انا وزوجي والماسنجر

السلام عليكم

هذي اول مشاركه لي في هذا المنتدى وللاسف مشكله وان وان شاء الله احصل عندكن مايهون علي

بقول لكم سالفتي من البدايه

انا انخطبت خطبه تقليديه اهله شافوني وجاو يخطبوني والحمد لله تمت الملجه كنت وايد فرحانه
والمشاكل بدت عقب الملجه..... ابوي الله يهديه افكاره جديمه يمكن من زمان يده حط شرط على ريلي انه مايرمس معي ع الموبايل واذا يا يشوفني مانيلس بروحنا نيلس معهم في الميلس طلعه معه ماشي الريال واهله كانو شارين ووافق

عقب الحلفه يلسنا انا وهو واول مره بروحنا طبعاً لان ابوي عنده رياييل ومن عقبها كل مايي يزورنا البس واكشخ ونيلس با الميلس ابوي يكون موجود

المشكله

ريلي مل من هل حاله ومره من المرات جاب اخته معه وعطها موبايل وفيه رقمه عسب اقدر اكلمه
انا هني خفت من ابوي انه يعرف ماروم احط عيني بعينه حتا ولو كان هذا الريال ريلي بس الي الحينه بعدني بيت ابوي وامري بيده رفضت وقلت لها ماروم ابوي من البدايه قال لاخوج واخوج وافق اذا يبا يفتح الموضوع يكلم ابوي اخته حاولت معي بس انا رفضت بشده مع الهدايه الي جابتها


ابوي يا بنات مب من النوع الي يهاوش او يطق هو جدا هادي ما نسمع صوته بس نظراته كلها هيبه عمره ما طقني بس كنت اخاف منه واحترمه

بعد بكم يوم جا ريلي يزورنا... ونحن يالسين عطاني ورقه كتب فيها كلام وايد انه يبا يسوالف معي ومن حقه وحقي نعيش احلى ايامنا وان هاي الايام احلى ايام العمر واخر شي قال انا احترمت كلام ابوج ومافتحته با الموضوع وحترمت انج ما تردين تكسرين كلمت ابوج

بس على الاقل خلي بينا تواصل ان شاء الله حتا ع المسن ابا ارمس وياج شرات الاوادم عطاني ايميله

واضفته والحمد لله انحلت المشكله

وبدينا نسوالف مع بعض بدا يتغزل فيني ويقول لي كلام حب وكل مره لازم يحصل بينا تاتش بسبة الموبايل وكنت ارفض وكم مره قلت له اذا تبا قول حق ابوي انا ماعندي اي مانع بس خله با الاول يوافق

مرت الاشهر ونحن بس بينا مسن وبدا الكلام يتطور من سوالف حب ورمنسيه لسوالف ريال وحرمته

وقبل شهر من الحين بتمام والكمال قال لي شي رعبني وطير النوم من عيني وعيشني بحيره طول هل شهر

بعد ماسهرنا مع بعض وسولفنا انواع السوالف لا خلينا ولا بقينا كل شي قلناه

قال خلاص انا بروح عنج وراح نفترق...... هني انصدمت شوه نفترق ...قال خلاص اعتبري كل شي بينا انتهى وطلع ومن يومها ماشفت رقعت ويه ع المسن

توقعت ثاني يوم راح يجون عندنا وينهون كل شي بس مر يوم يومين ثلاثه اسبوع ولا حس ولا خبر
هو كل يمعه يجي يزورنا بس هل جمعه مايا ولا اتصل

لقيته عذر وقلت حق امي تتصل حق امه تسئل ليش ماجا على الغدا لا يكون فيه شي
امي اتصلت على امه وكانتالمفاجئه بنسبه لي

امه كلمت امي وعادي ولا كئنه فيه شي سئلتامي عليه قالت سافر ويا ربعه وان شاء الله اسبوع وراح يجي

المهم انا يلست على اعصابي شوه بيكون مصيري بتطلق ولا شوه السالفه

رد من سفرته ولا مر ولا عبرني وحتا لما امه تجي تزورنا يحطها ويروح
مرات اقول يمكن قال حق اهله انه خلاص مايبا بس اهله غصبينه تلومو على انفسهم مدري شوه موضوعه بظبط كل التجهيزات حق الزواج ماشيه واهي شي ينقص امه وخواته مايقصرون حتا انهم مره خذولي اشياء وهو دفع مستغربه من هل ريال بموت وعرف شوه يدور براسه وليش قال لي هل كلام ع المسن

بعد اسبوعين طرشت له وقلت له حط النقاط ع الحروف وفهمني شوه معنى كلامك لا تخليني بدوامه ماني عارفه راسي من ريوالي

وماعبرني ولا رد على ايملي

والحين طلع له طلعه يديده يالس يطرش لي على الايميل صور ومواضيع فكاهيه وحركات يهال
خلاص انا تعبت منه تاركني بحيره وهو ولا على باله مدري اذا هو يباني او اهله غصبينه علي

الله يخليكن لا تبخلن علي