السلام عليكم
حبيت اقول لكم عن مشكلت بنتي والله حيرتني...بنتي عمرها سنتين..وماشاء الله عليها في البيت تلعب وتتكلم احسن من الي اكبر عنها..وتسولف واستيعابها سريع..ما شاء الله عليها..المهم انا اوديها الحضانة من عمرها سنة لين اليوم وكل يوم اتي البيت تسولف وتغني السلام الوطني واسماء الحيوانات..انا مرتاحة من ناحية النطق بس يوم الخميس قلت اروح الحضانة اسأل عنها واستغربت لما قالولي انها ما تتكلم ولا تلعب مع الأطفال ودايما تحب تلعب بروحها..وانهم ما بدوا يسمعون صوتها الا من 3 اسابيع بس!!!!! مع انها تتكلم بدت تتكلم من فترة طويلة..انصدمت والله هدوءها مب طبيعي مب كأنها بنتي في البيت يعني ماشاء الله عليها استيعابها واسلوبها اكبر من عمرها بس ليش ما تتكلم ولا تلعب مع الأطفال ..للعلم انها دايما تلعب معاي في البيت ومع اخواتي احس انها تميل للأشخاص الكبار لكن الي بعمرها ما تحب تلعب معاهم... للعلم ما عندي غيرها..
شو السبب وشو الحل..؟؟ ما ابي تكبر ويكبر الهدوء والعزلة معاها...
بنتي!!!!!!!!!
s
06-01-2008 | 09:01 AM
م
06-01-2008 | 09:54 AM
ما عليها خوف مدام بدت تتكلم خلاص يمكن بنتج من النوع اللي ما يتأقلم بسرعه أو حاسه بالوحدة فالحضانه لانها مش معاج او مع حد من اخوانها جربي روحي معاها الحضانة وايلسي وياها دقايق وانتي معاها قربي المسافات بينها وبين اليهال يعني لاعبيهم كلهم مع بعض واسأليها عن اساميهم استخدمي ألفاظ تساعد على كسر الحاجز بينها وبينهم مثلا شو أسماء اصدقائج ؟؟ يوم بجاوب احضنيها وقوليلها كلمات تعزز الثقة في داخلها مثل شاطرة حبيبتي و خذي معاج حلاوة او العاب بسيطة وخليها توزع على الاطفال اللي فالحضانه ....وقولي وهي توزع بنتي شاطرة تحب اصدقائها تحب تلعب معاهم ويابتلهم حلاوة وأسأليهم انتو تحبونا صح وتلعبون معاها صح ؟؟!! وشوفي تتغير والا لا !!
ر
06-01-2008 | 09:56 AM
نشدي حيلج يا شهود وهاتيلها اخو او اخت وان شالله تتغير |... ونصيحتي لج اسألي دكتور عن الموضوع ولا تهملينهاااااااااااااااااا ..
ك
06-01-2008 | 10:20 AM
حبيبتي لا تخافين ... انتي قلتي انه ماعندك غيرها يعني كبرت وحيدة واتعودت تلعب مع الكبار بس او تلعب لحالها ... بالنسبة ليها الاطفال التانيين كائنات غريبة ماتعرف تتعامل معاهم ... الحل عند مدرساتها بالحضانة ... طالما تحب تتعامل مع الكبار ... خليهم يكونوا حلقة الوصل بينها وبين الاطفال التانيين ... يعني معلمتها تلعب معاها وتدريجياً تشرك باقي الاطفال في اللعب ... واخيراً تنسحب وتخليها معاهم ... وانتي حاولي تطلعيها لمناطق فيها اطفال سواء زيارات للاسرة او للمنتزهات ... وخليك قريبة منها وشجعيها على انها تلعب مع العيال اللي في سنها ..
ا
06-01-2008 | 10:34 AM
مفتاح قلب;4918096:
ما عليها خوف مدام بدت تتكلم خلاص يمكن بنتج من النوع اللي ما يتأقلم بسرعه أو حاسه بالوحدة فالحضانه لانها مش معاج او مع حد من اخوانها جربي روحي معاها الحضانة وايلسي وياها دقايق وانتي معاها قربي المسافات بينها وبين اليهال يعني لاعبيهم كلهم مع بعض واسأليها عن اساميهم استخدمي ألفاظ تساعد على كسر الحاجز بينها وبينهم مثلا شو أسماء اصدقائج ؟؟ يوم بجاوب احضنيها وقوليلها كلمات تعزز الثقة في داخلها مثل شاطرة حبيبتي و خذي معاج حلاوة او العاب بسيطة وخليها توزع على الاطفال اللي فالحضانه ....وقولي وهي توزع بنتي شاطرة تحب اصدقائها تحب تلعب معاهم ويابتلهم حلاوة وأسأليهم انتو تحبونا صح وتلعبون معاها صح ؟؟!! وشوفي تتغير والا لا !!
s
07-01-2008 | 06:06 AM
مشكورين اخواتي على المرور ..
مفتاح قلب وكريم كراميل ان شاء الله راح اسوي بنصيحتكم وامس وديتها الألعاب وفي البداية كانت خايفة بس مع الوقت استانست:)
مفتاح قلب وكريم كراميل ان شاء الله راح اسوي بنصيحتكم وامس وديتها الألعاب وفي البداية كانت خايفة بس مع الوقت استانست:)
م
07-01-2008 | 09:44 AM
الحمدلله ..... :B_wink: