون اجتماع عائلي...وكل حد يقول اللي يبيه...
حطوا موضوع و ناقشوه...اسمعوا آرائهم بكل اهميه...
الله يوفقكم...و يسر امركم...و يهديها...
بغيت اسألج...شو علاقتها مع زوجك؟؟؟
هل تحترمه؟؟؟هل يعاملها باحترام؟؟؟
و الا يبين غلات عياله بس؟؟؟
E
07-01-2008 | 11:12 PM
=") ..!
لا تضربينها موول !
انا من يوم صغيرة امي كانت تعاني من ظروف ومشاكل
واذا جبت درجات شينة بالمدرسة!
كانت تذبحني ضرب..
حتى اقل الاشياء كانت تصارخ عليّ
مسكينة امي ما الومها كان عندها ظروف الحمدلله عدت بخير
والله ردها لنا من جديد شرات العسل واحلى
فكبرت وكبر معي خوفي
صارت امي ابعد الناس إليّ
مع انها المفروض تكون اقربهم لي!
صِرت اخاف منها ولا اقول لها عن شي
لا تضايقت كل شي في صدري
عدا اختي الي كانت هي امي مب اختي مع انها ما تكبرني الا بسنتين
لكنها والله العظيم احتوت ضيقتي!!
صدقيني
كبرت وما اتذكر غير الكف الي خلا وجهي اخضر
مع انه امي طيوبة وتحبني !!
لكن الضرب اثر فيني وايد
حتى انه دفن شخصيتي !!! ولولا الله و العايلة ما رجعت نفس ما انا
حتى صادتني عقدة نفسية صرت اكلم روحي بروحي
ما اصادق احد
وكله وحيدة وما احب اخالط الناس!!
ومتشائمة درجة اولى
ابد يالغالية لا تمدين ايدج !!
البنت بتتعقد نفسياًً ...!!
يمكن حتى تبتعد عنج !! وما في ام تبا تخسر بنتها !!
اهي في فترة مراهقة ومن الطبيعي تكون شخصيتها جيه
حاولي تقوين قلبج وتصبرين !
استخدمي اساليب ثانية غير الضرب
لان الضرب يقسي القلوب ويبني الجفا!!
اذا استمريتي جذي
بتخسرين بنتج للابد !! ^^ حاولي تحتوينها!!
و اعيد واكرر
ايدج لا تمدينها يالغالية =")!
لج (f)
لا تضربينها موول !
انا من يوم صغيرة امي كانت تعاني من ظروف ومشاكل
واذا جبت درجات شينة بالمدرسة!
كانت تذبحني ضرب..
حتى اقل الاشياء كانت تصارخ عليّ
مسكينة امي ما الومها كان عندها ظروف الحمدلله عدت بخير
والله ردها لنا من جديد شرات العسل واحلى
فكبرت وكبر معي خوفي
صارت امي ابعد الناس إليّ
مع انها المفروض تكون اقربهم لي!
صِرت اخاف منها ولا اقول لها عن شي
لا تضايقت كل شي في صدري
عدا اختي الي كانت هي امي مب اختي مع انها ما تكبرني الا بسنتين
لكنها والله العظيم احتوت ضيقتي!!
صدقيني
كبرت وما اتذكر غير الكف الي خلا وجهي اخضر
مع انه امي طيوبة وتحبني !!
لكن الضرب اثر فيني وايد
حتى انه دفن شخصيتي !!! ولولا الله و العايلة ما رجعت نفس ما انا
حتى صادتني عقدة نفسية صرت اكلم روحي بروحي
ما اصادق احد
وكله وحيدة وما احب اخالط الناس!!
ومتشائمة درجة اولى
ابد يالغالية لا تمدين ايدج !!
البنت بتتعقد نفسياًً ...!!
يمكن حتى تبتعد عنج !! وما في ام تبا تخسر بنتها !!
اهي في فترة مراهقة ومن الطبيعي تكون شخصيتها جيه
حاولي تقوين قلبج وتصبرين !
استخدمي اساليب ثانية غير الضرب
لان الضرب يقسي القلوب ويبني الجفا!!
اذا استمريتي جذي
بتخسرين بنتج للابد !! ^^ حاولي تحتوينها!!
و اعيد واكرر
ايدج لا تمدينها يالغالية =")!
لج (f)
s
07-01-2008 | 11:48 PM
ا ذا اربنا انفصلو عن امهم وابوهم من الارجح والله لتربية ولنفسية انها تستقر ببيت ادكم يعني ماتروح الا بالسنه مرة واحدة لمدة شهر واحد فقط لاغير عند ابوها وهذا اريح لنفسيتها والله اعلم
B
08-01-2008 | 12:17 AM
يعطيكم الف الف عافية على تفاعلكم معاي وبصراحة انا قاعدة اقرى الردود اكثر من مرة علشان استفيد
الكلام اللي قلتوه صح
وانا من البداية قلت ان اسلوبي غلط ثم غلط ثم غلط
وانا مو راضية عن نفسي علشان جذي كتبت لكم
اختي ترانيم
قريت ردج اكثر من مرة وفعلا بنتي محتاجة اني اسمعها اكثر من اني انصحها
هالكلمة جدا حلوة ومؤثرة
النصيحة ثقيلة على اي انسان
فعلا لازم اسمع منها
اشكرج
الكلام اللي قلتوه صح
وانا من البداية قلت ان اسلوبي غلط ثم غلط ثم غلط
وانا مو راضية عن نفسي علشان جذي كتبت لكم
اختي ترانيم
قريت ردج اكثر من مرة وفعلا بنتي محتاجة اني اسمعها اكثر من اني انصحها
هالكلمة جدا حلوة ومؤثرة
النصيحة ثقيلة على اي انسان
فعلا لازم اسمع منها
اشكرج
B
08-01-2008 | 12:21 AM
اختي ازهار مبعثرة
ينتي الكبيرة واخوها اللي تضربه من زواج سابق
واهيا فعلا كثير متأثرة من الطلاق مع ان الطلاق تم من5سنواتوابوها على طول تزوج
واهيا تعرف ان حياتنا كلنا كانت مع ابوها مستحيلة
بس اهيا كثير متأثرة ولمن نقعد نسولف مع بعض تقولي حتى لو ابوي ماكان زين وماكنا نقدر نعيش معاه انا اتمنى ان نكون معاه في بيت واحد
هذا سبب جدا رئيسي بس شسوي لها والله اني قاعدة اسوي لها كل اللي اقدر عليه
ينتي الكبيرة واخوها اللي تضربه من زواج سابق
واهيا فعلا كثير متأثرة من الطلاق مع ان الطلاق تم من5سنواتوابوها على طول تزوج
واهيا تعرف ان حياتنا كلنا كانت مع ابوها مستحيلة
بس اهيا كثير متأثرة ولمن نقعد نسولف مع بعض تقولي حتى لو ابوي ماكان زين وماكنا نقدر نعيش معاه انا اتمنى ان نكون معاه في بيت واحد
هذا سبب جدا رئيسي بس شسوي لها والله اني قاعدة اسوي لها كل اللي اقدر عليه
ا
08-01-2008 | 12:52 AM
اختي انا وايد اصغر من اني انصحك شلون تتعاملين مع بنتك
بس اقدر افيدك بتجربتي مع حرمان الاب
حبيبتي حرمان الاب حاجة ما تتعوض خصوصا عند البنية لان هم الشي اللي تستمد منه الامان و الحنان و اذا فقدته ممكن تسوي اي شي تطلع قهرها فيه
و انتي باسلوبك هذا قاعدة تبعدينها و تحسسينها انها وحدة غريبة عن اخوانها بسبب انها مو عايشة
مع ابوها و هذا الاحساس قاتل لان البنت تحس انه مالها احد يحبها بهالدنيا
يعني في ام تضرب بنتها لحد ما تطلع الدم اسمحيلي اختي مهما كانت اعذارك فهي مو مقبولة
لان كل ضربة لبنتك بهل العمر و بهالوضع راح تخليها عدوانية و جافة اكثر و هذا الضرب و المعاملة ما راح تنساهم حتى لو تزوجت و صار عندها عيال
اتمنى اني ما قسيت عليك بس هذا الكلام عن واقع بالنسبة لفقدان الاب و الشعور اتجاه هالفقدان
و الله يوفق الجميع
بس اقدر افيدك بتجربتي مع حرمان الاب
حبيبتي حرمان الاب حاجة ما تتعوض خصوصا عند البنية لان هم الشي اللي تستمد منه الامان و الحنان و اذا فقدته ممكن تسوي اي شي تطلع قهرها فيه
و انتي باسلوبك هذا قاعدة تبعدينها و تحسسينها انها وحدة غريبة عن اخوانها بسبب انها مو عايشة
مع ابوها و هذا الاحساس قاتل لان البنت تحس انه مالها احد يحبها بهالدنيا
يعني في ام تضرب بنتها لحد ما تطلع الدم اسمحيلي اختي مهما كانت اعذارك فهي مو مقبولة
لان كل ضربة لبنتك بهل العمر و بهالوضع راح تخليها عدوانية و جافة اكثر و هذا الضرب و المعاملة ما راح تنساهم حتى لو تزوجت و صار عندها عيال
اتمنى اني ما قسيت عليك بس هذا الكلام عن واقع بالنسبة لفقدان الاب و الشعور اتجاه هالفقدان
و الله يوفق الجميع
B
08-01-2008 | 01:18 AM
غلا حمد كلامج حلو وراح اجرب هالطريقة....اخوها اهوا اللي بسنها تقريبا وانا كثير اقوله احترم اختك واهوا يموت يموت فيها وماتدرين اشكثر حنووووووووون وطيووووووووووب معاها وكل فلوسه لها...وبالفعل انا راح اجرب طريقتج اني انا اخلي لها مكانه بين خواتها الصغار وانها تصير مسؤلة عنهم
اختي مريام اشكرج جدا على المرور
وفعلا قبل انا كنت اوديها على نادي كاراتيه وكانت تحب اللعبة يعني بذيك الفترة مشاكلها قلت للنصف ولكن لظروف معينة ماقدرت اوديها هذي السنة وانشالله احاول اوديها السنة الجاية
سرمد الليل قلتي كلمة وايد اثرت فيني محد يقدر يغير بنتي غيري انا ادعي لي بليز ترى انا دايما احاول ان اللي ماحصلته بصغري عيالي يحصلون عليه والي امي مازرعته فيني احاول ازرعه بعيالي وصج هذا كل املي بالدنيا ادعي لي
اختي مريام اشكرج جدا على المرور
وفعلا قبل انا كنت اوديها على نادي كاراتيه وكانت تحب اللعبة يعني بذيك الفترة مشاكلها قلت للنصف ولكن لظروف معينة ماقدرت اوديها هذي السنة وانشالله احاول اوديها السنة الجاية
سرمد الليل قلتي كلمة وايد اثرت فيني محد يقدر يغير بنتي غيري انا ادعي لي بليز ترى انا دايما احاول ان اللي ماحصلته بصغري عيالي يحصلون عليه والي امي مازرعته فيني احاول ازرعه بعيالي وصج هذا كل املي بالدنيا ادعي لي
B
08-01-2008 | 01:28 AM
والله اني قاعدة ابجي وايد وايد متاثرة من ردودكم فعلا انا غلطانة....لمن اتذكر فعلا هذي بنتي حبيبة قلبي مافي شي بالدنيا يسوى اني اكسر بخاطرها بهالطريقة
وعلى فكرة اهيا واخوها عايشين معانا انا وزوجي وباجي اخوانها الصغار وزوجي يموت يموت عليها اهوا يوصلها المدرسة ويجيبها من المدرسة كل يوم واهوا اللي يصرف عليها ولمن يسافر يشتري لها وايد اشياء باختصار زوجي يعاملها اهيا واخوها احسن من عياله
الله لا يقول بنتي تخاف مني في يوم
الله لا يقول يبقى هالشي عقدة بقلبها وينغص عليها حياتها الله لا يقول
ماابي اخرب حياة بنتي بايدي
هذي بنتي الكبيرة اول فرحتي بالدنيا
هذي الحبيبة
عن جد انا متضايقة
عذروني مو قادرة اكمل الرد
وعلى فكرة اهيا واخوها عايشين معانا انا وزوجي وباجي اخوانها الصغار وزوجي يموت يموت عليها اهوا يوصلها المدرسة ويجيبها من المدرسة كل يوم واهوا اللي يصرف عليها ولمن يسافر يشتري لها وايد اشياء باختصار زوجي يعاملها اهيا واخوها احسن من عياله
الله لا يقول بنتي تخاف مني في يوم
الله لا يقول يبقى هالشي عقدة بقلبها وينغص عليها حياتها الله لا يقول
ماابي اخرب حياة بنتي بايدي
هذي بنتي الكبيرة اول فرحتي بالدنيا
هذي الحبيبة
عن جد انا متضايقة
عذروني مو قادرة اكمل الرد
ا
08-01-2008 | 01:35 AM
الله يسامحك اختي
اهي عندها نقص حنان بسبب انك وابوها منفصلين واخوانها الصغار عايشين عند امههم وابوهم
فقاعده تحط حرتها في لي حولها حاولي اختي تحن عليها وتطلعينها وتوسعين صدرها وضميها لصدرك وخليها تفضفضلك الي في خاطرها
اهي عندها نقص حنان بسبب انك وابوها منفصلين واخوانها الصغار عايشين عند امههم وابوهم
فقاعده تحط حرتها في لي حولها حاولي اختي تحن عليها وتطلعينها وتوسعين صدرها وضميها لصدرك وخليها تفضفضلك الي في خاطرها