ياربي شو اسوي مشكله اعاني منها من سنين

مرحبا مرحبا بنت بلادي ... يا هلا ويا مرحبا بج الغلا (f)


والله هالكســل مرض... بس شوفي .. اذا كانت نيتج قويه بتقدرين تتغلبين على هالكســـل ...


شجعي عمرج .. انج تبين تسوين وتسوين... بس ابعدي عن الجداول .. لان احسهاا ملل .. وما راح تسويها صدقيني


خلي النيه قويه وراح تسوينهاا ...

والله هاللي اقدر افيدج عليه ... ان شاء الله البنات ما راح يقصرون معااج ..

السموحه منج الغلا

مشكوووره فديتج

السلام عليكم ورحمة الله وبركاته


في رأيي الشخصي العمل الجماعي يساعد ويكون ممتع اكثر من الفردي فيتشجع الواحد على تنفيذه

يعني اتصلي لصديقاتج او خواتج او نسباتج وقولي لهم اليوم بنروح الصالون نسوي نيو لوك مثلا والي حابه تيي
حتى لو صديقه وحده بس تشجعج وتكون فاضية حزتها

والا خلي لج في الموضوع طابع التحدي.. .يعني كسباق مثلا بينج وبين صديقة لانهاء عدد معين من الروايات او انجاز مهمه ما ..


او تحدي بينج وبين نفسج يعني اذا قريت كتاب معين باقص شعري .. او اذا انجزت المهمة المعينة باخذ لي حلويات احبها ...
او اذا كملت الشي الي ابيه بانام لي ساعتين ... ز


ان شاء الله وضحت لج الصورة و وصل لج الي حابه اوصله


في أمان الله

المشكلة ان ما عندي صديقات يمكن لهالسبب انا احس بالكسل والملل
بس تدرين عزيزتي عجبني كلامك بخصوص طابع التحدي بيني وبين نفسي وانشالله راح اجربه باذن الله

قولي لهم يساعدونك ويشجعونك ترى الاصدفاء والعمل الجماعي يساعد

حبيبتي اهم شي يكون عندك عزيمة وراح تحققي كل شي
والله لو دخلتي مثلا لنادي او حتى centre de français راح تستفيدين اكثر وراح يكون عندك صديقات وبعد بتغيري روتين حياتك بتبدأ حياة جديد
بس انتي اول شي روحي اتسجلي بنادي او centre de français او اي نشاط ثاني انتي تلاقين نفسك انه تبغين تسوين راح تقدري تغيري حياتك كلها بس انتي حاولي ولا تقعدين تقولي انا كسولة انا ماقدر انتي باذن الله راح تقدري والله يوفقك

اول شي وقبل كل شي
لازم تشيلين من بالج إنج كسوله
وانج دايما تضيعين وقتج

بعدين تجي الخطوة المهمة الثانية ..
الإرادة ثم الإرادة ثم الإرادة

قوي عزيمتج وإرادتج وكل شي يمشي تمام

وفكرة اختي " الجوكره " حلوه
سجلي في نادي صحي او معهد عشان يكون عندج اصدقاء وتتعرفين على ناس جدد

شوفي حبيبتي بعد كل شغله تبين تسوينها قولي ان شاء الله بسويها
وان شاء الله هالطريقه تفيدج
الله يوفقج ويسعدج دنيا وآخره

مسك*;4912856:
شوفي حبيبتي بعد كل شغله تبين تسوينها قولي ان شاء الله بسويها
وان شاء الله هالطريقه تفيدج
الله يوفقج ويسعدج دنيا وآخره

بيض الله وجهك حبيبتي00

عزيزتي

يمكن المشكله في انج تحطين اكثر من شغله في وقت محدد
هذا اللي لاحظته : في ويكند تبين تقرين روايه وتسيرين المول وتغيرين اللوك وتفتحين حساب وتسجلين للغة الفر نسي؟؟؟؟

كل ها تتوقعين ممكن في ويكند!!!
لاوم تحطين الجدول لج بطريقه معقوله يعني مثلا ويكند لفتح حساب ومول واذا ما سويتي واحد فيهن ما بتحسين بالذنب اللي تحسينه يوم يكون عندج اكثر من 2 او 3 شغلات صح ولا لا؟؟؟؟

يوم الشخص يحط نفسه في وضع مظغوط يستثقل الامر ويحس بت بالذنب انه ما قدر يخلص ولا شغلة
رتبي جدولج على فترات طويله وبالمعقول يعني ممكن بعض الشغلات تاجلينها اسبوع ولا اسبوعين لين ما تخلصين الاشياء الاهم

الوقت كالسيف ان لم تقطعه قطعك

والكسل عدو للوقت لان الوقت يمضي مسرعا والكسل يضيع عليكي الكثير من الفرص والامور المهمه بحياتك

أولا::
انوي بداخلك تغيير هالصفه السلبيه لصفه ايجابيه من كسوله الى نشيطه وذكري نفسك بان الكثييييييييير من الوقت مضى وانتي لم تنجزي به شي وربما السنين .

ثانيا::
ابدأي بتطبيق هذه الصفه الايجابيه وهي النشاط بحيث عندما تنوين عمل امر ما قومي به بنفس الوقت ولاتأجلينه لوقت آخر وابدأي بالامور الصغيره لتعتادي عليها.

ثالثا::
اجمعي كل الامور التي ذكرتها وتنوين عملها لكن الكسل منعك عنها ورتبيها على حسب اولوياتها بالنسبه لكي وقومي بتطبيقها تدريجيا

هنا فقط سوف تحسين بانضباط في وقتك وانه لم يعد هناك وقت فراغ لديكي كما كان ولم يعد هناك مكان للكسل
وسوف تبدئين تدريجيا تنجزين و تلاحظين ان هناك قيمه لحياتك ولوقتك وان الأيام تمضي والسنين ولكن بإنجاز كبير ومهم قمتي به لنفسك

اضافه الى تدوين انجازاتك اليوميه بدفتر وتقيمها بعد مرور 21 يوم عليها

هنا فقط ستلاحظين انكي افضل بكثيير مما كنتي وانك انسانه اخرى منجزه راضيه عن نفسها وواثقه بنفسها اكثر

بالتوفيق

والله ردودكم فرحتني وشجعتني _ اختي راعيه الزين الويكند يكون يومين _ المشكلة اني حاسه اني اقدر اخلص كذا شغله في اليوم الاول مثلا افتح حساب واروح اسجل في المعهد _ واليوم الثاني اروح الصالون ولما ارجع اتسلى في كتاب _ انا جيه قصدي ^_^ ... بس تدرون والله تشجعت خصوصا ان السنه في بدايتها وراح احاول ان شاء الله اتغير