كيف يشتاق لكى زوجك؟؟

ازيكم يا بنات ،،اجمل شىء فى المنتدى ده ان الواحده بتحس انها بتفضفض بأفكارها مع اصدقاء ليها ،،يعنى بجد لما بييجى فى بال الواحده فكرة حلوة بتبقى حابه انها تتناقش مع اصدقاءها فيها حتى لو مكانتش لسه نفذتها ،،
جيه على بالى حاجه مهمه جدا جدا ،،و هى انه ليه الراجل ساعات بيبص لواحده تانية غير زوجته و لو لمده لحظات ،،
الواحده التانيه ديه بيبقى شايفها اولا انيقه ،رقيقه ،فيها انوثه و هكذا و الأهم من ده كله ان بيبقى فيها غمووووووووووض و حياء و حواجز هو ده اللى انا بتكلم عنه
كل واحده بتحاول جااااهده انها تعمل ليالى رومانسيه و و هدايا و حاجات من كده كتير و تحاول تغرى زوجها باللبس الجرىء الصارخ و انه يشوفها بكافه انواع اللانجيرى و الملابس الجميله و لكن مفكرتيش انه ممكن يزهق؟؟؟؟؟؟ايوة هى دى الحقيقه
ممكن جدا يزهق لأنه خلاص عرف شكل مراته و هى على طول باللبس اللى بيبين اغلب جسمها و ده اعتقد انه غلط و يخليها فى بعض الأحيان جريئه و الراجل بطبيعته الخشنه الجريئه بيحب حياء المرأه:o فى بعض الأحيان و ليس فى كل الأحيان
لازم الراجل يشوف زوجته احيانا على طبيعتها يعنى ممكن تلبسى جينز لو ويس على بودى قصير مثلا و ترفعى شعرك و تنزلى خصلات بسيطه يعنى تلبسى حاجات تدارى من جسمك يعنى تحاولى تخفى من جسمك اكثر مما تظهرى فى بعض الأوقات علشان يشتاااق و ممكن لما تحبى تلبسى حاجات مغريه تلبسى تى شيرت طوييله و بس بيبقى شكلها حلو و ممكن تلبسى قميص من بتوعه و بس برضه بيبقى شكله جميل و بيتفاجىء بيه او الجاكيت بتاع البيجامه بتاعته و بس
و ساعات برضه خليييكى تقيله شويه و تخليه هو اللى يحاول يرضيكى بأى شىء علشان يبقى فى اثارة فى حياة الراجل و تخلليه يفكر فى زوجته بانه يجيبلها هديه يفاجئها بحفله او بعزومه ،،اديله الشعور ده بانك بتحبى مفاجاته و هداياه ليكى يعنى مش كل حاجه انتى بس اللى تعمليها
و ادللعى عليه ساعات بانك مثلا زهقانه و مش لاقيه حاجه تعمليها او بانك عايزة تعملى حاجه جديدة و مش عارفه ،،،يعنى اقصد انك تجننيه بدلعك و تخلليه يحاول يعمل اى حاجه علشان يخللى الأميرة ترضى ،،و ده ميمنعش انك تعملى كل شىء علشان ترضيه و تدلعيه
و يا رب يقدرنا على خدمة و اسعاد ازواجنا
و دعواتكم ليا