منقوع المرة لين متى أحتفظ فيه ؟ وهل يؤثر فيه الحر ؟

I

Innocence9

عروس جديدة

05-01-2008 | 02:43 PM

السلام عليكم

شخباركم خواتي ؟ وشخبار الشتا معاكم :)

أنا عندي سؤال بخصوص منقوع المرة

الصراحة من كم شهر خذتلي غرشه ماي صغيرة ونقعت فيها المرة ومن ذاك اليوم
وأنا مب دارية عنها شي
شوي تتعرض للشمس شوي مكيف مسكينة تغربلت الغرشة :)

والحين الله هداني وقلت بستخدمها حق الحبوب اللي في ويهي

هل الفترة اللي تمت فيها بتأثر على مفعولها وصلاحيتها ؟
أخاف استخدمها الحين تضر بشرتي أكثر ...

أسوي غيرها ولا أستخدمها عادي ؟

فديتكم ردوا ها !! عفية عليكم :) :)

وشكرا مقدما

أخويتكم :)

s

sarah_sa

عروس مبدعة

07-01-2008 | 05:16 AM

من كم شهر عاد !!

لا انصحك تغيرينها .. والمره اذا طولت يبان عليها تصير غامقه وثقيله مويتها

غيريها احسن واذا بتسوين مرة ثانية سوي لك قطعة صغيرة وشوي مويه علشان ماتطول

ا

القرعوطه

عروس مبدعة

07-01-2008 | 05:31 AM

السلام عليكم ورحمة الله وبركاته...

مع إن معلوماتي عن المرة قليلة بس معروف فوايدها كثيرة...

انا اشوف الوالدة الله يحفظها تمشي وتنقع بهالمرة مافي زاوية بالبيت مافيها مرة منقوعة .....

بس اذا منقعة شهوور قويّة نصيحة نقعي غيرها ويستحسن المرة الجاية اللي بتنقعين فيها المرة

كل مايكون لونها عسلي أفضل لأنها تكون جديدة......

ومن تجاربي مع المرة من الأخت " توليب " الله يجزاها خير...

إنقعي3 قطع مرة بكوب ماي دافي لمدة يوم كامل...

ثم أضيفي عليها مقدار غطاء ونص من غسول ديتول الأخضر للعناية الشخصيّة...

وخليها بعلبة مغلقة بالحمام... وبقطنة إمسحي على المنطقة الحساسة من المرة والديتول

يوميا" وانسي شي اسمه سواد وحبوب ورطوبة.....

مع استخدام غسول طبي 3 مرات في الأسبوع.... (سيتال أو غايا أو ليوكريما )

ولا تنسوني والأخت توليب من صالح الدعاء....

والله يعطيكم العافية....

I

Innocence9

عروس جديدة

07-01-2008 | 09:40 AM

خواتي مشكورات على الإفادة والله يحطها في ميزان حسناتكم :)

#

#روحـ مغليها#

عروس ماسية

07-01-2008 | 05:22 PM

لا طووويله شهور
اصلن من يتغير لون المنقوع المفروض تغيرينه

مووووفقه يالغلا