دخيلكم لاتخلوني

الله يسخر لك زوجك
والله ماعندي نصااائح
الله يوووفقك ويعيييييييييييينك ويطفي غيرتك يارب

الله يسمع منك الله يسخره لي كماادعوه انه يسخرلك خطيبك ويوفقك شكرا اختي وجزاك الله خييييييييييييييييييييييييييييييييييييييييييييييييييييييييييييييييييييييييييييييييير

صلي صلاة الاستخارة اهم شي
وبعدين لا تعيشي حياتك بضغط لي اكتبه الله بيصير
حاولي انك تهتمي بنفسك لحين وماتبيني انك معصبه ومتغيره عليك كوني على طول كاشخه ومتعدله ومهتمه ببيتك وبزوجك وبولدك ولا تخليه يشعر انك مهمله بيتك
وان شاء الله ربي بيصبرك ولا تنسى الدعاء وخصوصا بقيام الليل والله يفرج همك

الله يكون في عونك اختي ويصخر لك قلب زوجك


ماعليك الا الصبر

وانصحيه واكدي عليه يصلي صلاة استخاره ويسأل الله الخيره في جميع اموره واذا له في هالامر خير يقربه واذا شر يباعد بينه وبينه مثل ماباعد بين المشرق والمغر ب ويداوم عليها لا يخليها

وانتي لاتستسلمين وعليك بقرائة سورة البقرهيوميا اربع شهور متتاليه

مع الاستغفار في كل وقت وكل حزه وهذ واقع كنت شاهد عليه لصديقه لي

عشر سنوات ماحملت وحتى الانابيب مانفعت معها ثالث مره سوتها

حطم نفسيتها الطبيب تحطيم كلي وقال لها رحمك مستحيل انها يتقبل اي شي

لا انابيب ولاغيره ولاتتعبين نفسك لان تعبك بيصير هباءا منثورا وارجعت بيتها ونفسيتها

دمار وسبحان الله بعد ثلاث سنوات ربي يسر لها وتلاقت مع ناس انصحوها بالبقره وماكملت شهر الا وهي حامل

والحين الحمد لله توهالا جايبه البنت الثانيه الله يخليهم لها .. والفال ان شاء الله لك

وبالنسبه لزوجك باوصيك وصاة حطيها باذنك ودبسيها بدبابيس علشان ماتطيح هههه

اول حاجه ادعيله بالتوفيق في كل اموره واذا له في هالامر خير ان الله يقربه منه واذا لك وله شر ان الله يباعد بينه وبيتهم كما باعد بين المغرب والمشرق

وضحي له مدى هالصدمه عليك وتاثيرها على نفسيتك وانه موبالساهل انك تتاقلمين على الوضع الجديد

ويعذرك ويقدر وضعك لو حصل منك شي خارج استطاعتك وخليه يحاول بقدر الامكان انه يتجنب اي شي يثير اعصابكو بيني له مدى غلاته عندك وانك دستي على قلبك في سبيل سعادته ولو انك متحبينه ماكن اهتميتي من الموضوع ولاقام عندك ولاقعد لكن الايام الجميله اللي عشتوهامستحيل ننساها
وهذا شرع محلله لك ربك ولااقدر امنعك منه لكن ابغيك تعرف حاجه وحده انك انت الان راس الحربه في حياتنا

وانت ميزان العدل اللي بمقدورك توازن الامور فيمابيننا ولا يتعرض احد منا للظلم والقهر

اوخلق المشاكل .

ما ابغي منك الا العدل والحق في كل الامور والصغير منها قبل الكبير وانا بعد اللي ماارضاه لنفسي بعد ما ارضاه لبنت الناس يعني ماتعطيها حق من حقوقي على احسابي وبنفس الوقت ماتعطيني حق من حقوقها على احسابها

واذا كان هي في بيت بروحها اتفقي معه على حاجه مهمه انا لاحظتها في واحد عندنا واعجبتني بصراحه

عنده ثنتين وكل وحده ليلتها لها ويومها يوديها اي مكان تبغيه او تقضي فيه حوايجها لكن مايحكمونه ثنتينهم

وموقفهم عند حدهم كل وحده ليلتها لها لكن بالنهار مالهم دخل فيه يجي عند هذي ويروح عند هذي ويشيك عليهم ويطل على اعياله ويشوف امورهم وطلباتهم ونواقصهم وهذا شي طيب يعني انتي لا احتجتي لشي ظروري ماتنطرين يومك علشان يجيك لكن بالليل تلتزم كل وحده منهم بحدودها وماتتصل فيه وهو عند الثانيه ابد الا اذا فيه شي ضروري وعاجل مايستحمل التاخير ذيك الساعه لها عذر

واذا رح يكون بينك وبين مرته اي اتصال

التزمي بحاجتين

الاولي اكسبيها لصفك واعتبريها اخت لك في الاسلام وانه مايجتمع الا بنات الحلال وعلى قولت جداتنا

المركب مشى بحريم الزوج وما مشى بحريم الحمى وانه حياتكم انتوا الثنتين بيدينكم تصير سعيده وبيدينكم تصير تعيسه لاقدر الله وان القدر حطكم بهالموقف والواجب منكم وحبا في زوجكم انكم تتكيفون على هالوضع راحتا لكم وله ولصالح كم جميع

الثانيه

تكونين معها علاقه على الصراحه بأن اللي يحدك مايسرك وانكم الثنتين مهما يكون ماتستمعون الا للي ينصحكم بخير ويعينكم على طاعة الله اولا وطاعة زوجكم ثانيا

واتفقي معها انكم تتجنبوب اسباب الغيره دوما وابدا يعني الحركات مع الزوج وما الى ذلك واللي عندها شي تدخل غرفتها وتجيب اللي عنها مراعات لشعوركم ثنتينكم

وانتي بالذات اكسبي زوجك بالحنان والتفاهم والكلمه الطيبه وتلبية جميع رغباته في كل شي

ولايشوفك الا باحسن لبس ولايسمع منك الا كل كلام عذب ولايشم منك الا كل ريح طيبه آمر وتدلل

سم ياعيوني

ابشر بالسعد وهاهه من ذا الامور لاوصيك وخلك هبّة ريح ( لاتصيرين بارده )ترى الرجال كلهم يحبون المرأه اللهلوبه

لايجي من عمله الا وجبته جاهزه قهوته زاهبه ووفري له جميع سبل الراحه والاجواء الهاديه في كل وقت

وطبيعي ان الواحد يبحث عن الراحه في كل مكان بس يوم يلقاها بيحط مراسيه فيها ويثبتها بعد

وان شاء الله تعطيني علومك الطيبه اللي تسر ولا تظر اللهم آآمين..



بس ماقلتي لنا اختي هل عندك مشاكل تمنع الحمل على طول

الاخت حنونه
صلي استخاره واللي ربج كاتبنه بيستوي
ونا مع الاخت الجوهره 2000
كلامها عجبني وااااااااااايد والله يكتبه في ميزان حسناتها

انصحج تقرين في النت عن الزواج بالزوجه الثانيه وبالذات من المواقع الاسلاميه
يعني من الجانب الايجابي وليس من الجانب السلبي

الله يوفقج دنيا واخره ويرزقج بالذريه الصالحه

ماعندي نصائح



لكن الله يوفقك يارب ويسخره لك

مممممم مع اني ماني متزوجه بس لي بنت خال مزوجة من 18 سنه وعندها 9 اطفال تحلف يمين بخلال هالسنوات فحياتها ما عارضته بامر ولا ردتله طلب وغير حبيبي نور عيني( شوفي اشطولها الجمله ماتقول) واخر شي قرر زوجها يزوج عليها بدون سبب مشتهي عرس الاخو لكن مازعلت عليه كثير وكثر ماشرجوها عليه لكن عشانها تحبه ما سوت شي ضده سبحان الله احين متندم انه تزوووج واعزها ويحسب لها حساب احسن عن قبل ليش انه عقولت المثل (جرب غيري تعرف قديري) عرف قدرها بس شوفي كيف تعامله وهو متزوج مااااااااتذكرله زوجته نهائياً ولا تسال عنها ماتقارن نفسها فيها كنها مو موجودة تجوف نفسها عروس .... بعدين اختي نصيحه اضمني عياله اللي بيبهم اضمنييييييييييييييييييهم خليهم احبونج لو ضاع منج الابو ترى بينفعوووووووووونج والله بينفعونج عن تجارب جفتها لو ضاع الاب لا تضيعين عياله حبي عياله جنهم عيالج واكثثثثثثثثر ضمان مستقبلي والله ليشلونج اذا حبييهم اكثر من امهم.... وصدقيني ماعليج من الحريم مرح يكونن بيوم ارحم من الرحمن عز وجل دام الرحمن شرع 4 يعنيييييييييي خير لنا وطالعي هالزواج بعين ايجابيه مش سلبيه وانتبهي من الكلام اللي يطفر منه الريال فيقوم يدور على حرمه تهنيه وتريح باله كوني له دار الراحه والصدر الحاني مستحيل ضرتج تاخذه منج........... ربي اوفقج واحمديه عالنعمه واستغفري الله وانتبهي من شياطين الحريم انج تاذين روحج او ريلج او شريكتج او اولادها بالمستقبل

الله ييسر أمورج ويوفقج

....

الله لايحرمني منكم جميعا اشكركم من كل قلبي على مشاركاتكم وبصراحه والله انكم خففتو عني الكثير الله يكتب اجر كل وحده باسمها صدق رب اخ لك لم تلده امك اما عن سؤال الأخت الجوهره 2000عن مشكلتي في الحمل فلله الحمد ليست عندي مشكله كبيره فقط منشطااات ولاكن المنشطات لي ولزوجي لأنه هو بعد عنده ضعف لكن هو يقول أنا بتعالج ونتي بتعالجين والعروس بتحمل والله عنده كل خير الله ييسر الأمرررررررررررررر لكم مني جزيل الشكر مره ثانيه ولكل واحده شاركت تقبلي مني هذه القبله على جبينك الطاهر

الله يوووفقك ويعيييييييييييينك ويطفي غيرتك يارب

قولي اللهم اجرني في مصيبتي و اخلفني خيرا منها...

الغاليه بما انه حتى هو يعاني من مشاكل الحمل...

شو اللي يضمنه انه العروس بتحمل؟؟؟؟

على العموم انتي كثري من تقربك لله...

و ادعي ليل نهار...و الله يسر امرك و يفرج همك...

اللهم اجعله لها كما تحب و اجعلها له كما يحب

و اجعلهم لك كما تحب...

الله ييسر امووورج ويسخر زوجج لج ويفرج همج اميييييييييييييييين ياارب

بس لاتنسين صلااة الأستخااره والأستغفااااااااااااااار

ربي معاااج

اشكركم من كل قلبي الله يكتب اجركم ولا تنسوني من دعاااااااااااااااااااااااااااااااااااكم

ما شاء الله عليج اختي مجرد موافقتج لزواج زوجج المصون هذا دليل على قوة ايمانج بالله عز وجل.. أنا أقول اذا الزوج نفسه يعاني من مشكلات فالزوجه الثانيه لا تعتبر حل للإنجاب .. ولا انتوا ماخذين المساله حظ !!!

ربما تكون هناك أسباب أخرى لم يفصح عنها زوجج .. حاولي تتقربين منه أكثر وأكثري من الاستغفار وقيام الليل وبعد انتوا الاثنين لازم تصلون صلاة استخاره..

أختي خلوا مسألة الزواج كآخر حل لموضوع الانجاب ..

وربي يسر لج أمورج