انا وبنتي والرضاعة الطبيعية

الحال من بعضه رضعت ولدي شهرين ونص وكان يرفض الرضاعه الطبيعيه وكنت اغصبه حتى لو خمس دقايق وبعدين اعطيه المرضاعه بعدين ماقدرت عليه مايرضى يرضع ابدا وحملت بعد فتركته على الصناعي يوم اللي نشف فيه الحليب من صدري سويت مصرع كله صياح ونياح غيييير اذا الطفل يرضع من امه تحس انها صدق ام

الله يحفظ لش البنوته ان شاء الله وانا حاسه بنفس الشعور اللي انتي تحسينه تجاه بنتش ماباليد حيله :(

الله يخليلج فدوكه...

لاتحطين بقلبج ياعمري الي صار صار وحتى الرضاعه الطبيعيه مابتنفع بنتج الا بأمر الله ولا عيال قبل كانو كلهم يرضعون طبيعي ما مرضو؟

والي يقولون الرضاعه الطبيعيه تخلي الولد يبر بأمه ترى مو شرط ماعمرج سمعتي من الكبار عن ولد عاق ؟

هو صج الرضاعه الطبيعيه أحسن للبيبي صحته تصير حلوه ويصير كتكوت وباذن الله تزيد مناعته لكن تراها مو كل شي الاهتمام والمتابعه والنظافه لهم دور.

لو تفتح عمل الشيطان انسي الي فات وركزي بتربية بنتج واستفيدي من هالتجربه بالمرات اليايه.

الله يساعدك اختي على هالشعور
بس بصراحة يعتمد على الاسباب.. يعني لو كان بايدك انتي وانتي الي ماعطيتيها فاسمحي لي يا اختي عمرك ماراح تتخلصي من هالشعور..

اما اذا الاسباب مو بيدك فوكلي امرك لله وهو الي بيحفظها.. وعوضيها بحنانك واهتمامك فيها وبصحتها وهذا اهم شي.. لان الي مايرضعوا طبيعي المناعه تقل عندهم..

انا ولدي مايرضع طبيعي بعد بس على كثر مو حاز في نفسي انه انحرم منه وودي اعطيه لكن مو بيدي.. ولا عمري في يوم فكرت بهالاحساس لانه مو بيدي وعارفة ومتأكدة ان مالي دخل بحرمانه منه
الله يعوض عليه وعلى كل الي انحرموا من حليب امهم

فاطمة
الله يعوض علينا انشاء الله
ونرضع طبيعي المرات الجاية

ام فدوكة ! اثرتين مزيج من الحزن و التعاطف بداخلي !

حبيبتي ، كل شي مكتوب لك و لبنتك تأكدي انه لصلاحكم ، و ما في حد مذنب ! بنتك رفضت صدرك مثل باقي الاطفال ، و انتي حاولتي معاها .. سويتي اللي عليك ..

فيه امهات برغبتهم ما يرضعون البيبي بشكل نهائي ! مباشرة من يطلع من البطن يجهزون زجاجة الرضاعة ! حتى ما يعطونه اول رضعة اللي فيها فوايد كبيرة ! و مرتاحين و لا شاغلهم شي ، دام يشوفون البيبي مصحصح و سليم قدامهم ..

و اهم شي انك تعطين لبنتك اكل صحي و تعوضين الرضاعة الطبيعية بالبيبي الثاني !

كل شي له ايجابياته و سلبياته !

انا ارضع ولدي طبيعي و كل يوم اقول ابي افطمه و اتردد ، لان الرضاعة بعد تحمل سلبيات !

سوزي
اهو انا اقول ما ينفع اني اتحسر واقول لو
بس هالشعور مسيطر علي

ثلج ونار
انا حاولت وياها اليوم الاول بالمستشفى كنت تعبانة
اليوم الثاني والثالث جابوها لي ورضعتها
اليوم االرابع و الخامس كان صدري متنفخ ويعورني فما رضعتها
مع ان امي كانت تغصبني ارضعها بس من الالم ما قدرت
وبعدين رضعتها طبيعي اسبوع ويوم وبالغصب لانها تعودت ع الصناعي
يعني رضعتها عشرة ايام وما كانت تشرب خلالهم من صدري الا لمن اعطشها
وبعدين لمدة شهر صرت اشفط لها واعطيها اياه بالرضاعة وتالي قطعت
يعني هي ما بغت بس متحسفة اني ما اصريت اكثر
اففففففففففففففففففف
لول

انثى
حبيبتي كلامج هدى نفسيتي اشوي
تصوري اليوم كنا في جمعة مع صديقاتي
جان ارضع فدوكة بالمرضعة
جان تقول صديقتي لبنتي يخلف الله عليج من هذه ام
وتقولي جيبيها انا ارضعها طبيعي
وصراحة هي قصدها الخير لانها كاسرة خاطرها بنتي
بس انا انقهرت وايد من كلامها

طولت وهدرت وايد

لا صديقتك تصرفها خطأ ، و ليش ينكسر خاطرها عشان بنتك ؟ الحمدلله ان لها ام متحملة فيها و حنونة عليها !

و لا تتركين لاحد مجال انه يقول لك مثل هالكلام ! اظهري عن غضبك و مشاعرك اذا زعلتي حتى ماتصير لهم جرأة انهم يقولون مثل هالكلام !

احضني بنتك و عاهدي نفسك انك تتركين التفكير و الندم عشان الرضاعة الطبيعية ، و اوعدي بنتك برعياتك و حبك و حنانك لها و راح ترتاحين ..

انثى
انا احبك
والله انه كلامج رجعني لعقلي
وكلامج وايد شجعني وريحني مرة وفتح جدامي اشياء ما كنت افكر فيها
ياعمري ادري اني الخبط بالكلام
بس كل اللي اقدر اقوله انج فرجتي عن همي وضيقي بكلامج
الله يفرج همج ويقضي حاجتش
ويحفظ لج السيد الصغير والسيد الكبير
يااااااااااااااا رب

هلا الغلا ام فدك

حبيبتي انتي حاولتي معاها وهذا اهم شي

صباح الخير

شكلج صرتي احسن من كلام انثى

يالله الحمدلله على كل حال.. ودامج قلتي انج حاولتي وعطيتيها بعد يعني الحمدلله خلاص بعد ليش كل هالشعور؟؟ يعني قولي الحمدلله انها شربت ولو القليل.. وانتي مو بيدج ولا عطيتينها..

الله يخليج لها ويخليها لج

ام فدوكه ليش هالكلام انا اعرف بنات مارضعوا عيالهم ابددددددد وانا عن نفسي ولدي مارضع اللبن الالصفر اللى منه فايده وحاولنا معاه بس مارضى وكنت اشفط واعطيه لمده اسوبع مع الحليب الصناعي طبعا وبعدين عطيته صدري بس معاه حليب صناعي بس اتصدقين احين يرضع منى وصراحه كل يوم مريييييييض وايد يمرض وانا اتشاور افطمه لانه الرضاعه الطبيعيه متعبه جدا بالنسبه لي ولدى يتعلق احيانا بس جي مايبى حليب وانتى ياام فدوكه اكثر وحدة اتعرفين معاناتى ويه نوم سليمان كل شوي يقوم يرضع حتى انه اختى تفطم عيالها على شهرين و4 شهور اذا شافتهم متعلقيين فيها لانه بيكبر وصعب تفطمه وحتى الين تلعب في راسي واتقولي افطميه لانه عندها ولد رضعته سنتيين وبنت عمرها سنه وشي ولعوززوها بالفطام من جي انا خايفه يستويلي نفس الشي..ويعدين انا حليبي قلييل ...ادري انه احلى ملح اهنى وهى اتقول انه الرضاعه الطبيعيه مافيها تعب بس كل وحدة على حسب انا بسبب الرضاعه الطبيعيه ريلي حابسني بالبيت ومايطلعنى الا بالنادر

تدرين يا الحى ملح انه طلعت ولدى قبل كم يوم واتم يصييح يبي يرضع وانا ماحصلت مكان ارضعه اتوهقت مع انه كان راضع قبل ماانزل من السياره بس لانه طافت ساعتيين اتخبل الولد ومارضى حتى ياخذ الللهايه يبى حليب واللها نى تذكرتج يوم قلتي انه بنتج ماترضع الا كل كم ساعه وبعدين من قهي سويتله مرضعه ورحت غرفه تبديل الملاابس وفطست حر وقلت الحمدلله انى مارضعته وغمضنييييييييييييي شرب المرضعه مال خبال كان يوعان مع انى اكلته عيش ميلوبا وماكان يباه لانه اصلا رضعته طبيعي قبل ساعتييين بس انا قلتلج ولدى غييييييييير

الحال من بعضه يا أم فدوكه
أنا أيضا لم أرضع بنتي طبيعي الأ ثمانية شهور بس و طووول هالفترة كنت صابره و أعاني مع الرضاعه الطبيعيه .... في البدايةما كنت أعرف أرضعها في المستشفى وبعدين في البيت حاولت و حاولت ولكن نفسيتي كانت تعبانه وصرت ما أحب آكل وهذا كله أثر بنفسيتي وعلى كمية الحليب ومنها شوي شوي تعودت بنتي على الصناعي ومن يومها لحد يومش هذا والله العظيم لم أغفر لذنبي وندمانه ليش أن بنتي ضعيفه و ما تشد تمشي كثير الا و تقول ماما رجولي عورتني و الحين بنتي عمرها قريب بتكمل الأربع سنوات ولكن الحمدلله رب العالمين الليي عوضني في أبني و أرضعه طبيعي

و انتين بعد عزيزتي عوضي في أجيالش الجاية

خوفتيني يا نجمه الرضا ثمانيه شهور بانلسبه لي وااايد ليش انتى اتقولي شوي انا رضعت من امي 6 شهور وكنت العب جمباز وانا صغيره ولين الحين امشي ولا اتعب

والله ساعات الواحدة بتضطر ترضع صناعي غصب عنها
يعني انا اضطريت لان البنت كان وزنها قليل اوي حليبي مش بيكفيها وحاليا ترضع مني بس 5 دقايق بس والباقي صناعي يالا قدر الله وماشاء فعل

سبحان الله

انا ع بالي المشكلة عندي انا وبس


بنتي ترفض ترضع مني

وصراحة تاعبتني حيل

كل ما حاولت ارضعها تقعد تبكي بدون توقف

والحين انا اشفط لها واعطيها

بس وايد متعب الشفط !!!





بس مابي اقطع الحليب الطبيعي عنها

لأنها ما تحب الحليب الصناعي

اول ما اعطيها ترجع على طول!!

وما عارفة شسوي صراحة

ملاك
نورتي