كيف اقابل زوجي جاي من اسبوع العسل

اذا انتي واااثقه من انه يحبك ويشتاقلك وانك مومقصره عليه في شي لا تتنازلين وتخلين هالامر يمر بسهوله

اوك تزوج انتهينا منها لو اتفقنا انك ضحكتي معه وتنازلتي ورضيتي بسهوله والله ان يااكل حقوقك كلها

ويفرق

بالعكس بينيله انك تحسين وتعرفين شي اسمه ظلم وعدم مراعاة حقوق

انسي انك مشتاقتله والله االعقل يحضر هنا

خليك طبيعيه وحسسيه انه جرحك وانه لو بعك بتبيعينه بس بحكمه ودرايه

مو بطولة اللسان والصياح

واللله يرده لك سالما غانما يارب

شوفي ياعيني انتي بالعصبيه والانفعال بتزيدين الطين بله وهذي الفرصه اللي تتحينها طبينتك

وانتي المفروض تصيرين اكثر حكمه واكبر بالعقل والتخطيط وامشي معنا خطوه بخطوه وان شاء الله

بنلاقي لك الحلول المناسبه واهم شيء انك تهدي الوضع بقدر الامكان تمسكين اعصابك

ادري بيكون صعب عليك لكن هنا بتثبتين له ولزوجته شجاعتك وقوة تحملك فهمتيني قلبي

وانتبهي تعطين مرته فرصه بانه تتوحد فيه انتبهي لان اقل حركه او سوء تفاهم بينك وبينه على طول بيروح لها

وهذا اكبرامنياتها حتى تتوحد فيه وتحببه في مكانها وتعمل على اقصى من طاقتها علشان تكسبه وتملكه

وتجذبه لها وحدها فالله الله بالعقل والحكمه في جميع الامور طيب

اول حاجه اذا اتصل لك وقال بيتاخر والا شي لا تثورين وتسببين مشاكل انتي في غنى عنها

وبعد ماتدرين اشظروفه يمكن يكون الحجز اللي ماخره او ظروف خارجه عن ارادته

اوهي استقلت الفرصه علشان تخلق لكم مشاكل يوم قالك بجي قريب وعارفه انهذا بيزعلك

واقنعته على التاخير مليندرى كل شي جايز

عادانتي انتبهي هنا وخلك اشطر منها وحطي في بالك انه بالزعيق والخناق بتتعقد الامور اكثر

وبيكره جيته لك ويبدا يبتعد بالتدريج فعلشان كذا اقولك كثري الاستغفار واقري البقره ودائما تعوذي من ابليس

ونفثه وزجره واذا جاك استقبليه بصدر رحب واحتويه بكل ماتعني هذه الكلمه

كوني له الحب الاول والصدر الحنون والقلب الرؤؤم اذا تعب مايلقى غير صدرك واذا ضاق مايلقى غيرقلبك

واذا مرض مايلقى غير دفاحضنك واكسبيه بصفك قد ماتقدرين

وخلك دائما في وجهه باحسن هيئه واطيب ريحه ومكانك غيري فيه شوي قبل لايجي بالمناظر الخلابه والحركات

الجميله على ذوقك وبس تتوقعين وصوله جهزي حالك من الى وجهزي له القهوه والحلى وسلة ورود

وقدمي له هديه بمناسبة رجعته لك سالم غانم

واهم شي لاوصيك به الصدقه رقدرماتستطيعين فهي ترفع البلاء عن اهل البيت باذن الله تعالى

فلا تهمليها ابدا وريحيه بتلاقي الراحه عنده ومثل ماتعطينه بتاخذين منه من خير ومن شر وقدمي الخير

بتلقينه والله وياك ومابينساك ان شاء الله وطمنينا عنك طيب ...

تسلمون انتم دايم عندحسن ضني بكم بالدات انت ياختي الجوهره الله يجزاك خيرريحتي بالي وانشاءالله اعطيكم اخباري اول باول بس لاتنسوني من دعاكم

طنشيه لا تعطينه و جه ولا يزيد اهتمامك فيه لانه لو زاد راح يحس انه انتصر و زواجه من غيرك زود اهتمامك فيه

على هونكن اخواتي
الزوجة الاولى على سنة الله ورسوله ... وبعد الثانية على سنة الله ورسوله وكلهن بالحلال

اختي احمد الله ان زوجكِ لم يأت بالحرام ولم يدخل عليكم مرض مثل امراض الايدز ... وحطي في بالج ان الله مقضي ان هالحرمة زوجة لزوجكِ باردة الله وحده

وماعليج من كلام البنات اللي تقولج عندج نص ريال ونص قلب ونص حب لا والله ...الريال ما يغلبه شيء واذا شاف منج المحبة والطاعة راح يحبج اكثر ويوفر لج اللي تبينه .... وحطي ببالج انه ستــر الزواج وهذي الله سترها بزوجك فجشعيه على الاحسان لها مع وضع شروط انتي اعرف بها مثل عدم ذكرها جدامج بخير او شــر وعدم ذكرج عندها بخير او بشــر
والله ومن ثم والله اني لاعرف ريال يخربط مع البنات ويسؤي المنكرات وما حرمه الله ...لان حرمته رافضة يتزوج وهو ما تشبعه حرمة وحده .... يعني بالله هاي شو بيكون حالها لو ريالها اييه مرض والا ايدز ؟؟؟؟ هي اصلا اول وحده بينتقلها المرض والعياذ بالله


حبيبتي ... انا الزوجة الثانية بحياة زوجي ... فوالله ما شجعته الا للرجوع لزوجته ولعياله حتى قلت لو ناقصتنك فلوس الروضة والله ادفعها من عندي ... وهو يتعجب يقولي انتي ما تغارين!!!
قلت وما تنفعيني الغيرة يوم القيامة ويوم تعرض اعمالي على من لا تخفي عنده خافيه فباي وجه القيه .... سترني ورزقني ثم اسعى في الارض فساد واحاول التفريق بين زوجين او اثارة المشاكل !!!!!



وللي سوف تتزوج مره ثانية والاخوات اعترضن عليها هداهن الله:(
ماراح ينفعج الوحده والعنوسه وماراح يخليج الشيطان بحالج فاذا كنتي متاكده من اختيارج توكلي على الله
وانصحج بان تكوني لريلج المعينة على الطاعة ...وراح تجيء مسبة من الزوجة الاولى لج في نفسج وعرضج ونسبج .... فلا تنزلقي الى ما انزلقت له ...وتذكري قول الله عزوجل :
ما يلفظ من قول إلا لديه رقيب عتيد


هدانا الله وهداكم الى ما يحبه ويرضاه وستر كل وحده بما يريد ربي

والسموحة من الجميع :):)

الله يكون في عونك والبنات ماقصرو معاكي انسي ان تزوج عليكي وحا لي تغيرين من روتينك الي قبل وجددي في مظهركي وكثري من الدلع والدلال له

الله يكون في عونك

بصراحة اصعب ما يكون

بس ما تنسى انه اختبار من رب العالمين

و الله ما يبتلي الا عباده المومنين

حتى يختبر صبرهه و ايمانهم

نصيحتي لك هي الصبر ثم الصبر

و الاستعانة بالله حتى يكون بعونك

و صدقيني قلبي معاك

حبيبتي خليك عاقل وبيني له اصلك ومعدنك
ماراح ازيد على كلام البنات شي ماقصروا وخذي منهم الكلام العاقل مو كلام العصبيه
لأن العصبيه ماراح تفيدك

اقلك بنت خالتي لما تزوج عليها وش سوت
اتفقت معاه مايجيبون سيرتها وعاشت ثلاث سنوات حتى ماتعرف اسمها
هو يحبها ويموت فيها ومستحيل يستغني عنها استأذنها وجاب العروس تعيش معاهم
بالاول كانت مطنشتها ومسويتها نكره بعدها تعوذت بالله من ابليس بالذات انها تعتبر في غربه لأنها مو من أهل البلد
والان هم الثنتين مثل الخوات وماوحده فيهم ترضى على الثانيه بكلام غلط
وزوجها الله يخليه لها محتويها بعد ما الناس نهشوا في لحمها وعرفت اللي يعزها من اللي يرسم معزه
وكبرت في عين زوجها اكثر من أول

****************

اما اللي قامت تلعب دور المكسور خاطرها مااستفادت شي واخذ الثالثه
إلا انو اهي الاصيله اللي فيهم ومريحته وعرف قيمتها صج مايقول لكنها واضحه والشمس ماتتغطى بغربال
حتى عياله منها اغلى من عيال الثانيه .... وعلى فكره اهي اللي ربت ولد الثالثه


*****************
القويه اللي فيهم قال يبي يعرس راحت وخطبت له بنفسها وسكنتها في بيتها
وعطتها نصايح في تعاملها مع مزاج زوجها الغريب
وكانت تحفر لها من تحت لتحت ..... مع الايام تطلقت
وتزوج ........ وطلق ........ وطلق ........ وطلق
لكنها في مشاكل مع زوجها مع انها تراعيه وعاطيته حقه وزود
حتى انها طاحت على الاخيره وخربت عليها السحور الله لايوفقها ومايكفيها كذا كانت بتبلغ عن بنته الشرطه وتحطها في قضيه ومشاكل والله كشفها وكشفتها البنت .

*************************

حبيبتي طول ما انه زوجك عازك عزيه
والمسج اكبر دليل مشتاق صدقيه افتحي له قلبك وشويه عتاب لا تكثرين وبعدها لميه
وعيشي حياتك ولا كأنو فيه وحده تشاركك فيه

حبيه حبيه حبيه ... وبيني له انك احسن منها


الله يوفقك

الله يكون معاك ومصيره بيجرب غيرك ويرجعلك بس بطيبك ومعاملتك مثل اول بتحسسينه بالذنب كل مره والله الله بدعاء وربي انشالله يرجعلك وتعيشون حياة سعيده ويجعله مايشوف احلى ولا اغلى منك

آآآآآآآآآآه الله يصبر قلبك والله موقف مؤالم جدآ
الله يييييييعنك ويرزقك الصبر

اوخيه اصبري وحاولي تفهمين ليش هو تزوج من وين جا النقص اذا كان به نقص واذا ما فيه طيب ليش 0موقف صعب وهو ما يبي يهد حياته معاج بدليل المسج وانتي الله يرضى عليج شكلك وايد تحبينه بدليل الشوق الله لا يفرق بينكم0لا تنسي به عيال واسره محتاجين الابوين غياب احدهم يدمر الاسرة0وان شاء الله ما به الا الخير

ما اقول لج يا اختي الا
عااااااااااااااادي والله عادي
احنا وايد مقيدين وناستنا بأزواجنا
صح ان زوجك جنتك ونارك
بس مب لهذي الدرجه
لا يا اختي عيشي حيااااااااااااااااااااااااااااااااااتج
وصدقيني مع الوقت بتعودين وبيسير الامر مب مهم وايد
واذا صج تحبين زوجك سوي نفس وحده اعرفها
والله اهي الي جهزت له شنطته لمل كان مسافر شهر العسل وراحت اهي العمره تدعي ان الله يهون عليها
والله ان كل اهلها ازعلوا منها عشان ماتطلقت بس ولا عليها قالت لهم انا احب زوجي واهو يحبني
واشترطت عليه ان ما يسكنهم في بيت واحد وبس
والحين عايشه حياتها بكل بساطه
تقول حتى هو يقول انت ماقصرتي معاي ابد
بس الرجال طبعهم اناني
وبعدين والله يتزوج ولا يروح كل يوم مع وحده بالحرام ويجيب لج الامراض صح ولا لا؟
بس يا حبي هونيها وتهون
والله يسعدج دنيا واخره يا الغاليه

لله يصبرك ويعينك يارب

انا مع كلام عروسه فهد،، وعذب القوافي بلا هم وصياح احسني استقباله واللي صار صار..

اطلبي من الله انه يثبتج في هالموقف ويصبرج ويمسح على قلبج وعليج اختي بكثرة الأستغفار والله يسعدج وريح قلبج يا رب

آآآآآآآآآآه الله يصبر قلبك والله موقف مؤالم جدآ
الله يييييييعنك ويرزقك الصبر

ويييييييييييينك حبيبتي ميسان
طمنينا عنك..............

حبيبتي ميسان
وينك قمنا نحاتيك بس طمنينا عليك والله كل ما ادخل الموقع لازم اتصفح موضوعج لاطمئن عليك والله شاهد على كلامي الله يعينك ودعواتي لك تن يتسهل امورك اللهم آمين

الله يكون في عونج حبيبتي بس لا تضعفين جدام بستغل ضعفج وبيزيد عليج