بنتي ضعيفة وااااااااااااايد ابي حل

جربي تسويلها الاكل اشكال يعني على شكل قطار او حيوانات ..... في طرق تسوين فيها الخضار والفواكه أشكال






وأنا اتصفح شفت هذا الموضوع ان شاءالله يفيدك

http://go.3roos.com/QQpxSgrZjco

مشكورة على مرورك يالغلا ان شاء الله بسويه :D

اختي اذا انتي او ابوها ضعاف فممكن تكون وراثة
واذا غير هيك حاوللي تشربيها حليب وتخلطي معاه موز وممكن كمان عسل كتييير مفيد ويغذي
ونوعيلها بالاكل
ولا تنسي الفواكه الها تاثير قوي مثل الكيوي وغيره

الله يحفظها لكم

ان شاء الله يالغالية ومشكورة(f)

أختى إذا صحتها زينة ونشاطها طبيعي بالنسبة للي في سنها لاتحاتين،، أنا ولدي عمره ثلاث سنوات ونصف وللحين ألبسه من سنتين لغاية 3 سنوات وبعد أحيانا كبار عليه ، مرة حجمه صغير، بس الحمدلله ماشاء الله صحته زينة ونشاطه طبيعي، أحنا أخوي كان جذي حجمه صغير وبعدين شب مرة وحده وماشاء الله الحين له 13 سنة وأكبر مني بمرتين...والله أول ماخذيته الفحص حق تسع شهور قالت الولد مو طبيعي وايد صغير ولازم تحاليل ومافي تحليل ماسوته وأنا وقتها كنت باموت من الهم والتفكير بس يوم طلعت النتائج كان كل شي سليم..

يعني انت حاولي معاها بالحليب والموز ، ونوعي بالأكل والمكان وأدوات الأكل خليها على شخصيات.. مثال البارحة قعدت مع ولدي داخل خيمته وقعدت أعشيه يزعم أحنا محتميين من العاصفة ولازم ناكل يكون مانبرد وتصدقين خلص عشاه كله.. يعني الياهل تاخذينه بالحيلة وراح يقبل على الطعام.....

مشكورات خواتي بصراحه افدتونا
جزاكم الله خير

ولدي نفس الحالة ..الكل يقول صغنون ..
رانيا بغيت اسالش من وين اخذتين الخيمة ..ابغي وحدة حق ولدي ان كان اشوي ينشغل فيها شوي..وهل تصلح لولدي عمره سنه ..

اختي بس لفت انتباهي شئ،، انتي تعطين بنتج اس 26 ولا اسمه (26)؟ اذا كان اس 26هذا للرضع والحين المفروض تعطينها بروجرس 3 اللي هو من 1-3 سنوات

ايه انيبعد لفت نظري وكنت بقولعنه ونسيت ..المفروض يا بروجرس يا نيدو1..

اختى الغالية عليك بالعسل والتمرافضل شى

عمرها سنه وسبع شهور تعطينها حليب 26 ؟؟؟؟؟؟ معقول هالكلام حبيبتي

انصحج تبدلينه وتعطينها نيدووو او مراعي

وما انصحج تعطينها فاتح للشهيه الياهل متى ماجاع بياكل لاتخربين لها معدتها

مشكوورررررررررين وايد
انا قصدي اعطيها بروجرس 26بس الحين اعطيها بيدا شور سمعت انه زين وخذت من الصيدلية فيتامين على شكل حلاوة ان شاء الله ينفع
بس بخصوص حليب المراعي حاولت معاها بس ما حبته ونيدو سببلها اسهال وبروجرس احسه ما في فايده
والله الاكلات المفيده ما تحبها تبي كافي واحيانا اذا انا ما اعطيها شي اتفاجئ باحد من اهلي ولا اهل زوجي معطينها تدرون مدلعينها اول حفيده :)

يعطيكم العافية يا بنات والله ساعدتوني مشكورين:o

سلام ...

الله يعينش .. ولدي عمره سنتين عندي وياه نفس المشكلة و حجمه بعد صغير رغم إني طويلة و زوجي بعد طوله زين ولدي الأول ما شاء الله طلع طويل بس الثاني نتفة .. صغير و ما شاء الله لا إله إلا الله حركي و ما يقعد من يقوم من النوم لين ما ينام يظل يفتر و يركض و يتسلق و مسبب لينا رعب بحركاته و المشكلة إنه دائماً يطيح و ما يحب ينام يقاوم النوم بكل ما عنده من قوة ... المهم ما يقعده غير "بارني " .. أشغل ليه بارني و إذا ليه مزاج و كان ذيك الحزة رب العالمين هادينه شوي ممكن ياكل أكلات محددة عيش أبيض، سمك، سوسج، شاي بالحليب أو حليب أخلط معاه فانيلا مع بخصم أو سندويش جبن بعد أغمسه ليه في الحليب أو الشاي و ساعات جكن ناجتس و جبس (بعض الأنواع مو كلها يرغب ليها) و نادراً ماياكل شي مختلف عن هذه الأشياء .. المشكلة إذا في يوم عطيته الصبح بخصم و حليب أو شاي .. و الظهر عيش و سمك و الليل سوسج شنو أعطيه ثاني يوم ؟؟؟ بعد نفس الشي و بس و ما تتغير هالأكلات إلا نادراً مثل ما قلت لكم

أني كنت أرضعه طبيعي و ألحين بعد ما فطمته مايرضى يشرب حليب .. بس من فترة بسيطة لاحظت إنه إذا المزاج زين ممكن يشرب حليب بالشكولاته الحجم الصغير جداً (كي.دي.دي. إللي عليه رسمة دب أو أي نوع ثاني) و ساعات عصير داناو جربيهم مع بنتك يمكن ترضى تشرب؟؟؟

اختي لا تخافين على بنتج..

انا بنتي ضعيفه وحجمها صغير..وديتها عند الدكتور وقال طبيعي ..عندهم مصطلح طبي مثل ماقالي للاطفال اللي احجامهم صغيره وطمني يوم قال هالكلام..

اختي... الصغير يكبر مع الايام..لا تحاتين ..انتي بس اهتمي اكثر في تغذيتها..عطيها االخضار والفاكهه والبروتينات والكربوهيدرات كوجبات يوميه تعوض اي نقص تحتاجه..وممكن يعطيها الدكتور فيتامين بدل فاتح الشهيه..

ولا تعطينها الحليب اوقات الوجبات الرئيسيه لانه يشبعها ومايخليها تاكل..

انا وديت بنتي الدكتور والله قال ان وزنها طبيعي بس ما شاء الله عليها ذكيه وحركيه وايد الحين الحمدالله ما اعطيها فاتح الشهيه واعطيها فيتامين هي يمكن طالعه علي لاني انا كنت نتفه ولين الحين محد يصدق اني متزوجة وعندي بنتين بس طمنوني اذا صحتها اوكي وتاكلما اخاف عليها
مشكورين على المرور يالغاليييين:D

والله هالجيل ما يعلم به الا رب العالمين كلهم طالعين كتاكيت وصغار