شلونكم شخباركم
حبيت اعرض تجاربي مع كريمات الاساس اللي استعملتهااا ورايي في كل واحد فيهم وياليت كل وحده فيكم تحط لنا الاساسات اللي جربتها عشان نستفيد من بعض
اول شي انا نوع بشرتي مختلطه
ولونها حنطي فـاتح
بشرتي صافيه لكن مشكلتي كانت اني وايد شاحبه فكـان غرضي الاساسي من الكريم اساس انه يعطي بشرتي رونق وحيوية
يعني رايي بكريم الاساس يعتمد على : هل يورد بشرتي ولا لا
اوانا اكثر شي يناسب بشرتي الاساس المضغوط فاللي تحب المغوط خل تجرب اللي امدحهم
1. كريم اساس الموس من لانكوم
وايد ناعم على الويـه وهاذي الميزه الوحيده اللي فيه لكن ماناسب بشرتي وامي جربته بعد ماناسب بشرتها ما انصح فيه بالمره مع ان بشرتي مو دهنيه لكن حسيته يخليها تلمع
ماعجبني وماستخدمته وايـد وكريم دريم مات احسن منه بألف مره وبربع سعره (n)
2. كريم دريم مات من ميبي لين
هاي ثلاثه ارباع رفيجاتي يستخدمونه ووحلو عليهم لكنه ماناسبني لكني انصح تجربونه لانه ناسب وااايد نااس يعني اهو زين بس مو حق نوع بشرتي .. ناعم ويغطي العيوب (y)
ومن يومها عرفت ان الموس فونديشن ما يناسب بشرتي :D
3. جربت من ماكس فاكتور هلكريم اساس مضغوط لكن القديم
[EMAIL="http://www.maxfactor.com/images/products/face_pancake.jpg"]
كان عادي لا بـأس فيه وتغطيته مناسبه اكثر للي عندهم عيوب ببشرتهم رفيجتي ويهها كله حب شباب ناسبها وانا بعد ناسبني عشان لونه كان حلو لكن انقطع عن السوق فتره واضطريت ادور غيره
4. يوم انقطع عن السوق جربت ماكس فاكتور الثاني اللي شكله
وااااااايد حلووو وتغطيته تينن وفيه منه درجه تخلي الويه بنكش مورد ومنور وونااااااااااااااعم على الويه وطبيعي حبيته خلصت منه اثنين وقررت اجرب غيره << استخدمه للزيارات والعزايم عجبني
تقدرين تستخدمينه بماي وبدون على حسب التغطيه اللي تبينها .
5. جربت من كانيبو التوتال فنش
حسيته نفس ماكس فاكتور الاخيري رقم 4 ولكنه سعره اكثر وفيه منه درجه حلوة اللي اهي ال rose اللي تبي تشتريه خل تجرب الماكس فاكتور وتقارن بينهم لان انا ماحسيت بفرق بينهم
بعد تستخدمينه بالماي او بدون حسب التغطيه.
6. البودره المضغوطة من بودي شوب فظييييييييييييييييييييييييعة احلى شي استخدمته ناعمه وحلوة حق الديلي يوز خفيفه وطبيعيه ماتضر بشرتج وتغطيتها حلووة تقدرين تستخدمينها بدون ماي حق تغطيه خفيفه وبالماي حق تغطيه اثقل
وهاذي صورتها
7. واخيرااا .. الاساس اللي استخدمه الحين من كريولاين وعااجبني لكن مشكلتي مو متعوده على الليكود كله مضغووط
يعني انا اقولكم احسن اثنين جربتهم
1. حق الاستخدام اليومي بودره بدي شوب المضغوطه خفيفه وحلوة وطبيعيه
2. حق الطلعات والعزايم عجبتني ماكس فاكتور الذهبيه .
3. وفي نوع اخيري حق سهرااات ماعليه كلااااام اللي اهو من كريولاين صحيح مايستخدمونه الا خبراء التجميل ماتلاقين احسن منه حق السهرات تغطيـه ولا احلىى بس وايد ثقيل للايام العاديه
ماحصلت له صورة لكن اسمه supracolor fleshtone روحوا كريولاين وسالوا عنه بيعطونكم اياه
تبون تعرفو شنو اقصد بتغطيه ثقيله ؟؟
جيكي الصورة هاذي حجمها كبير وماقدرت اضيفها بالموضوع
http://go.3roos.com/nGWzPgVkgN5
يلاا باي باي (f)(f)(f)
